பட்ஜெட் போனும் இருக்கு.. Costly போனும் இருக்கு.. டிசம்பரில் வெளியாகும் நச்சுனு 4 மொபைல்ஸ் - விலை விவரம் உள்ளே!

Smart Phones Releasing in December : ஸ்மார்ட்போன்களின் ஆதிக்கம் உலகளவில் அதிகரித்துவிட்ட இந்த சூழலில் ஒவ்வொரு மாதமும் பல்வேறு புது மாடல் செல்போன்கள் வெளியாகி வருகிறது. இந்நிலையில் டிசம்பர் மாதம் வெளியாகவுள்ள ஸ்மார்ட் ஃபோன்கள் குறித்து இந்த பதிவில் காணலாம்.

Oneplus 12 5G

பிரபல ஒன்பிளஸ் நிறுவனம் தொடர்ச்சியாக பல புதிய ஃபோன்களை அறிமுகம் செய்து வரும் நிலையில் அதனுடைய ஒன்பிளஸ் 12 5g வேரியண்ட் போனை வருகின்ற டிசம்பர் 4 ஆம் தேதி சீனாவில் வெளியிட உள்ளது. அதேபோல இந்த போன் இந்தியாவில் வருகின்ற ஜனவரி 23ம் தேதி முதல் விற்பனைக்கு வெளியிட உள்ளது. பல்வேறு சிறப்பு அம்சங்கள் உள்ள இந்த மொபைல் போன், சுமார் 70 ஆயிரம் ரூபாய்க்கு விற்பனைக்கு வரும் என்று எதிர்பார்க்கப்படுகிறது.

Realme GT5 Pro

கடந்த சில வருடங்களாக செல்போன் விற்பனையில் முன்னிலையில் இருந்து வரும் Realme நிறுவனம் தனது Realme ஜிடி5 ப்ரோ என்கின்ற புதிய செல்போனை சீனாவில் வருகின்ற டிசம்பர் 7ஆம் தேதி அறிமுகம் செய்ய உள்ளது. இந்தியாவிலும் விரைவில் வெளியாகவுள்ள இந்த போன் ஸ்னாப்டிராகன் 8, ஜென் 3 கொண்டு அறிமுகமாகும் என்றும், வயர்லெஸ் சார்ஜிங் முறை இதில் இணைக்கப்பட்டுள்ளது என்று எதிர்பார்க்கப்படுகிறது. 50000 முதல் 65 ஆயிரம் என்கின்ற விலைக்குள் இந்த போன் அறிமுகமாகலாம் என்று எதிர்பார்க்கப்படுகிறது.

iQoo 12 5G

பல முன்னணி நிறுவனங்களுக்கு போட்டியாக கடந்த சில வருடங்களாக சந்தையில் நல்ல வரவேற்பை பெற்று வரும் iQoo நிறுவனம், iQoo 12 5G என்ற போனை வருகின்ற டிசம்பர் 12ஆம் தேதி இந்தியாவில் அறிமுகம் செய்யவுள்ளது. இந்த போனில் ஸ்னாப்டிராகன் 8 ஜென் 3 சிப்செட் பொருத்தப்பட்டுள்ளது. சீனாவில் ஏற்கனவே அறிமுகமான இந்த செல்போன் இந்தியாவில் சுமார் 60 ஆயிரம் ரூபாய் விலையில் விற்கப்படும் என்று எதிர்பார்க்கப்படுகிறது.

Redmi 13C

பிரபல Redmi நிறுவனம் தனது அடுத்த படைப்பை விரைவில் வெளியிட உள்ளது. ஏற்கனவே சீனாவில் விற்பனையாகி வரும் Redmi 13C தற்பொழுது இந்தியாவில் விரைவில் விற்பனையாக உள்ளது. டிசம்பர் 6ஆம் தேதி இந்த போன் வெளியாகும் என்று எதிர்பார்க்கப்பட்டு வருகிறது. டிசம்பர் மாதத்தில் வெளியாகும் மிகவும் விலை குறைந்த ஃபோனாக இது இருக்கும் என்றும் எதிர்பார்க்கப்படுகிறது. இதன் விலை சுமார் 9500 ரூபாய் முதல் 10 ஆயிரம் ரூபாய்க்குள் விற்பனையாக வாய்ப்புகள் உள்ளது.