ஜீன்ஸ் படத்தில் முதலில் நடிக்கவிருந்தது பிரசாந்த் இல்லை.. ஷங்கர் நெனச்சதே வேற.. ஆனா நடந்தது இதுதான்..

தமிழ் சினிமாவில் மிகப்பெரிய ஹிட்டான படங்களில் ஜீன்ஸ் படமும் ஒன்று. 1998ல் வெளியான இந்த படத்தை ஷங்கர் இயக்கி இருந்தார். டூயல் ரோலில் நடித்திருந்த பிரசாந்துக்கு ஜோடியாக ஐஸ்வர்யா ராய் நடித்திருந்தார். மேலும் நாசர், லக்‌ஷ்மி, ராதிகா, ராஜு சுந்தரம், செந்தில், எஸ்.வி சேகர் உள்ளிட்ட பலர் இந்த படத்தில் நடித்திருந்தனர். இந்த படம் வசூல் ரீதியாகவும், விமர்சன ரீதியாகவும் நல்ல வரவேற்பை பெற்றதால் பாக்ஸ் ஆபிஸிலும் வசூலை குவித்தது.

20 கோடி பட்ஜெட்டில் உருவான இந்த படம் அந்த காலக்கட்டத்தில் இந்தியாவில் தயாரிக்கப்பட்ட மிகவும் விலை உயர்ந்த படமாகும். மேலும், ஜீன்ஸ் படம் சிறந்த வெளிநாட்டு மொழி திரைப்படத்தின் கீழ் ஆஸ்கருக்கு அனுப்பப்பட்டது. ஆனால் இறுதி நாமினேஷனில் இந்த படம் இடம்பெறவில்லை. இந்த படம் வெளியாகி 25 ஆண்டுகள் ஆன நிலையில் 90ஸ் கிட்ஸின் ஃபேவரைட் படமாக இப்படம் உள்ளது.

ஏ.ஆர். ரஹ்மான் இசையில் உருவான ஜீன்ஸ்' படத்தின் ஒவ்வொரு பாடலும் பெரிய ஹிட், மேலும் படத்தின் பின்னணி இசையமைப்பிலும் ரஹ்மான் மாஸ் காட்டி இருப்பார். அவரின் இசை இப்படத்தை ரஹ்மானின் எவர்க்ரீன் ஆல்பமாக மாற்றியது. இன்றும் பலரின் ப்ளேலிஸ்டில் ஜீன்ஸ் பாடல்கள் இடம்பெற்றுள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

விசு, ராமு என்ற இரட்டை சகோதரர்கள் கதாப்பத்திரங்களில் நடிகர் பிரசாந்த் தனது அசத்தலான நடிப்பை வெளிப்படித்தியிருப்பார். ஆனால் ஜீன்ஸ் படத்தில் ஹீரோவாக நடிக்க வைக்க ஷங்கரின் முதல் சாய்ஸ் பிரசாந்த் இல்லை என்று உங்களுக்கு தெரியுமா?.

ஆம். முதலில் நடிகர் அப்பாஸை வைத்து தான் ஜீன்ஸ் படத்தை இயக்க ஷங்கர் முடிவு செய்தாராம்.. ஆனால் அந்த ஆண்டு முழுவதும் பல படங்களில் நடிக்க அப்பாஸ் கமிட் ஆனதால் கால்ஷீட் பிரச்சனை காரணமாக படத்தில் நடிக்க மறுத்துவிட்டாராம். 

விஜய் சேதுபதி படத்தில் இருந்து திடீரென வெளியேறிய மம்முட்டி... அவருக்கு பதிலாக ஜெயிலர் பட நடிகர் ஒப்பந்தம்
 

இதை தொடர்ந்து ஷங்கரின் அடுத்த சாய்ஸ் நடிகர் அஜித். ஆனால் அஜித்திற்கும் கால்ஷீர் பிரச்சனை தான். அவரும் அந்த காலக்கட்டத்தில் பிசியாக இருந்ததால் ஜீன்ஸ் படத்தில் நடிக்க முடியவில்லை. அதன்பிறகே ஷங்கர் பிரசாந்தை அணுகி கதை சொன்ன உடன் ஓ.கே சொன்ன பிரசாந்த் ஜீன்ஸ் படத்தில் ஹீரோவாக நடித்தார். 

மேலும் ஜீன்ஸ் படத்தை முழு நீள காமெடி படமாகவே எடுக்க ஷங்கர் முடிவு செய்தார். பிரசாந்தின் தந்தையாக நடித்த நாசர் கேரக்டருக்கு முதலில் கவுண்டமணியை தான் ஷங்கர் தேர்வு செய்தார். ஆனால் கால்ஷீட் பிரச்சனை காரணமாக கவுண்டமணியால் நடிக்க முடியவில்லை என்பதால் காமெடி கதையில் இருந்து காதல் கதையாக ஷங்கர் மாற்றினாராம். எது எப்படியோ பல மாற்றங்களுக்கு பிறகு வெளியான ஜீன்ஸ் படம் எத்தனை ஆண்டுகள் ஆனாலும் ரசிகர்களின் மனதில் நீங்கா இடம் பிடித்துள்ளது என்பதில் சந்தேகமில்லை.