தேர்வு இல்லாமல் மத்திய அரசு வேலை! தபால் துறையில் குவிந்து கிடைக்கும் 30,000 வேலைவாய்ப்பு!

இந்திய அஞ்சல் துறை, 30,000-க்கும் மேற்பட்ட கிராம அஞ்சல் ஊழியர் (GDS) காலிப்பணியிடங்களுக்கான அறிவிப்பை விரைவில் வெளியிட உள்ளது. இந்த வேலைக்கு எழுத்துத் தேர்வு கிடையாது, 10-ஆம் வகுப்பு மதிப்பெண்கள் அடிப்படையில் மட்டுமே ஆட்கள் தேர்வு செய்யப்படுவார்கள்.

Image Credit : India Post/FB

போஸ்ட் ஆபீஸ் வேலைவாய்ப்பு

அரசு வேலைக்காகக் காத்திருக்கும் 10-ஆம் வகுப்பு பட்டதாரிகளுக்கு ஒரு மாபெரும் வாய்ப்பு வரவுள்ளது. இந்திய அஞ்சல் துறை (India Post), இந்த ஆண்டிற்கான கிராம அஞ்சல் ஊழியர் (GDS) பணிகளுக்கான அறிவிப்பை விரைவில் வெளியிடவுள்ளது.

சுமார் 30,000-க்கும் அதிகமான காலிப்பணியிடங்கள் நாடு முழுவதும் நிரப்பப்பட வாய்ப்புள்ளதாகத் தகவல்கள் தெரிவிக்கின்றன.

Image Credit : India Post/FB

முக்கிய அம்சங்கள்

• தேர்வு முறை: இந்தப் பணிக்கு எந்தவிதமான எழுத்துத் தேர்வும் (No Exam) கிடையாது. உங்கள் 10-ஆம் வகுப்பு மதிப்பெண்களின் (Merit List) அடிப்படையிலேயே பணி வழங்கப்படும்.

• பதவிகள்: கிளை அஞ்சல் அதிகாரி (BPM), உதவி கிளை அஞ்சல் அதிகாரி (ABPM) மற்றும் தபால் சேவகர் (Dak Sevak).

• சம்பளம்: மாதம் ரூ.10,000 முதல் ரூ.29,000 வரை (பதவி மற்றும் படிகளைப் பொறுத்து).

Image Credit : India Post/FB

கால அட்டவணை (GDS 2026)

அதிகாரப்பூர்வ அறிவிப்பு இன்னும் சில நாட்களில் வெளியாகும் என எதிர்பார்க்கப்படுகிறது. தற்போதைய தகவல்களின்படி:

• அறிவிப்பு வெளியீடு: ஜனவரி 2026 (விரைவில்)

• விண்ணப்பிக்கத் தொடங்கும் தேதி: ஜனவரி 20, 2026 (உத்தேசமாக)

• விண்ணப்பிக்க கடைசி தேதி: பிப்ரவரி 05, 2026 (உத்தேசமாக)

• முடிவுகள் வெளியீடு: பிப்ரவரி - மார்ச் 2026

Image Credit : India Post/FB

தகுதி வரம்புகள்

1. கல்வித்தகுதி: 10-ஆம் வகுப்பில் தேர்ச்சி பெற்றிருக்க வேண்டும் (கணிதம் மற்றும் ஆங்கிலம் கட்டாய பாடங்களாக இருக்க வேண்டும்).

2. வயது வரம்பு: 18 முதல் 40 வயதிற்குள் இருக்க வேண்டும் (SC/ST/OBC பிரிவினருக்கு அரசு விதிகளின்படி வயது தளர்வு உண்டு).

3. மொழித்திறன்: விண்ணப்பதாரர்கள் அந்தந்தப் பகுதியின் உள்ளூர் மொழியை 10-ஆம் வகுப்பு வரை ஒரு பாடமாகப் படித்திருக்க வேண்டும்.

Image Credit : @IndiaPostOffice/X

எப்படி விண்ணப்பிப்பது?

அதிகாரப்பூர்வ அறிவிப்பு வெளியானதும், விண்ணப்பதாரர்கள் indiapostgdsonline.gov.in என்ற இணையதளத்தின் மூலம் மட்டுமே ஆன்லைனில் விண்ணப்பிக்க முடியும்.