MalayalamNewsableKannadaKannadaPrabhaTeluguTamilBanglaHindiMarathiMyNation
Add Preferred SourceGoogle-icon
  • Facebook
  • Twitter
  • whatsapp
  • YT video
  • insta
  • தற்போதைய செய்தி
  • தமிழ்நாடு
  • சினிமா
  • ஆட்டோ
  • வர்த்தகம்
  • விளையாட்டு
  • லைஃப்ஸ்டைல்
  • ஜோதிடம்
  • இந்தியா
  • Home
  • Career
  • IIT Madras Free Courses: ஏ.ஐ, மின்சார வாகனத் தொழில்நுட்பம்... ஐ.ஐ.டி மெட்ராஸ் வழங்கும் இலவச ஆன்லைன் பயிற்சிகள்; விண்ணப்பிப்பது எப்படி?

IIT Madras Free Courses: ஏ.ஐ, மின்சார வாகனத் தொழில்நுட்பம்... ஐ.ஐ.டி மெட்ராஸ் வழங்கும் இலவச ஆன்லைன் பயிற்சிகள்; விண்ணப்பிப்பது எப்படி?

7-12 வகுப்பு மாணவர்கள் மற்றும் ஆசிரியர்களுக்கு ஐ.ஐ.டி மெட்ராஸ் பிரவர்தக் (IIT Madras Pravartak) வழங்கும் இலவச AI, EV ஆன்லைன் பயிற்சிகளுக்கு விண்ணப்பிப்பது எப்படி? என்று பார்ப்போம்.

3 Min read
Author : Meenakshisundaram
Published : Nov 16 2026, 04:40 PM IST
Share this Photo Gallery
  • FB
  • TW
  • Linkdin
  • Whatsapp
  • GNFollow Us
15
ஐ.ஐ.டி மெட்ராஸ் வழங்கும் இலவச ஆன்லைன் பயிற்சிகள்
Image Credit : social media

ஐ.ஐ.டி மெட்ராஸ் வழங்கும் இலவச ஆன்லைன் பயிற்சிகள்

பள்ளிப் படிப்புடன் சேர்த்து வளர்ந்து வரும் நவீன தொழில்நுட்பங்கள் குறித்த அறிவையும் வளர்த்துக்கொள்ள விரும்பும் மாணவர்களுக்கு ஓர் அருமையான வாய்ப்பு கிடைத்துள்ளது. இந்தியாவின் முன்னணி கல்வி நிறுவனங்களில் ஒன்றான ஐ.ஐ.டி மெட்ராஸ் (IIT Madras), பள்ளி மாணவர்கள் மற்றும் ஆசிரியர்களுக்காக முற்றிலும் இலவசமான ஆன்லைன் பயிற்சித் திட்டங்களை அறிமுகப்படுத்தியுள்ளது.

இந்தத் திட்டத்தின் கீழ் செயற்கை நுண்ணறிவு (AI), மின்சார வாகனத் தொழில்நுட்பம் (EV), தொழில்முனைவோர் திறன், தலைமைத்துவப் பயிற்சி எனப் பல்வேறு முக்கியமான தலைப்புகளில் பயிற்சி வழங்கப்பட உள்ளது. குறிப்பாக, 7 முதல் 12-ம் வகுப்பு வரை படிக்கும் மாணவர்கள் வீட்டிலிருந்தபடியே எதிர்காலத்தில் அதிக முக்கியத்துவம் பெறவுள்ள தொழில்நுட்பங்களைக் கற்றுக்கொள்ள முடியும். அதேபோல், ஆசிரியர்களின் கற்பித்தல் திறனை மேம்படுத்துவதற்கும் தனிப்பட்ட பயிற்சிகள் ஏற்பாடு செய்யப்பட்டுள்ளன.

ஏசியாநெட் தமிழ்-ஐ உங்கள் முதன்மைத் தேர்வாக்குங்கள்googlePreferred
25
ஐ.ஐ.டி மெட்ராஸ் 'பிரவர்தக்' இலவச ஆன்லைன் பயிற்சி
Image Credit : Getty

ஐ.ஐ.டி மெட்ராஸ் 'பிரவர்தக்' இலவச ஆன்லைன் பயிற்சி

இந்திய தொழில்நுட்பக் கழகமான ஐ.ஐ.டி மெட்ராஸின் (IIT Madras) புத்தாக்க மையமான 'பிரவர்தக்' (Pravartak), போத் பிரிட்ஜ் எஜுகேஷன் (BodhBridge Education) நிறுவனத்துடன் இணைந்து இந்த இலவசப் பயிற்சித் திட்டங்களைச் செயல்படுத்துகிறது. பள்ளி மாணவர்கள், ஆசிரியர்கள் மற்றும் கல்வியாளர்களின் திறன்களை மேம்படுத்துவதே இந்தத் திட்டத்தின் முக்கிய நோக்கமாகும்.

