விவாகரத்து முடிவுக்கு பின்னால் இருக்கும் 'ரயில்' ரகசியம்.. மனம் திறந்த ஹன்சிகா!

நடிகை ஹன்சிகா மோத்வானி, கணவர் சோஹைல் கத்தூரியாவுடனான தனது விவாகரத்து குறித்து முதல்முறையாக மனம் திறந்து பேசியுள்ளார். இந்த கடினமான நேரத்தில் தனது குடும்பம் கொடுத்த ஆதரவை நினைவுகூர்ந்த அவர், இப்போது மனதளவில் நல்ல நிலையில் இருப்பதாகத் தெரிவித்துள்ளார்.

Image Credit : X

மனம் திறந்து பேசிய ஹன்சிகா

நடிகை ஹன்சிகா மோத்வானி, கணவர் சோஹைல் கத்தூரியாவிடமிருந்து சட்டப்படி பிரிந்து ஒரு மாதத்திற்குப் பிறகு, இதுகுறித்து முதல்முறையாகப் பேசியுள்ளார். இந்த ஜோடியின் பிரிவு பல விவாதங்களை ஏற்படுத்தினாலும், வதந்திகளைப் பற்றி தான் கவலைப்படவில்லை என்று அவர் தெளிவாகக் கூறியுள்ளார்.

Image Credit : X

விளக்கம் கொடுக்க விரும்பவில்லை

மும்பை பாந்த்ரா குடும்பநல நீதிமன்றத்தில் மார்ச் 11 அன்று ஹன்சிகாவும் சோஹைலும் பரஸ்பர சம்மதத்துடன் விவாகரத்து பெற்றனர். சமீபத்தில் 'Hauterrfly'க்கு அளித்த பேட்டியில், "அவங்களுக்கு கிளிக்பைட் வேணும், கிடைச்சது. ஹெட்லைன்ஸ் வேணும், கிடைச்சது. நான் எப்பவும் விளக்கம் கொடுத்ததில்லை, கொடுக்கவும் மாட்டேன்" என்று ஹன்சிகா கூறியுள்ளார்.

Image Credit : instagram

தப்பான ரயிலில் இருந்து இறங்கி விட்டேன்

"ஏன்னா அது எனக்கு முக்கியமில்லை. எனக்கு எந்த வருத்தமும் இல்லை. கஷ்டப்படுறதை விட, தப்பான டிரெய்ன்ல இருந்து இறங்குறதுதான் நல்லது" என்று அவர் விளக்கியுள்ளார். பிரிவுக்குப் பிறகு, இப்போது மனதளவில் நல்ல நிலையில் இருப்பதாகவும், மற்றவர்களின் கருத்தை விட தனது நலனுக்கு அதிக முக்கியத்துவம் கொடுப்பதாகவும் ஹன்சிகா கூறியுள்ளார்.

Image Credit : Instagram / Hansika Motwani

காரணங்கள் ரகசியமாவே இருக்கட்டும்

விவாகரத்துக்கான காரணங்கள் ரகசியமாகவே இருக்கும் என்று ஹன்சிகா மீண்டும் உறுதிப்படுத்தியுள்ளார். இதுபோன்ற விஷயங்கள் சம்பந்தப்பட்டவர்களுக்குள் மட்டுமே இருக்க வேண்டும் என்பது அவரது கருத்து. இந்த நேரத்தில் தனக்கு உறுதுணையாக இருந்த தனது தாய் மற்றும் சகோதரருக்கு அவர் நன்றி தெரிவித்துள்ளார்.

Image Credit : Twitter

லவ் ஷாதி டிராமா!

டிசம்பர் 2022-ல் ஜெய்ப்பூரில் உள்ள முண்டோடா கோட்டை மற்றும் அரண்மனையில் ஹன்சிகா மற்றும் சோஹைல் திருமணம் பிரம்மாண்டமாக நடந்தது. இவர்களது திருமணத்தை 'ஹன்சிகாஸ் லவ் ஷாதி டிராமா' என்ற பெயரில் 2023-ல் ஜியோ ஹாட்ஸ்டார் ஒரு வெப் சீரிஸாக வெளியிட்டது. விவாகரத்துக்குப் பிறகு, ஹன்சிகா தனது குடும்பத்துடன் ஜப்பான் நாட்டிற்கு சுற்றுலா சென்றிருந்தார்.

Image Credit : instagram

அடுத்தடுத்த படங்களில் பிஸி!

ஹன்சிகா சமீபத்தில் 2024-ல் வெளியான 'கார்டியன்' படத்தில் நடித்திருந்தார். சபரி மற்றும் குரு சரவணன் இயக்கிய இந்தப் படத்திற்கு ரசிகர்கள் மற்றும் விமர்சகர்களிடமிருந்து கலவையான விமர்சனங்கள் கிடைத்தன. மேலும், தெலுங்கு நடன நிகழ்ச்சியானடி செலப்ரிடி ஸ்பெஷல் 2ல் நடுவராகவும், வரவிருக்கும் 'நஷா' என்ற தெலுங்குப் படத்திலும் அவர் நடிக்கிறார்.