மாணவர்களே ரெடியா? ரூ.1,000 டாலர் உதவித்தொகை! விசா உள்ளவர்களுக்கு முன்னுரிமை - உடனே அப்ளை பண்ணுங்க!

Scholarship UCSC சிலிக்கான் வேலி புதிய F-1 சர்வதேச மாணவர்களுக்கு $1,000 தகுதிச் சான்று உதவித்தொகையை அறிவித்துள்ளது. தகுதி மற்றும் விண்ணப்பிக்கும் முறையை அறியவும்.

Image Credit : Gemini

Scholarship உதவித்தொகை அறிவிப்பு

அமெரிக்காவின் கலிபோர்னியாவில் உள்ள புகழ்பெற்ற UCSC சிலிக்கான் வேலி எக்ஸ்டென்ஷன் (UCSC Silicon Valley Extension), சர்வதேச மாணவர்களுக்கான புதிய உதவித்தொகை திட்டத்தை அறிவித்துள்ளது. குறிப்பாக இந்திய மாணவர்கள் உட்பட, எஃப்-1 (F-1) விசா மூலம் புதிதாகச் சேரும் சர்வதேச மாணவர்களுக்கு இந்த "இன்டர்நேஷனல் ஸ்டூடன்ட் மெரிட் ஸ்காலர்ஷிப்" (International Student Merit Scholarship) வழங்கப்பட உள்ளது. சான்றிதழ் படிப்புகளை (Certificate Programs) மேற்கொள்ள விரும்பும் மாணவர்களுக்கு, அவர்களின் முதல் காலாண்டு கல்விக் கட்டணத்தில் $1,000 (சுமார் ரூ. 83,000) தள்ளுபடியாக இந்தத் தொகை வழங்கப்படும்.

Image Credit : Getty

தகுதி வரம்புகள் என்ன?

இந்த உதவித்தொகையைப் பெற மாணவர்கள் சில முக்கிய தகுதிகளைப் பெற்றிருக்க வேண்டும். விண்ணப்பதாரர்கள் புதிதாக எஃப்-1 (F-1) விசா மூலம் முழுநேர மாணவர்களாகச் சேர வேண்டும். ஏற்கனவே படித்துக்கொண்டிருக்கும் மாணவர்களுக்கோ (Continuing students), பகுதிநேர மாணவர்களுக்கோ அல்லது வேறு விசா பிரிவில் உள்ளவர்களுக்கோ இந்தச் சலுகை பொருந்தாது. மேலும், மாணவர்கள் தாங்கள் தேர்ந்தெடுத்த சான்றிதழ் படிப்பிற்கான அனைத்துச் சேர்க்கை விதிமுறைகளையும் பூர்த்தி செய்திருக்க வேண்டும்.

Image Credit : stockPhoto

விண்ணப்பிப்பது எப்படி?

முதலில் மாணவர்கள் தாங்கள் விரும்பும் படிப்பிற்கு விண்ணப்பித்து, அதற்கான ஆவணங்களைச் சமர்ப்பிக்க வேண்டும். அதன் பிறகு, தனியாக உதவித்தொகைக்கான விண்ணப்பத்தைப் பூர்த்தி செய்ய வேண்டும். இதில் 300 முதல் 500 வார்த்தைகளுக்குள் ஒரு பர்சனல் ஸ்டேட்மென்ட் (Personal Statement) எழுத வேண்டும். அதில் உங்களின் கல்வி இலக்குகள், தொழில்முறை ஆர்வங்கள் மற்றும் UCSC சிலிக்கான் வேலியில் படிப்பதன் மூலம் உங்கள் எதிர்காலம் எப்படிச் சிறக்கும் என்பதைத் தெளிவாக விளக்க வேண்டும்.

Image Credit : Getty

முக்கிய தேதிகள்

மாணவர்கள் இந்த உதவித்தொகைக்கு விண்ணப்பிக்கத் திட்டமிடும்போது, காலக்கெடுவை (Deadlines) மனதில் கொள்வது அவசியம். அந்தந்தப் பருவத்திற்கான விண்ணப்பத் தேதிகள் பின்வருமாறு:

• பால் (Fall): ஜூன் 15

• விண்டர் (Winter): அக்டோபர் 15

• ஸ்பிரிங் (Spring): ஜனவரி 15

• சம்மர் (Summer): ஏப்ரல் 1

சரியான நேரத்தில் முழுமையான ஆவணங்களுடன் விண்ணப்பிப்பவர்கள் மட்டுமே பரிசீலிக்கப்படுவார்கள்.

Image Credit : Gemini

கவனிக்க வேண்டிய விதிமுறைகள்

உதவித்தொகை பெறும் மாணவர்கள் தொடர்ந்து முழுநேர மாணவராக (ஒரு காலாண்டிற்கு 12 யூனிட்கள்) இருக்க வேண்டும். அத்துடன் குறைந்தபட்சம் 3.0 GPA மதிப்பெண்ணைத் தக்கவைத்துக்கொள்ள வேண்டும். விசா விதிமுறைகளை முறையாகப் பின்பற்றுவதும், அனைத்துக் கல்வி மற்றும் அறிமுக வகுப்புகளில் (Orientation) கலந்துகொள்வதும் கட்டாயமாகும். விசா நடைமுறைகளுக்கு ஆகும் காலஅளவையும் கருத்தில் கொண்டு மாணவர்கள் முன்கூட்டியே விண்ணப்பிக்குமாறு அறிவுறுத்தப்படுகிறார்கள்.