பிக்பாஸ் பூர்ணிமாவுக்கு கிடைத்த ஹீரோயின் சான்ஸ்... முதல் படத்திலேயே இந்தியன் 2 பட நடிகருக்கு ஜோடியா?
பிக்பாஸ் நிகழ்ச்சியின் 7-வது சீசனில் போட்டியாளராக கலந்துகொண்டுள்ள நடிகை பூர்ணிமா ரவி, செவப்பி என்கிற படம் மூலம் ஹீரோயினாக அறிமுகமாகி இருக்கிறார்.
poornima
பிக்பாஸ் நிகழ்ச்சியில் கலந்துகொள்ளும் போட்டியாளர்களுக்கு சினிமாவில் வாய்ப்புக்கள் குவிவது வழக்கம் தான். முதல் சீசனில் இருந்தே தமிழ் சினிமாவுக்கு ஏராளமான ஹீரோக்களை கொடுத்துள்ளது பிக்பாஸ் நிகழ்ச்சி. முதல் சீசனில் கலந்துகொண்ட ஹரிஷ் கல்யாண், தற்போது கோலிவுட்டில் சாக்லேட் பாய் ஆக வலம் வருகிறார். அதேபோல் அந்த சீசனில் வந்த ரைசா வில்சனும் ஹீரோயினாக கலக்கி வருகிறார்.
sevappi movie Poornima
இதையடுத்து மூன்றாவது சீசனில் கலந்துகொண்ட கவின் தற்போது தமிழ் சினிமாவில் பிசியான ஹீரோவாக வலம் வந்துகொண்டிருக்கிறார். அதேபோல் அந்த சீசனில் கலந்துகொண்ட முகென் ராவ், தர்ஷன் மற்றும் சாண்டி மாஸ்டர் ஆகியோரும் ஹீரோவாக அறிமுகமாகி உள்ளனர். மறுபுறம் இலங்கைப் பெண் லாஸ்லியா மற்றும் வனிதா விஜய்குமார் ஆகியோரும் கோலிவுட்டில் நடித்து வருகின்றனர்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
sevappi movie stills
இந்த வகையில் தற்போது பிக்பாஸ் சீசன் 7 நிகழ்ச்சியில் போட்டியாளராக கலந்துகொண்டுள்ள பூர்ணிமா ரவியும் ஹீரோயினாக அறிமுகமாகி இருக்கிறார். வழக்கமாக போட்டியாளர்கள் பிக்பாஸ் நிகழ்ச்சியை விட்டு வெளியே வந்த பின்னர் தான் அவர்களுக்கு சினிமா வாய்ப்புகள் குவியும். ஆனால் பூர்ணிமாவுக்கு பிக்பாஸ் வீட்டில் இருக்கும்போதே ஹீரோயினாக நடிக்க வாய்ப்பு கிடைத்துள்ளது பலரையும் ஆச்சர்யத்தில் ஆழ்த்தி உள்ளது.
sevappi movie poster
அவர் ஹீரோயினாக அறிமுகமாகும் திரைப்படத்திற்கு செவப்பி என பெயரிடப்பட்டு உள்ளது. எம்.எஸ்.ராஜா என்பவர் இயக்கும் இப்படத்தில் ரிஷிகாந்த் என்பவருக்கு ஜோடியாக பூர்ணிமா நடித்துள்ளார். ரிஷிகாந்த் என்பவர் தற்போது ஷங்கர் இயக்கத்தில் உருவாகி வரும் இந்தியன் 2 திரைப்படத்தில் முக்கிய கதாபாத்திரத்தில் நடித்து வருகிறார் என்பது குறிப்பிடத்தக்கது. செவப்பி படம் நேரடியாக ஆஹா ஓடிடி தளத்தில் ரிலீஸ் ஆகும் என அறிவிக்கப்பட்டு உள்ளது.
இதையும் படியுங்கள்... கீர்த்தி சுரேஷ் முதல் அமலா பால் வரை... பிரபலங்கள் வீட்டில் களைகட்டிய கிறிஸ்துமஸ் கொண்டாட்டம்- வைரலாகும் Photos