பள்ளிகளில் கற்றுக்கொள்ளும் பாடங்களை நிஜ வாழ்க்கைச் சூழல்களுடன் தொடர்புபடுத்திப் புரிந்துகொள்ளும் வகையில் இந்தப் பயிற்சிகள் வடிவமைக்கப்பட்டுள்ளன. இதில் ஏ.ஐ, நிதி மேலாண்மை குறித்த அடிப்படை அறிவு, தலைமைத்துவம், தொழில்முனைவோர் திறன், தொழில் வழிகாட்டுதல் உள்ளிட்ட பல்வேறு தலைப்புகள் இடம்பெறுகின்றன. 2026 நவம்பர் முதல் 2027 ஜனவரி வரையிலான பயிற்சிச் சுழற்சிக்கான (Training Cycle) பதிவுகள் தற்போது நடைபெற்று வருகின்றன.

35
7 முதல் 12-ம் வகுப்பு மாணவர்களுக்கு என்னென்ன பயிற்சிகள்?
Image Credit : our own

7 முதல் 12-ம் வகுப்பு மாணவர்களுக்கு என்னென்ன பயிற்சிகள்?

பள்ளிப் பருவத்திலேயே எதிர்காலத் தொழில்நுட்பங்கள் குறித்த அறிமுகத்தை வழங்கும் வகையில், 7 முதல் 12-ம் வகுப்பு மாணவர்களுக்காக 5 முக்கியப் பயிற்சிகள் வடிவமைக்கப்பட்டுள்ளன. இன்றைய உலகில் வேகமாக வளர்ந்து வரும் AI தொழில்நுட்பத்தின் அடிப்படைகள், அது செயல்படும் விதம் மற்றும் அதன் அன்றாடப் பயன்பாடுகள் குறித்து மாணவர்கள் எளிமையாகத் தெரிந்துகொள்ளலாம். பெட்ரோல், டீசல் வாகனங்களுக்கு மாற்றாக வளர்ந்து வரும் மின்சார வாகனத் தொழில்நுட்பம் மற்றும் எதிர்காலப் போக்குவரத்து அமைப்புகள் தொடர்பான அடிப்படை அறிவைப் பெறலாம். சொந்தமாகத் தொழில் தொடங்க விரும்பும் மாணவர்களுக்குத் தொழில்முனைவோர் சிந்தனை, புதிய வணிக யோசனைகளை உருவாக்குதல் மற்றும் அவற்றைச் செயல்படுத்துவதற்கான அடிப்படை அணுகுமுறைகள் குறித்துப் பயிற்சி வழங்கப்படும்.

பிரச்னையை பல்வேறு கோணங்களில் அணுகி, அதற்கு புதுமையான மற்றும் ஆக்கப்பூர்வமான தீர்வுகளை கண்டறியும் திறனை வளர்க்கும் வகையில் இந்தப் பயிற்சி அமையும். புதிய யோசனைகளை உருவாக்குவது, சிந்தனைத் திறனை மேம்படுத்துவது மற்றும் அன்றாடப் பிரச்சினைகளுக்குத் தொழில்நுட்பத்தின் உதவியுடன் தீர்வு காண்பது போன்றவற்றுக்கு இதில் முக்கியத்துவம் அளிக்கப்படும். வழக்கமான பாடப்புத்தகக் கல்வியைத் தாண்டி புதிய துறைகளை அறிந்துகொள்ள விரும்பும் மாணவர்களின் எதிர்காலக் கல்வி மற்றும் தொழில் சார்ந்த முடிவுகளுக்கு இந்தப் பயிற்சிகள் பெரிதும் உதவியாக இருக்கும்.

45
ஆசிரியர்கள் & கல்வியாளர்களுக்கும் 4 சிறப்புப் பயிற்சிகள்!
Image Credit : our own

ஆசிரியர்கள் & கல்வியாளர்களுக்கும் 4 சிறப்புப் பயிற்சிகள்!

மாணவர்களுக்கு மட்டுமின்றி, ஆசிரியர்கள் மற்றும் கல்வி நிறுவனங்களில் பணியாற்றும் கல்வியாளர்களுக்கும் ஐ.ஐ.டி மெட்ராஸ் பிரவர்தக் தனிப்பட்ட பயிற்சிகளை வழங்குகிறது. மாணவர்களின் ஆர்வம், திறன் மற்றும் எதிர்கால இலக்குகளுக்கு ஏற்ப உயர்கல்வி மற்றும் வேலை வாய்ப்புத் துறைகளைத் தேர்ந்தெடுக்க வழிகாட்டும் திறனை ஆசிரியர்கள் வளர்த்துக்கொள்ளலாம்.

