இங்க நான் தான் கிங்கு... சந்தானம் ஹீரோவாக நடிக்கும் புதிய படத்தின் பர்ஸ்ட் லுக்கை வெளியிட்ட கமல்ஹாசன்

வடக்குப்பட்டி ராமசாமி படத்தின் வெற்றிக்கு பின்னர் நடிகர் சந்தானம் நடிக்கும் புதிய திரைப்படத்தின் டைட்டில் மற்றும் பர்ஸ்ட் லுக் வெளியிடப்பட்டு உள்ளது.

santhanam

விஜய் டிவியில் ஒளிபரப்பான லொள்ளு சபா நிகழ்ச்சி மூலம் மக்களை மகிழ்வித்த சந்தானம், பின்னர் சினிமாவில் காமெடியனாக அறிமுகமாகி கலக்கினார். ஒரு காலகட்டத்தில் சந்தானத்தின் கால்ஷீட் கிடைக்காமல் தயாரிப்பாளர்கள் திண்டாடினர். அந்த அளவுக்கு செம்ம பிசியாக நடித்து வந்தார். ஒரு கட்டத்தில் காமெடி வேடங்களில் நடிப்பதை நிறுத்துக்கொண்ட சந்தானம், நடிச்சா ஹீரோவா தான் நடிப்பேன் என அதிரடி முடிவெடுத்தார்.

santhanam Next Movie

இவர் ஹீரோவாக நடித்த படங்கள் ஆரம்பத்தில் வரவேற்பை பெற்றாலும், பின்னர் போகப் போக தொடர்ந்து தோல்வியடைய தொடங்கின. இதையடுத்து கடந்த ஆண்டு டிடி ரிட்டன்ஸ் என்கிற படத்தின் மூலம் தரமான கம்பேக் கொடுத்த சந்தானம், பின்னர் வடக்குப்பட்டி ராமசாமி என்கிற ஹிட் படத்தில் நடித்தார். இப்படம் கடந்த சில வாரங்களுக்கு முன்னர் ரிலீஸ் ஆகி மக்களை மகிழ்ச்சி வெள்ளத்தில் ஆழ்த்தியது.

இதையும் படியுங்கள்... குடிபோதையில் கார் ஓட்டி விபத்து ஏற்படுத்தினாரா எதிர்நீச்சல் மதுமிதா? வழக்குப்பதிவு செய்த போலீசார் சொன்னதென்ன?

santhanam new film

வடக்குப்பட்டி ராமசாமி படத்தை தொடர்ந்து சந்தானம் ஹீரோவாக நடிக்க உள்ள அடுத்த படம் குறித்த அறிவிப்பு தற்போது வெளியாகி உள்ளது. அதன்படி அவர் நடிக்க உள்ள புதிய படத்தை ஆனந்த் நாராயண் என்பவர் இயக்க உள்ளார். இவர் விஜய் ஆண்டனி நடித்த இந்தியா பாகிஸ்தான் படத்தை இயக்கியவர் ஆவார். இப்படத்தை மதுரை அன்புச்செழியனின் மகள் ஸ்வேதா தான் தயாரிக்க உள்ளார்.

santhanam new movie Inga Naan Thaan Kingu

இந்நிலையில், இப்படத்தின் டைட்டில் மற்றும் பர்ஸ்ட் லுக் போஸ்டரை உலகநாயகன் கமல்ஹாசன் இன்று வெளியிட்டு இருக்கிறார். அதன்படி இப்படத்திற்கு இங்க நான் தான் கிங்கு என பெயரிட்டு உள்ளனர். இதுகுறித்து கமல்ஹாசன் தன்னுடைய எக்ஸ் தள பதிவில் பதிவிட்டுள்ளதாவது : “எனது அன்புக்குரிய நண்பர், கோபுரம் பிலிம்ஸ்  அன்புசெழியன் வழங்கும், சுஸ்மிதா அன்புசெழியன் தயாரிக்கும், தம்பி சந்தானம் நடிக்கும் புதிய படத்தின் பெயரையும், போஸ்டரையும் வெளியிடுவதில் மகிழ்கிறேன்” என குறிப்பிட்டுள்ளார்.

இதையும் படியுங்கள்... நான் பண்ணது தப்பு தான்... பூதாகரமான சால்வை விவகாரம்; மன்னிப்பு கேட்ட சிவகுமார் - வீடியோ இதோ