மாணவர்களே அலர்ட்! வகுப்பறைக்குள் வரும் ‘பிக் பாஸ்’.. இனி தப்பிக்கவே முடியாது - தமிழக அரசு போட்ட அதிரடி உத்தரவு!

TN Technical Colleges தமிழக தொழில்நுட்பக் கல்லூரிகளில் ஜனவரி முதல் ஹை-டெக் கண்காணிப்பு மற்றும் புதிய டிஜிட்டல் வசதிகள் வரவுள்ளன. முழு விவரங்கள் உள்ளே.

Image Credit : Gemini

TN Technical Colleges ஜனவரி முதல் அமலுக்கு வரும் புதிய கண்காணிப்புத் திட்டம்

தமிழகத்தில் உள்ள தொழில்நுட்பக் கல்வி நிறுவனங்களை அடுத்த கட்டத்திற்கு எடுத்துச் செல்லும் வகையில், தொழில்நுட்பக் கல்வி இயக்ககம் (DOTE) புதிய மற்றும் அதிநவீன கண்காணிப்பு அமைப்புகளை நிறுவத் திட்டமிட்டுள்ளது. பொறியியல் மற்றும் பாலிடெக்னிக் கல்லூரிகளின் செயல்பாடுகளை ஒருங்கிணைக்கவும், கண்காணிக்கவும் உருவாக்கப்பட்டுள்ள இந்தத் திட்டம் வரும் ஜனவரி மாதம் முதல் செயல்பாட்டிற்கு வர உள்ளது.

Image Credit : Suvarnanews

ஒருங்கிணைந்த மேலாண்மை அமைப்பு

உயர் கல்வித் துறையின் கீழ் செயல்படும் அனைத்து பொறியியல் மற்றும் பல்தொழில்நுட்பக் கல்லூரிகளை நிர்வகிக்கும் தொழில்நுட்பக் கல்வி இயக்ககம், இந்த புதிய முயற்சியைக் கையில் எடுத்துள்ளது. இதன்படி, கல்லூரியின் செயல்பாடுகளைத் துல்லியமாகக் கண்காணிக்க கற்றல் மேலாண்மை அமைப்பு (LMS), நிறுவன வளத் திட்டமிடல் (ERP) மற்றும் திட்ட மேலாண்மைப் பிரிவு (PMU) ஆகியவற்றை உள்ளடக்கிய ஒரு ஒருங்கிணைந்த அமைப்பு ஜனவரி மாதத்திற்குள் நிறுவப்பட உள்ளது.

Image Credit : our own

நவீன வசதிகளுடன் கூடிய ஹை-டெக் கட்டுப்பாட்டு அறை

இது குறித்துத் துறையின் மூத்த அதிகாரி ஒருவர் கூறுகையில், இந்தத் திட்டத்தை நிர்வகிக்கப் பல்கலைக்கழகங்கள் மற்றும் கல்லூரிகளில் நவீன கணினி வளங்கள் மற்றும் தகவல்தொடர்பு கருவிகள் அமைக்கப்படும் என்றார். குறிப்பாக, பெரிய எல்.இ.டி (LED) திரைகள், மிகத் துல்லியமான கேமராக்கள் (High-resolution cameras), மைக்ரோஃபோன்கள் மற்றும் எதிரொலி ரத்து செய்யும் ஆடியோ கருவிகள் கொண்ட ஒரு பிரத்யேகக் கண்காணிப்பு அறை உருவாக்கப்படும். இது அரசுத் துறைகள் மற்றும் பல்கலைக்கழகங்களுக்கிடையேயான மெய்நிகர் கூட்டங்களை (Virtual Meetings) தடையின்றி நடத்த உதவும்.

Image Credit : Getty

நிகழ்நேரக் கண்காணிப்பு (Real-time Monitoring)

புதிதாக உருவாக்கப்படும் இந்த அமைப்பானது வெறும் கண்காணிப்புடன் நின்றுவிடாமல், தரவுகளைப் பகுப்பாய்வு செய்யும் திறனையும் கொண்டது. இதிலுள்ள ஒருங்கிணைந்த டாஷ்போர்டுகள் (Dashboards) மூலம் கல்லூரியின் செயல்பாடுகள், திட்டத்தின் முன்னேற்றம் மற்றும் அறிக்கைகளை நிகழ்நேரத்தில் (Real-time) கண்காணிக்க முடியும். அனைத்து நிறுவனங்களிலும் திட்டச் செயல்பாடுகளைத் திறம்பட நிர்வகிக்கும் ஒரு மையப்படுத்தப்பட்ட கட்டளை மையமாக (Centralized Command Center) இது செயல்படும்.

Image Credit : our own

ரூ.172 கோடி மதிப்பில் மெகா திட்டம்

இந்த பிரம்மாண்டமான டிஜிட்டல் மாற்றத்திற்காக, சுமார் ரூ.172.50 கோடி செலவிடத் திட்டமிடப்பட்டுள்ளது. இதற்கான ஆலோசகர்களை நியமிக்க நவம்பர் முதல் வாரத்திலேயே மின் ஒப்பந்தங்கள் (e-tenders) கோரப்பட்டுள்ளன. மேலும், மாணவர்கள் மற்றும் தொழில்த்துறையினருக்குச் சிறந்த சேவைகளை வழங்கும் நோக்கில், தொழில்நுட்பக் கல்வி இயக்கக அலுவலகத்தில் தனித் திட்ட மேலாண்மைப் பிரிவும் நிறுவப்பட்டுள்ளது. தமிழகத்தில் உள்ள 13 அரசுப் பல்கலைக்கழகங்கள் மற்றும் கலை அறிவியல் கல்லூரிகளையும் இந்த டிஜிட்டல் குடையின் கீழ் கொண்டு வர நடவடிக்கை எடுக்கப்பட்டு வருகிறது.