முதல் மரியாதையில் நடிக்க மறுத்தது முதல் 15 வயது பெண்ணை திருமணம் செய்தது வரை.. எஸ்பிபி பற்றிய டாப் 10 சீக்ரட்ஸ்
மறைந்த பின்னணி பாடகர் எஸ்.பி.பாலசுப்ரமணியத்தின் மூன்றாம் ஆண்டு நினைவு தினமான இன்று அவரைப் பற்றி பலரும் அறிந்திடாத 10 சுவாரஸ்ய தகவல்களை பற்றி இந்த தொகுப்பில் பார்க்கலாம்.
SP Balasubrahmanyam
ஆந்திர மாநிலம் நெல்லூர் மாவட்டம் குணடம்பேட்டை என்கிற சிற்றூரில் எஸ்.பி.சம்பமூர்த்தி - சகுந்தலாம்மா என்கிற தம்பதிக்கு 1946-ம் ஆண்டு பிறந்தவர் தான் எஸ்.பி.பாலசுப்ரமணியம். எஸ்.பி.பி உடன் பிறந்தது மொத்தம் 5 பெண்கள். அதில் ஒருவர் தான் பிரபல பின்னணி பாடகி எஸ்.பி.சைலஜா. இவர் 6 ஆயிரம் திரைப்பாடல்களை பாடி இருக்கிறார்.
SPB wife savithri
பாடகர் எஸ்.பி.பி, சாவித்ரி என்பவரை காதல் திருமணம் செய்துகொண்டார். திருமணம் செய்யும்போது சாவித்ரிக்கு வெறும் 15 வயது தான். எஸ்.பி.பிக்கு 22 வயது. இந்த தம்பதிக்கு பல்லவி என்கிற மகளும் சரண் என்கிற மகனும் உள்ளனர். இதில் சரண் சினிமாவில் பின்னணி பாடகராக வலம் வருகிறார்.
SPB first tamil song
தமிழில் ஹோட்டல் ரம்பா என்கிற திரைப்படத்தில் மெல்லிசை மன்னர் எம்.எஸ்.விஸ்வநாதனால் அறிமுகம் செய்யப்பட்ட எஸ்.பி.பி, சுமார் 16 மொழிகளில் 50 ஆயிரத்திற்கும் மேற்பட்ட பாடல்களை பாடி இருக்கிறார். உலகளவில் அதிக பாடல்களை பாடியதற்காக இவர் கின்னஸ் சாதனை புத்தகத்திலும் இடம்பிடித்துள்ளார். 50க்கும் மேற்பட்ட படங்களுக்கு இசையமைப்பாளராகவும் பணியாற்றி இருக்கிறார்.
SPB miss mudhal mariyathai movie
இயக்குனர் பாரதிராஜா இயக்கிய மாஸ்டர் பீஸ் படமான முதல் மரியாதை படத்தில் நடிகர் திலகம் சிவாஜி கணேசனுக்கு பதிலாக எஸ்.பி.பாலசுப்ரமணியம் தான் நடிக்க வேண்டி இருந்ததாம். கதையைச் சொல்லி நீ தான் நடிக்க வேண்டும் என பாரதிராஜா பலமுறை வலியுறுத்தினாராம். ஆனால் எஸ்.பி.பி நடிக்க மறுத்துவிட்டாராம்.
SPB loves cricket
சிறு வயது முதல் எஸ்.பி.பிக்கு கிரிக்கெட் மீது அலாதி பிரியமாம். இந்திய கிரிக்கெட் அணியை யாரேனும் மட்டந்தட்டி பேசிவிட்டால் கோபத்தில் அடித்துவிடுவாராம் எஸ்.பி.பி. கபில்தேவ் மற்றும் சச்சின் டெண்டுல்கரின் தீவிர ரசிகரான எஸ்.பி.பிக்கு தான் கையெழுத்திட்ட பேட் ஒன்றை சச்சின் பரிசாக அளித்திருக்கிறார்.
இதையும் படியுங்கள்... அரசியல்வாதியை காதலித்து கரம்பிடித்தார் பாலிவுட் நடிகை பரினீதி சோப்ரா - வைரலாகும் வெட்டிங் கிளிக்ஸ்
SPB favourite food
என்னதான் உயர்ரக உணவுகளை சமைத்து வைத்தாலும் எஸ்.பி.பிக்கு மிகவும் பிடித்தமான உணவு தயிர் சாதம் தானாம். அதை சாப்பிட்ட உடன் இனிப்பு, கூல் டிரிங்க்ஸ், ஐஸ்கிரீம் இவற்றில் ஏதாவது ஒன்றை, சாப்பிட்டுவிடுவாராம் எஸ்.பி.பி.
SPB is a Travel Freak
விமான பயணம் என்றால் எஸ்.பி.பிக்கு மிகவும் பிடிக்குமாம். இதனாலேயே உலகத்தில் உள்ள பெரும்பாலான நாடுகளுக்கு பயணித்து இருக்கிறார் எஸ்.பி.பி. இவர் பயணிக்க விரும்பி, பயணிக்க முடியாமல் போன நாடு ரஷ்யா. இதற்காக அவர் பல நேரங்களில் வருத்தப்பட்டதாகவும் சொல்லப்படுகிறது.
SPB records
1981-ம் ஆண்டு கர்நாடகா மாநிலம் பெங்களூருவில் உள்ள ஒலிப்பதிவு கூடம் ஒன்றில் ஒரேநாளில் 9 மணிநேரத்தில் அதிகபட்சமாக 21 பாடல்களை பாடி சாதனை படைத்திருக்கிறார் எஸ்.பி.பி. அதற்கு அடுத்தபடியாக ஒரே நாளில் 19 தமிழ் பாடல்களையும், 6 மணிநேரத்தில் 16 இந்தி பாடல்களையும் பாடி சாதனை படைத்திருக்கிறார்.
SPB as Dubbing artist
பின்னணி பாடல்கள் பாடுவது மட்டுமின்றி தமிழ், தெலுங்கு உள்பட பல்வேறு மொழிகளில் 70-க்கும் மேற்பட்ட படங்களில் முக்கிய கதாபாத்திரங்களை ஏற்று நடித்திருக்கிறார் எஸ்.பி.பி. டப்பிங் பேசுவதிலும் சிறந்து விளங்கிய எஸ்.பி.பி, கமல் நடித்து தெலுங்கில் டப்பிங் செய்யப்படும் படங்களுக்கு இவர் தான் குரல் கொடுத்து வந்துள்ளார்.
SPB Smoking addiction
பாடகர் எஸ்.பி.பி அதிகமாக புகைப்பிடிக்கும் பழக்கம் கொண்டவராம். சுமார் 35 ஆண்டுகளுக்கு மேலாக புகைபிடித்து வந்ததால், உடல்நலம் பாதிக்கப்பட்டதை அடுத்து அந்த பழக்கத்தை கைவிட்டார்.
இதையும் படியுங்கள்... மாரிமுத்து இல்லை.. ஆனாலும் மாஸ் காட்டும் எதிர்நீச்சல்.. இந்த வார TRP - டாப்பில் உள்ள சீரியல்கள் என்னென்ன?