கல்வி நிறுவனங்களில் தலைமைப் பொறுப்புகளைச் சிறப்பாகக் கையாள்வது, முடிவெக்கும் திறனை வளர்த்துக்கொள்வது மற்றும் கல்விச் சூழலை மேம்படுத்துவது தொடர்பான பயிற்சிகள் வழங்கப்படும். வகுப்பறையில் மாணவர்களைச் சிறப்பாகக் கையாள்வது, கற்றலுக்கு ஏற்ற சூழலை உருவாக்குவது மற்றும் கற்பித்தல் பணிகளை ஒழுங்குபடுத்துவது குறித்துப் பயிற்சி அளிக்கப்படும். பாடங்களைக் கற்பிக்கும்போது மாணவர்களின் கவனத்தையும் ஆர்வத்தையும் அதிகரிப்பதற்கான நவீன வழிமுறைகள் குறித்து ஆசிரியர்கள் கற்றுக்கொள்ளலாம்.

55
பயிற்சி எப்படி நடைபெறும்? சான்றிதழ் கிடைக்குமா?
Image Credit : our own

பயிற்சி எப்படி நடைபெறும்? சான்றிதழ் கிடைக்குமா?

இந்த இலவசப் பயிற்சிகள் அனைத்தும் ஆன்லைன் நேரலை வகுப்புகள் (Live Online Sessions) வாயிலாக நடைபெறும். இதில் கல்வி நிறுவனத்தின் முன்னாள் மாணவர்கள், ஸ்டார்ட்அப் நிறுவனங்களில் அனுபவம் பெற்றவர்கள் மற்றும் பல்வேறு தொழில்துறை நிபுணர்கள் பயிற்சி அளிக்க உள்ளனர்.

வெறும் பாடங்களை விளக்குவதுடன் நின்றுவிடாமல், நடைமுறை உதாரணங்கள், வழக்குக் கள ஆய்வுகள் (Case Studies) மற்றும் செயல்முறைப் பயிற்சிகளும் இதில் இடம்பெறும். இதன் மூலம் மாணவர்கள் மற்றும் ஆசிரியர்கள் தங்களுடைய பிரச்சினைக்குத் தீர்வு காணும் திறன், படைப்பாற்றல் மற்றும் தகவல் தொடர்புத் திறனை வளர்த்துக்கொள்ள முடியும். பயிற்சிகளை நிறைவு செய்யும் பங்கேற்பாளர்களுக்கு ஐ.ஐ.டி மெட்ராஸ் பிரவர்தக் சார்பில் விருப்பத்தின் அடிப்படையில் (Optional) சான்றிதழ் பெறும் வாய்ப்பும் வழங்கப்படுகிறது. சான்றிதழ் பெறுவது கட்டாயமல்ல; விருப்பத் தேர்வாக வழங்கப்படுகிறது. 2026 நவம்பர் முதல் 2027 ஜனவரி வரை மாதாந்திரப் பிரிவுகளாக (Monthly Cohorts) இந்த வகுப்புகள் நடத்தப்பட உள்ளன. ஐ.ஐ.டி மெட்ராஸ் பிரவர்தக் வெளியிட்டுள்ள தகவலின்படி, இதுவரை 45,000-க்கும் மேற்பட்ட ஆசிரியர்கள் இந்த இலவசப் பயிற்சித் திட்டங்களின் மூலம் பயனடைந்துள்ளனர் என்பது குறிப்பிடத்தக்கது.

விண்ணப்பிப்பது எப்படி?

இந்தப் பயிற்சியில் பங்கேற்க விரும்பும் மாணவர்கள், ஆசிரியர்கள் மற்றும் கல்வியாளர்கள் ஐ.ஐ.டி மெட்ராஸ் பிரவர்தக்கின் அதிகாரப்பூர்வப் பயிற்சி இணையதளம் வாயிலாக விண்ணப்பிக்கலாம். இணையதளத்திற்குச் சென்று தங்களுக்குப் பொருத்தமான பயிற்சியைத் தேர்ந்தெடுத்து, விண்ணப்ப விவரங்களைப் பூர்த்தி செய்ய வேண்டும்.

விண்ணப்பிக்கும் முன்பு தகுதி நிபந்தனைகள், பயிற்சி அட்டவணை, வகுப்புகள் நடைபெறும் நேரம் மற்றும் சான்றிதழ் தொடர்பான விவரங்களை அதிகாரப்பூர்வ இணையதளத்தில் சரிபார்த்துக்கொள்வது நல்லது. பள்ளிப் பருவத்திலேயே செயற்கை நுண்ணறிவு, மின்சார வாகனங்கள் போன்ற எதிர்காலத் திறன்களைக் கற்றுக்கொள்ளக் கிடைத்திருக்கும் இந்தப் பொன்னான வாய்ப்பை மாணவர்களும் ஆசிரியர்களும் பயன்படுத்திக்கொள்ளலாம்.

