IT Jobs: குளு குளு கிளைமேட்டில் பணியாற்ற விருப்பமா?! பெங்களூருக்கு அழைக்கிறது ஐபிஎம்.!
முன்னணி ஐடி நிறுவனமான ஐபிஎம், பெங்களூரில் அப்ளிகேஷன் டெவலப்பர் – கிளவுட் ஃபுல்ஸ்டேக் பதவிக்கு ஆட்களைத் தேர்வு செய்கிறது. டிகிரி முடித்து, ஜாவா, ஸ்பிரிங் பூட் போன்ற தொழில்நுட்பங்களில் திறமை உள்ள பட்டதாரிகள் இந்த சிறந்த வாய்ப்பிற்கு விண்ணப்பிக்கலாம்.
டிகிரி முடித்தவர்களுக்கு சிறந்த வேலைவாய்ப்பு
முன்னணி ஐடி நிறுவனங்களில் ஒன்றான ஐபிஎம் (IBM) நிறுவனத்தில் டிகிரி முடித்தவர்களுக்கு சிறந்த வேலைவாய்ப்பு அறிவிப்பு வெளியாகியுள்ளது. குறிப்பாக பெங்களூரில் பணியாற்ற விரும்பும் இளைஞர்களுக்கு இது ஒரு பொன்னான வாய்ப்பாக பார்க்கப்படுகிறது. அமெரிக்காவின் நியூயார்க் நகரை தலைமையிடமாகக் கொண்டு உலகம் முழுவதும் செயல்பட்டு வரும் ஐபிஎம், இந்தியாவிலும் சென்னை, பெங்களூர், ஹைதராபாத் உள்ளிட்ட முக்கிய நகரங்களில் அலுவலகங்களை கொண்டுள்ளது.
இந்த புதிய அறிவிப்பின்படி, Application Developer – Cloud Fullstack என்ற பதவிக்கு ஆட்கள் தேர்வு செய்யப்பட உள்ளனர். இந்த பணிக்கு விண்ணப்பிக்க விரும்பும் நபர்கள் குறைந்தபட்சம் ஏதேனும் ஒரு பிரிவில் டிகிரி முடித்திருக்க வேண்டும். மேலும் தொழில்நுட்ப அறிவு முக்கியமாக கருதப்படுகிறது.
அனுபவத்தின் அடிப்படையில் சம்பளம் நிர்ணயம்
ஜாவா 8, ஸ்பிரிங் ஃபிரேம்வொர்க், ஸ்பிரிங் பூட், ரெஸ்ட்ஃபுல் ஏபிஐ (RESTful API) போன்றவற்றில் தேர்ச்சி பெற்றிருக்க வேண்டும். அதோடு, OOPs, டிசைன் பேட்டர்ன்ஸ் பற்றிய அறிவும் அவசியம். Hibernate அல்லது JPA போன்ற ORM டூல்களில் அனுபவம் இருந்தால் கூடுதல் முன்னுரிமை வழங்கப்படும். ஜாவா அடிப்படையிலான மைக்ரோ சர்வீசஸ், ஸ்பிரிங் பூட் மைக்ரோ சர்வீசஸ், லாக்கிங், மானிட்டரிங், டீபக்கிங், டெஸ்டிங் ஆகியவற்றை பற்றி தெரிந்திருக்க வேண்டும்.
இந்த பணிக்கான மாத சம்பளம் குறித்து தற்போது எந்த தகவலும் வெளியிடப்படவில்லை. விண்ணப்பதாரரின் திறமை மற்றும் பணி அனுபவத்தின் அடிப்படையில் சம்பளம் நிர்ணயம் செய்யப்படும் என்றும், இறுதி கட்ட நேர்காணலில் இது குறித்து அறிவிக்கப்படும் என்றும் தெரிவிக்கப்பட்டுள்ளது.
குளு குளு கிளைமேட்டில் வேலை
இந்த பணிக்கு தேர்வாகும் நபர்கள் கர்நாடகா தலைநகர் பெங்களூரில் பணியமர்த்தப்படுவார்கள். விண்ணப்பிக்க கடைசி தேதி குறிப்பிடப்படாததால், தகுதி மற்றும் ஆர்வம் உள்ளவர்கள் தாமதிக்காமல் உடனடியாக விண்ணப்பிப்பது நல்லது. குளு குளு கிளைமேட்டில், ஒரு முன்னணி ஐடி நிறுவனத்தில் பணியாற்றும் கனவை நனவாக்க இது சரியான நேரம்.
