பெற்றோரின் எதிர்ப்பை மீறி ரகசிய திருமணமா? ஒரே போட்டோ மூலம் வதந்திக்கு முற்றுப்புள்ளி வைத்த பிரபல நடிகை..

நடிகை சோனாக்‌ஷி சின்ஹா பெற்றோரின் எதிர்ப்பை மீறி காதலனை ரகசிய திருமணம் செய்து கொள்ள உள்ளதாக தகவல் வெளியான நிலையில், தற்போது ஒரே போட்டோவின் வதந்திகளுக்கு முற்றுப்புள்ளி வைத்துள்ளார்.

பிரபல பாலிவுட் நடிகர் சத்ருகன் சின்ஹாவின் மகள் சோனாக்ஷி சின்ஹா. தபாங் படத்தின் மூலம் பாலிவுட்டில் அறிமுகமானார். அந்த படத்தில் அவருக்கு ஒரு சிறிய பாத்திரம் இருந்தாலும், நடிகை தனது முத்திரையை பதித்து மற்றொரு பிளாக்பஸ்டர் ரவுடி ரத்தோர் படத்தில் நடித்தார்.

2014 ஆம் ஆண்டில், அவரது ஹாலிடே-எ சோல்ஜர் இஸ் நெவர் ஆஃப் டூட்டி திரைப்படம் வெற்றி படமாக அமைந்தது. அதே ஆண்டில் கே.எஸ்.ரவிக்குமார் இயக்கத்தில் ரஜினிகாந்த் நடிப்பில் வெளியான லிங்கா படத்திலும் சோனாக்‌ஷி சின்ஹா நடித்திருந்தார். லிங்கா படமும் தோல்வி அடைந்தது.

இதை தொடர்ந்து ஆக்சன் ஜாக்சன், தேவர், அகிரா, ஃபோர்ஸ் 2, நூர், இட்டெஃபாக், வெல்கம் டு நியூயார்க், ஹேப்பி பிர்ர் பாக் ஜாயேகி, கலங்க், மற்றும் கந்தானி ஷஃபாகானா அடுத்தடுத்து வெளியான 11 படங்களும் பாக்ஸ் ஆபிஸில் தோல்வி படங்களாகவே அமைந்தன..

இருப்பினும், சூழலில் தான் சோனாக்‌ஷி சின்ஹா 2023 ஆம் ஆண்டில், OTT இல் நுழைந்தார். தஹாத் என்ற வெப் சீரிஸில்  அறிமுகமானார். இந்த சீரிஸில் காவல்துறை அதிகாரியாக அவர் நடித்திருந்தார்.. அவரின் நடிப்பு விமர்சகர்கள் மற்றும் ரசிகர்களிடம் பாராட்டை பெற்றது.

இதை தொடர்ந்து தற்போது சஞ்சய் லீலா பன்சாலியின் ஹீராமாண்டி வெப் சீரிஸில் சோனாக்‌ஷி முதன்மை கதாப்பாத்திரத்தில் நடித்தார். ரெஹானா மற்றும் ஃபரீதன் என்று இரட்டை வேடங்களில் தனது அசத்தலான நடிப்பை வெளிப்படுத்தி உள்ளார் சோனாக்‌ஷி. 

இந்த சூழலில் நடிகை சோனாக்‌ஷி சின்ஹா தனது நீண்ட நாள் காதலரான ஜாகீர் இக்பாலை திருமணம் செய்ய உள்ளார். ​​இந்த ஜோடி ஜூன் 23 அன்று திருமணம் செய்து கொள்ள உள்ளதாக கூறப்படுகிறது. குடும்ப உறுப்பினர்கள் மற்றும் நெருங்கிய நண்பர்கள் மட்டுமே இந்த திருமண விழாவில் கலந்துகொள்ள உள்ளதாக கூறப்படுகிறது..

தனது திருமணத்திற்கு பெற்றோர் எதிர்ப்பு தெரிவித்ததாகவும், இதனால் பெற்றோரின் எதிர்ப்பை மீறி சோனாக்‌ஷி திருமணம் செய்ய உள்ளதாகவும் தகவல் வெளியானது. அதே போல் சோனாக்‌ஷியின் தந்தை சத்ருஹன் சின்ஹா மகளின் திருமணத்திற்கு செல்ல மாட்டார் என்றும் கூறப்பட்டது. ஆனால் தற்போது ஒரே போட்டோ மூலம் இந்த வதந்திகளுக்கு சோனாக்‌ஷி முற்றுப்புள்ளி வைத்துள்ளார்.

சோனாக்‌ஷி - ஜாகீர் இக்பாலின் இரு குடும்பங்களும் மகிழ்ச்சியாக போஸ் கொடுக்கும் போட்டோக்கள் இணையத்தில் வைரலாகி வருகின்றன. ஜாகீர் இக்பால் மற்றும் அவரது குடும்பத்தினருடன் சோனாக்ஷி சின்ஹா ​​மகிழ்ச்சியாக செல்ஃபி எடுப்பதை அந்த போட்டோவில் பார்க்க முடிகிறது.

அந்த போட்டோவில் சத்ருகன் சின்ஹா, பூனம் சின்ஹா, ஜாகீர் இக்பால் மற்றும் அவரது குடும்பத்தினர் உட்பட முழு குடும்பமும் உள்ளது.

மேலும் சத்ருஹன் சின்ஹா தனது மருமகனுடன் ஜாகீர் இக்பாலும் போஸ் கொடுக்கும் மற்றொரு போட்டோவும் வைரலாகி வருகிறது.

இதனிடையே சோனாக்‌ஷி திருமணத்தில் சத்ருஹன் சின்ஹா பங்கேற்க போவதில்லை என்று தகவல்கள் பரவியது. ஆனால் இந்த தகவலை சத்ருஹன் சின்ஹா முற்றிலும் மறுள்ளார். இதுகுறித்து பேசிய அவர் “ இது எனது ஒரே மகள் சோனாக்ஷியின் வாழ்க்கை, நான் மிகவும் பெருமைப்படுகிறேன். நான் அவரை மிகவும் நேசிக்கிறேன். அவர் என்னை அவளுடைய வலிமையின் தூண் என்று அழைக்கிறாள். நான் நிச்சயமாக திருமணத்திற்கு வருவேன்.” என்று கூறினார்