About the Author

M
Meenakshisundaram
மீடியா துறையில் 5+ ஆண்டுகள் அனுபவம் கொண்ட மீனாட்சிசுந்தரம், தி இந்தியன் எக்ஸ்பிரஸ், சன் நியூஸ், தந்தி டிவி, பாலிமர் நியூஸ் உள்ளிட்ட முன்னணி செய்தி நிறுவனங்களில் திறம்பட பணியாற்றியவர். பிரேக்கிங் நியூஸ், ஆழமான ஆய்வுக் கட்டுரைகளில் தனித்துவ முத்திரை பதித்த இவர், தற்போது ஏசியாநெட் நியூஸ் தமிழில் சீனியர் சப்-எடிட்டராகப் பொறுப்பு வகிக்கிறார். அறிவியல், புதிய டெக்னாலஜி, வணிகம், அரசியல் மற்றும் குற்றப் பின்னணி சார்ந்த விவகாரங்களை எளிய நடையில் தொடர்ந்து எழுதி வருகிறார்.
கல்வி
 
2nd TEST • PAK vs SL 2026
PAKPAK
Tue, 17 Nov, 2026
SLSL
10:00 am
Match yet to begin.
Schedule ›
2nd ODI • AUS vs ENG 2026
Result
AUSAUS
220
ENGENG
355/6
ENG beat AUS by 135 runs
Schedule ›
5th ODI • NZ vs IND 2026
Result
NZNZ
187
INDIND
209
IND beat NZ by 22 runs
Schedule ›
3rd ODI • AUS vs ENG 2026
AUSAUS
Wed, 18 Nov, 2026
ENGENG
09:00 am
Match yet to begin.
Schedule ›
1st ODI • AUS vs ENG 2026
Result
AUSAUS
132/3
ENGENG
131
AUS won by 7 wickets
Schedule ›
4th ODI • NZ vs IND 2026
Result
NZNZ
333
INDIND
89
NZ beat IND by 244 runs
Schedule ›
3rd ODI • NZ vs IND 2026
abandoned
NZNZ
-
INDIND
-
Match abandoned
Schedule ›
1st TEST • PAK vs SL 2026
Result
PAKPAK
434 & 284/8
SLSL
446
Match drawn
Schedule ›
15th T20 • WBBLT20
Result
SS-WSS-W
162/2
ST-WST-W
158
Sydney Sixers Women Won by 9 runs (D/L) method
Schedule ›
2nd ODI • NZ vs IND 2026
Result
NZNZ
134
INDIND
113/7
IND won by 4 runs (DLS method)
Schedule ›
Latest Videos
Recommended Stories
Recommended image1
Railway No Exam Jobs: எழுத்துத் தேர்வு இல்லாமல் ரயில்வே பயிற்சி வாய்ப்பு! டிசம்பர் 11 கடைசி நாள்
Recommended image2
மதுரை எய்ம்ஸ்-ல் மெகா வேலைவாய்ப்பு: ரூ.56,100 ஆரம்ப சம்பளத்தில் 82 மருத்துவப் பணியிடங்கள்; உடனே அப்ளை பண்ணுங்க!
Recommended image3
8th Pay Commission: 8வது ஊதியக் குழுவில் பென்ஷன் கணக்கீடு! 2.1, 2.57, 2.75 ஃபிட்மென்ட் ஃபேக்டரில் எவ்வளவு கிடைக்கும்?
Related Stories
Recommended image1
Railway No Exam Jobs: எழுத்துத் தேர்வு இல்லாமல் ரயில்வே பயிற்சி வாய்ப்பு! டிசம்பர் 11 கடைசி நாள்
Recommended image2
மதுரை எய்ம்ஸ்-ல் மெகா வேலைவாய்ப்பு: ரூ.56,100 ஆரம்ப சம்பளத்தில் 82 மருத்துவப் பணியிடங்கள்; உடனே அப்ளை பண்ணுங்க!
Asianet
Follow us on
  • Facebook
  • Twitter
  • whatsapp
  • YT video
  • insta
  • Download on Android
  • Download on IOS
  • About Website
  • Terms of Use
  • Privacy Policy
  • CSAM Policy
  • Complaint Redressal - Website
  • Compliance Report Digital
  • Investors
© Copyright 2026 Asianxt Digital Technologies Private Limited (Formerly known as Asianet News Media & Entertainment Private Limited) | All Rights Reserved