அரசு ஆசிரியர் வேலை கனவா? உடனே அப்ளை பண்ணுங்க.. TN TET 2026 விண்ணப்பப் பதிவு ஆரம்பம்!

TN TET தமிழ்நாடு ஆசிரியர் தேர்வு வாரியம் (TRB) 2026-ம் ஆண்டிற்கான ஆசிரியர் தகுதித் தேர்வு (TNTET) அறிவிப்பை வெளியிட்டுள்ளது. விண்ணப்பிக்கக் கடைசி தேதி ஏப்ரல் 10, 2026.

Image Credit : Gemini

TN TET

தமிழ்நாடு ஆசிரியர் தேர்வு வாரியம் (TRB), 2026-ம் ஆண்டிற்கான ஆசிரியர் தகுதித் தேர்வு (TN TET) குறித்த முக்கிய அறிவிப்பை வெளியிட்டுள்ளது. அரசு மற்றும் தனியார் பள்ளிகளில் ஆசிரியராகப் பணியாற்ற விரும்புபவர்கள் இந்தத் தேர்வில் தேர்ச்சி பெறுவது அவசியம். தற்போது இதற்கான ஆன்லைன் விண்ணப்பப் பதிவு அதிகாரப்பூர்வ இணையதளமான trb.tn.gov.in இல் தொடங்கியுள்ளது.

Image Credit : Freepik

விண்ணப்பிக்கக் கடைசி தேதி என்ன?

விருப்பமும் தகுதியும் உள்ள தேர்வர்கள் ஏப்ரல் 10, 2026-க்குள் தங்களது விண்ணப்பங்களைச் சமர்ப்பிக்க வேண்டும் என்று அறிவிக்கப்பட்டுள்ளது. இதுவே விண்ணப்பிக்கக் கடைசி வாய்ப்பு என்பதால், கடைசி நேரம் வரை காத்திருக்காமல் உடனே விண்ணப்பிக்குமாறு அறிவுறுத்தப்படுகிறார்கள்.

Image Credit : our own

தேர்வு தேதி மற்றும் முறை

TN TET 2026 தேர்வுகள் ஜூலை 4 மற்றும் 5, 2026 ஆகிய தேதிகளில் நடைபெறும். இத்தேர்வு தாள்-1 (Paper I) மற்றும் தாள்-2 (Paper II) என இரண்டு பிரிவுகளாக நடத்தப்படும். ஒவ்வொரு தாளிலும் 150 கேள்விகள் கேட்கப்படும், மொத்த மதிப்பெண்கள் 150 ஆகும். தேர்வு நேரம் 3 மணி நேரம்.

Image Credit : our own

விண்ணப்பக் கட்டணம்

• பொதுப் பிரிவினர் (General Candidates): ரூ.600

• SC, SCA, ST மற்றும் மாற்றுத்திறனாளிகள்: ரூ.300

விண்ணப்பக் கட்டணத்தை நெட் பேங்கிங் (Net Banking), கிரெடிட் கார்டு அல்லது டெபிட் கார்டு மூலம் ஆன்லைனில் மட்டுமே செலுத்த வேண்டும்.

Image Credit : our own

தகுதி மதிப்பெண்கள் (Qualifying Marks)

தேர்வில் தேர்ச்சி பெறக் கீழே குறிப்பிடப்பட்டுள்ள குறைந்தபட்ச மதிப்பெண்களைப் பெற வேண்டும்:

• பொதுப் பிரிவினர்: 60% (90 மதிப்பெண்கள்)

• BC, BCM, MBC/DNC மற்றும் மாற்றுத்திறனாளிகள்: 50% (75 மதிப்பெண்கள்)

• SC, SCA, மற்றும் ST: 40% (60 மதிப்பெண்கள்)

தேர்ச்சி பெற்றவர்களுக்கு ஆசிரியர் தகுதிச் சான்றிதழ் வழங்கப்படும்.