FIFA : மெஸ்ஸி vs எம்பாப்பே... இந்த ஆண்டு கோல்டன் பால் விருதை தட்டிச் செல்லப்போவது யார்?

Golden Ball 2026 : உலகக் கோப்பையின் சிறந்த வீரருக்கான கோல்டன் பால் விருதுக்கு கடும் போட்டி நிலவுகிறது. தலா எட்டு கோல்களுடன் மெஸ்ஸியும், எம்பாப்பேயும் முன்னணியில் இருக்கிறார்கள்.

Image Credit : Getty

FIFA World Cup

ஒரு பக்கம் அணிகள் உலகக் கோப்பைக்காக மும்முரமாக திட்டமிட்டுக் கொண்டிருக்க, இன்னொரு பக்கம் தனிப்பட்ட விருதுகளுக்கான போட்டியும் சூடுபிடித்துள்ளது. குறிப்பாக, உலகக் கோப்பையின் சிறந்த வீரருக்கு வழங்கப்படும் 'கோல்டன் பால்' விருது இந்த முறை யாருக்கு கிடைக்கும் என்பதை கணிப்பது மிகவும் கடினமாக உள்ளது. பல சூப்பர் ஸ்டார்கள் இந்த விருதுக்காக முட்டி மோதுகிறார்கள். அரையிறுதிப் போட்டிகளின் முடிவுகளும், வீரர்களின் தனிப்பட்ட திறமையும் இந்த ரேங்கிங்கில் பெரிய மாற்றங்களை ஏற்படுத்தலாம்.

Image Credit : Getty

மெஸ்ஸி vs எம்பாப்பே

லியோனல் மெஸ்ஸி, 6 போட்டிகளில் 8 கோல்கள் அடித்து அசத்தி வருகிறார். இந்த முறையும் கோல்டன் பால் வெல்ல அதிக வாய்ப்புள்ள வீரராக மெஸ்ஸி பார்க்கப்படுகிறார். அர்ஜென்டினா இறுதிப் போட்டிக்கு முன்னேறினாலோ அல்லது கோப்பையை வென்றாலோ, கோல்டன் பால் மெஸ்ஸிக்குத்தான் என ரசிகர்கள் உறுதியாக நம்புகிறார்கள். உலகக் கோப்பை வரலாற்றில் அதிக கோல்கள் அடித்த வீரர் என்ற சாதனையை மெஸ்ஸி படைத்துள்ளார். சுவிட்சர்லாந்துக்கு எதிரான போட்டியில் மேக் அலிஸ்டருக்கு கொடுத்த அசிஸ்ட் மூலம், உலகக் கோப்பையில் அதிக அசிஸ்ட்கள் செய்த வீரர் என்ற சாதனையையும் மெஸ்ஸி தன்வசப்படுத்தியுள்ளார்.

மெஸ்ஸியின் இந்த அபாரமான ஆட்டத்திற்கு ஈடுகொடுக்க ஒருவர் இருக்கிறார் என்றால், அது கிலியன் எம்பாப்பே தான். ஃபிஃபாவின் ஒட்டுமொத்த பவர் ரேங்கிங்கில் முதலிடத்தில் இருக்கும் எம்பாப்பே, மெஸ்ஸியுடன் சேர்ந்து 8 கோல்களுடன் டாப் ஸ்கோரராக இருக்கிறார். மெஸ்ஸியை விட ஒரு அசிஸ்ட் கூடுதலாகவும் செய்துள்ளார். தற்போதைய நிலையில், கோல்டன் பால் ரேஸில் முன்னணியில் இருப்பது எம்பாப்பேதான்.

Image Credit : Getty

டஃப் கொடுக்கும் பெல்லிங்ஹாம்

தொடர்ந்து இரண்டாவது போட்டியிலும் இரட்டை கோல்கள் அடித்து இங்கிலாந்தை அரையிறுதிக்கு அழைத்துச் சென்ற ஜூட் பெல்லிங்ஹாம், ஒரு 'பிக் கேம் பிளேயர்'. ஒரே உலகக் கோப்பையில் ஒரு இங்கிலாந்து வீரர் அடித்த அதிக கோல்கள் பட்டியலில் ஹாரி கேனுடன் சமநிலையில் இருக்கிறார் பெல்லிங்ஹாம். கோல்கள் அடிப்பது மட்டுமல்லாமல், மைதானம் முழுவதும் ஓடி விளையாடி ரசிகர்களை ஆச்சரியப்படுத்துகிறார். கோல்டன் பால் போட்டியிலும் பெல்லிங்ஹாம் முன்னணியில் இருக்கிறார். இந்த தொடரில் இதுவரை 6 கோல்கள் அடித்துள்ள ஹாரி கேனும் இந்தப் பட்டியலில் உள்ளார். காங்கோவுக்கு எதிரான ப்ரீ-குவார்ட்டர் போட்டியில் கடைசி நிமிடங்களில் இங்கிலாந்தை வெற்றிக்கு அழைத்துச் சென்ற கேன், அரையிறுதியில் அர்ஜென்டினாவுக்கு எதிராக கோல்களைக் குவித்தால், கோல்டன் பால் வெல்லும் வாய்ப்பு அதிகரிக்கும்.

Image Credit : Getty

சூடுபிடிக்கும் கால்பந்து உலகக்கோப்பை

ஆறு போட்டிகளில் வெறும் ஒரு கோல் மட்டுமே வாங்கிய ஸ்பெயின் அணியின் பாதுகாப்பு மற்றும் நடுகளத்தை கட்டுப்படுத்தும் ரோட்ரி, கோல்டன் பால் வெல்ல வாய்ப்புள்ள மற்றொரு வீரர். ஃபிஃபாவின் பவர் ரேங்கிங்கில் டிஃபென்டிங் பிரிவில் ரோட்ரி முதலிடத்தில் இருக்கிறார்.

அதே சமயம், பிரான்ஸ் அணியின் நடுகள இன்ஜின் என்று சொல்லப்படும் மைக்கேல் ஒலிசேயும் கோல்டன் பால் பட்டியலில் இருக்கிறார். கிலியன் எம்பாப்பே மற்றும் உஸ்மான் டெம்பலே ஆகியோரின் ஆட்டத்திற்கு இவர் ஒரு வழிகாட்டி. இந்த உலகக் கோப்பையில் 5 அசிஸ்ட்களுடன் ஒலிசே முன்னிலையில் இருக்கிறார்.

இந்தப் போட்டி மெஸ்ஸிக்கும் எம்பாப்பேவுக்கும் இடையே மட்டும்தானா, அல்லது பெல்லிங்ஹாம், கேன், அல்லது ஸ்பெயினின் வலுவான வீரர் ரோட்ரி இந்த விருதை தட்டிச் செல்வார்களா? ஜூலை 19 அன்று உலகக் கோப்பையுடன் அறிவிக்கப்பட உள்ள அந்த தங்க மகன் யாராக இருக்கும் என்பதை அறிய கால்பந்து உலகம் ஆவலுடன் காத்திருக்கிறது.