10-ஆம் வகுப்பு படித்தவர்களுக்கு மத்திய அரசில் பிரகாசமான வாய்ப்பு! IB-யில் 455 பாதுகாப்பு உதவியாளர் பணி!

IB வேலைவாய்ப்பு 2025: 455 பாதுகாப்பு உதவியாளர் பணிகளுக்கு விண்ணப்பிக்கலாம். 10ஆம் வகுப்பு தேர்ச்சி, 18-27 வயது தகுதியுடையோர் செப். 28க்குள் விண்ணப்பிக்கவும்.

Image Credit : X

IB வேலைவாய்ப்பு 2025 - விண்ணப்பிக்கும் தேதி, தகுதிகள்!

மத்திய உள்துறை அமைச்சகத்தின் கீழ் செயல்படும் உளவுத்துறையான 'இன்டெலிஜென்ஸ் பீரோ' (IB), பாதுகாப்பு உதவியாளர் (Security Assistant Motor Transport) பணிகளுக்கான அறிவிப்பை வெளியிட்டுள்ளது. மொத்தம் 455 பணியிடங்கள் நிரப்பப்படவுள்ளன. இதற்கு விண்ணப்பிக்க விரும்பும் விண்ணப்பதாரர்கள், அங்கீகரிக்கப்பட்ட கல்வி வாரியத்தில் இருந்து பத்தாம் வகுப்பு தேர்ச்சி பெற்றிருக்க வேண்டும். மேலும், 18 முதல் 27 வயதுக்குட்பட்டவர்கள் மட்டுமே விண்ணப்பிக்க முடியும். வாகனங்களில் ஏற்படும் சிறிய பழுதுகளை சரிசெய்யும் மோட்டார் மெக்கானிக் அறிவு இருப்பது அவசியம் எனத் தெரிவிக்கப்பட்டுள்ளது. ஆன்லைன் விண்ணப்பப் பதிவு செப்டம்பர் 6, 2025 அன்று தொடங்கி, செப்டம்பர் 28, 2025 அன்று முடிவடைகிறது.

Image Credit : social media

தேர்வு முறை மற்றும் கட்டண விவரங்கள்!

இந்தப் பணியிடங்களுக்கான தேர்வு, இரண்டு கட்டங்களாக நடைபெறும். முதல்நிலைத் தேர்வான Tier-1, 100 மதிப்பெண்களுக்கு ஒரு மணி நேரத்தில் நடத்தப்படும். இதில் தவறான பதில்களுக்கு கால் பங்கு மதிப்பெண்கள் கழிக்கப்படும். அடுத்ததாக, Tier-2 தேர்வு 50 மதிப்பெண்களுக்கு நடைபெறும். விண்ணப்பக் கட்டணம் ₹100, மற்றும் தேர்வு செயலாக்கக் கட்டணம் ₹550 என நிர்ணயிக்கப்பட்டுள்ளது. இந்தக் கட்டணத்தை டெபிட் கார்டு, கிரெடிட் கார்டு, நெட் பேங்கிங், UPI அல்லது சலான் மூலம் செலுத்தலாம். விண்ணப்பதாரர்கள் தங்களுக்கு விருப்பமான ஐந்து முக்கிய நகரங்களில் தேர்வு மையங்களைத் தேர்ந்தெடுக்கலாம்.

Image Credit : our own

விண்ணப்பிப்பது எப்படி?

இந்தப் பணிகளுக்கு விண்ணப்பிக்க விரும்பும் ஆர்வமுள்ளவர்கள், மத்திய உள்துறை அமைச்சகத்தின் அதிகாரப்பூர்வ இணையதளமான mha.gov.in என்ற முகவரிக்குச் செல்ல வேண்டும். முகப்புப் பக்கத்தில் உள்ள 'New Registration' என்ற இணைப்பைக் கிளிக் செய்து, தேவையான விவரங்களைப் பூர்த்தி செய்து கணக்கை உருவாக்க வேண்டும். 

Image Credit : Getty

பின்னர், விண்ணப்பப் படிவத்தை முழுமையாகப் பூர்த்தி செய்து, விண்ணப்பக் கட்டணத்தைச் செலுத்தி சமர்ப்பிக்கலாம். அரசுப் பணியில் சேர விரும்புபவர்களுக்கு இது ஒரு பொன்னான வாய்ப்பு. விண்ணப்பிக்கும் முன் அதிகாரப்பூர்வ அறிவிப்பை முழுமையாகப் படித்து, அனைத்துத் தகுதிகளையும் உறுதிசெய்து கொள்வது நல்லது.

link : https://g03.tcsion.com//per/g03/pub/726/EForms/image/ImageDocUpload/71161/1/9201385680.pdf