12வது பாஸ் பண்ணிட்டீங்களா? மத்திய அரசு வேலை ரெடி! மிஸ் பண்ணாதீங்க!

தேசிய புவி இயற்பியல் ஆராய்ச்சி நிறுவனத்தில் (NGRI) இளநிலை செயலக உதவியாளர் வேலை! 12வது தேர்ச்சி பெற்றவர்கள் உடனே விண்ணப்பிக்கலாம். சம்பளம், கல்வித் தகுதி, கடைசி தேதி உட்பட முழு விவரங்கள் உள்ளே!

12 ஆம் வகுப்பு முடித்த இளைஞர்களுக்கு ஒரு சூப்பர் வாய்ப்பு வந்துள்ளது! தேசிய புவி இயற்பியல் ஆராய்ச்சி நிறுவனம் (National Geophysical Research Institute - NGRI) காலியாக உள்ள இளநிலை செயலக உதவியாளர் (Junior Secretariat Assistant) பணியிடங்களை நிரப்ப தகுதியான நபர்களிடமிருந்து விண்ணப்பங்களை வரவேற்கிறது.

மத்திய அரசு நிறுவனத்தில் பணியாற்ற வேண்டும் என்ற கனவு உங்களுக்கு இருந்தால், இந்த வேலைவாய்ப்பு அறிவிப்பு உங்களுக்கானது. கவர்ச்சிகரமான சம்பளம், நிலையான பணிச்சூழல் என பல்வேறு சிறப்பம்சங்களைக் கொண்ட இந்த பணிக்கு உடனே விண்ணப்பிக்கலாம்.

என்னென்ன தகுதிகள் வேண்டும்?

இந்த இளநிலை செயலக உதவியாளர் பணிக்கு விண்ணப்பிக்க விரும்பும் நபர்கள் கீழ்க்கண்ட தகுதிகளைப் பெற்றிருக்க வேண்டும்:

• கல்வித் தகுதி: அங்கீகரிக்கப்பட்ட வாரியத்திலிருந்து 10+2/XII அல்லது அதற்கு இணையான தேர்ச்சி பெற்றிருக்க வேண்டும்.
• கணினித் திறன்: கணினி தட்டச்சு திறன் மற்றும் அவ்வப்போது DoPT நிர்ணயிக்கும் விதிகளின்படி கணினியைப் பயன்படுத்தும் திறன் இருக்க வேண்டும்.

Job vacancy

சம்பளம் எவ்வளவு?

தேசிய புவி இயற்பியல் ஆராய்ச்சி நிறுவனத்தில் இளநிலை செயலக உதவியாளராகப் பணியில் சேர்பவர்களுக்கு மாதம் ₹38,483/- சம்பளமாக வழங்கப்படும். இது 12வது முடித்தவர்களுக்கு கிடைக்கும் மிகச்சிறப்பான சம்பளமாகும்.

வயது வரம்பு என்ன?

விண்ணப்பதாரர்கள் 02.04.2025 தேதியின்படி 18 வயது பூர்த்தி அடைந்தவராகவும், 28 வயதுக்கு மேற்படாதவராகவும் இருக்க வேண்டும். இருப்பினும், சில பிரிவினருக்கு வயது தளர்வு அளிக்கப்படுகிறது:

• SC/ST பிரிவினருக்கு: 5 ஆண்டுகள் வரை தளர்வு.
• OBC பிரிவினருக்கு: 3 ஆண்டுகள் வரை தளர்வு.
• PwBD (Gen/EWS) பிரிவினருக்கு: 10 ஆண்டுகள் வரை தளர்வு.
• PwBD (SC/ST) பிரிவினருக்கு: 15 ஆண்டுகள் வரை தளர்வு.
• PwBD (OBC) பிரிவினருக்கு: 13 ஆண்டுகள் வரை தளர்வு.

விண்ணப்பக் கட்டணம் எவ்வளவு?

இந்த பணிக்கு விண்ணப்பிக்கும் பெண்கள், ST/SC பிரிவினர், முன்னாள் ராணுவத்தினர் மற்றும் மாற்றுத்திறனாளிகள் ஆகியோர் எந்தவித விண்ணப்பக் கட்டணமும் செலுத்த தேவையில்லை. மற்ற அனைத்து விண்ணப்பதாரர்களும் ₹500/- விண்ணப்பக் கட்டணமாக செலுத்த வேண்டும்.

தேர்வு முறை எப்படி இருக்கும்?

தேசிய புவி இயற்பியல் ஆராய்ச்சி நிறுவனத்தின் இளநிலை செயலக உதவியாளர் பணிக்கு விண்ணப்பிப்பவர்கள் எழுத்துத் தேர்வு மற்றும் கணினி தட்டச்சுத் தேர்வு ஆகிய இரண்டு கட்டங்களின் மூலம் தேர்ந்தெடுக்கப்படுவார்கள்.

முக்கிய தேதிகள்:

• விண்ணப்பிக்க ஆரம்ப தேதி: 02.04.2025
• விண்ணப்பிக்க கடைசி தேதி: 05.05.2025

எப்படி விண்ணப்பிப்பது?

தகுதியுள்ள மற்றும் ஆர்வமுள்ள விண்ணப்பதாரர்கள் தேசிய புவி இயற்பியல் ஆராய்ச்சி நிறுவனத்தின் அதிகாரப்பூர்வ இணையதளமான https://ngri.res.in/ மூலம் ஆன்லைனில் விண்ணப்பிக்கலாம்.

முக்கிய குறிப்பு: விண்ணப்பிப்பதற்கு முன் அதிகாரப்பூர்வ அறிவிப்பில் கொடுக்கப்பட்டுள்ள அனைத்து தகுதிகளையும் கவனமாகப் படித்து உறுதிப்படுத்திக் கொள்ளவும்.

12வது முடித்தவர்களுக்கு மத்திய அரசு வேலையில் சேர இது ஒரு பொன்னான வாய்ப்பு. தகுதியுள்ள அனைவரும் கடைசி தேதிக்குள் விண்ணப்பித்து பயனடையுமாறு கேட்டுக்கொள்ளப்படுகிறார்கள்.

இதையும் படிங்க: 12-ம் வகுப்பு, டிகிரி முடித்தவர்களுக்கு பழங்குடியினர் நலத்துறையில் வேலைவாய்ப்பு ! உடனே விண்ணப்பிக்கவும்!