Jovika About Sri Hari: வனிதா மகள் ஜோவிகாவிடம்... அண்ணன் ஸ்ரீஹரி பற்றி எழுபட்ட கேள்வி! எதிர்பாராத நச் பதில்!

வனிதா விஜயகுமாரின் மகன் ஸ்ரீஹரி பற்றி ஜோவிகாவிடம் கேட்கப்பட்ட கேள்விக்கு.. நச் பதில் கொடுத்துள்ளார்.  

முதல் முறையாக, வனிதா விஜயகுமாரின் மகள் ஜோவிகாவிடம் அவருடைய சகோதரர் ஸ்ரீஹரி குறித்து எழுப்பப்பட்ட கேள்விக்கு, யாரும் எதிர்பாராத நச் பதில் கொடுத்துள்ளார். 

vanitha vijayakumar

பழம்பெரும் நடிகர் விஜயகுமார் - மஞ்சுளா நட்சத்திர ஜோடிகளின் மூத்த மகளான வனிதா விஜயகுமார், பிரபல தொழிலதிபரும் நடிகருமான ஆகாஷ் என்பவரை காதலித்து திருமணம் செய்து கொண்ட நிலையில், இந்த தம்பதிகளுக்கு ஸ்ரீஹரி என்கிற மகனும் ஜோதிகா என்கிற மகளும் பிறந்தனர்.

ஜோவிகா பிறந்த கையோடு ஆகாஷுக்கும், வனிதா விஜயகுமாருக்கும் ஏற்பட்ட கருத்து வேறுபாடு விவாகரத்து வரை சென்றது. தன்னுடைய முதல் கணவரிடம் இருந்து விவாகரத்து பெற்ற வனிதா, ஆனந்த் ராஜன் என்பவரை இரண்டாவது திருமணம் செய்து கொண்டார். ஆனந்த் ராஜன் மூலம் வனிதா... ஜெயனித்தா என்கிற மூன்றாவது பெண் குழந்தைக்கு தாயானார் என்பது அனைவரும் அறிந்ததே. பின்னர் சில வருடங்களில் ஆனந்திடம் இருந்தும் விவாகரத்து பெற்றார்.

Vanitha son Srihari

முதல் கணவர் ஆகாஷுக்கு பிறந்த மகன் ஸ்ரீஹரி, தந்தையுடன் உள்ள நிலையில்... மகள் ஜோவிகா வனிதாவிடம் வளர்ந்து வருகிறார். மூன்றாவது மகள் கோர்ட் விதித்த நிபந்தனையின்படி தந்தையிடம் வளர்ந்து வந்தாலும், அவ்வப்போது வனிதாவை சந்திப்பதை வழக்கமாக வைத்துள்ளார்.

Jovika

ஜோவிகாவுக்கு படிப்பு மீது ஆர்வம் இல்லாததால், தற்போது நடிப்பு மற்றும் திரையுலக பணிகளில் ஆர்வம் காட்டி வருகிறார். சமீபத்தில் நடந்து முடிந்த பிக்பாஸ் சீசன் 6 நிகழ்ச்சியில் கலந்து கொண்டு விளையாடிய ஜோவிகா, ஆரம்பத்தில் மிகவும் எதிர்பார்க்கப்பட்ட போட்டியாளராக இருந்தார். பின்னர் டவுன் ஆனதால் 70 நாட்களுக்கு பின்னர் பிக்பாஸ் வீட்டில் இருந்து வெளியேற்றப்பட்டார்.

விரைவில் தமிழ் அல்லது தெலுங்கு திரையுலகில் ஹீரோயினாக ஜோவிகா அறிமுகமாவார் என எதிர்பார்க்கப்படும் நிலையில், சமீபத்தில் ஜோவிகா தன்னுடைய அண்ணன், ஸ்ரீஹரி குறித்து இன்ஸ்டாகிராம் லைவில் ரசிகர் ஒருவர் எழுப்பிய கேள்விக்கு நச் பதிலளித்துள்ளார்.

Vanitha son Srihari

வனிதா சமீபத்தில் லைவில் ரசிகர்கள் கேள்விக்கு பதிலளித்தபோது, ஜோவிகாவிடம் ரசிகர் ஒருவர் உங்கள் அண்ணனான ஸ்ரீஹரியை உங்களுக்கு எவ்வளவு பிடிக்கும்? அவர் உங்களுக்காக திரும்ப வருவாரா? என கேள்வி எழுப்பினார். அதற்கு ஜோவிகா நீங்கள் யாரையாவது உண்மையாக நேசித்தால்... அவர்களை அப்படியே ஃப்ரீயா விட்டு விடுங்கள். அவர்கள் மீண்டும் உங்களிடம் வந்தால். அது உங்களுடையது!வரவில்லை என்றால் அது உங்களுடையது இல்லை! என்று மிகவும் மெச்சூர்டாக பதில் அளித்துள்ளார்.

அடிக்கடி வனிதாவிடம் அவருடைய மகன் குறித்து கேள்விகள் எழுப்பி வரும் ரசிகர்கள் மத்தியில், இந்த முறை  ஜோவிகாவிடம் எழுப்பப்பட்டது. அதற்க்குயாரும் எதிர்பாராத பதிலை கூறி வியக்க வைத்துள்ளார் ஜோவிகா என நெட்டிசன்கள் புகழ்ந்து தள்ளி வருகிறார்கள்.