ஜேம்ஸ் பாண்ட் மாதிரி புலனாய்வு புலியாக ஆசையா? உளவுத்துறையில் 3717 காலிப்பணியிடங்கள்! சம்பளம் ரூ.1,42,400..

உளவுத் துறையில் (IB) 3717 ACIO காலியிடங்கள்! எந்தப் பட்டதாரிகளும் விண்ணப்பிக்கலாம். சம்பளம் ரூ.1,42,400 வரை. கடைசி தேதி ஆகஸ்ட் 10, 2025. 

Image Credit : our own

மத்திய உளவுத் துறையில் கவர்ச்சிகரமான பணி!

மத்திய அரசின் முக்கியப் பிரிவுகளில் ஒன்றான உளவுத் துறை (Intelligence Bureau - IB), உதவி மத்திய புலனாய்வு அதிகாரி (Assistant Central Intelligence Officer Grade–II/ Executive) பணியிடங்களுக்கு 3717 காலியிடங்களை அறிவித்துள்ளது. இந்தப் பணியிடங்கள் இந்தியா முழுவதும் நிரப்பப்பட உள்ளன. பட்டப்படிப்பு முடித்த தகுதியானவர்களுக்கு இது ஒரு சிறந்த வாய்ப்பாகும். விண்ணப்பங்கள் ஜூலை 19, 2025 முதல் ஆகஸ்ட் 10, 2025 வரை வரவேற்கப்படுகின்றன.

Image Credit : social media

கல்வித்தகுதி, வயது வரம்பு மற்றும் ஊதிய விவரங்கள்

இந்தப் பணியிடங்களுக்கு விண்ணப்பிக்க அங்கீகரிக்கப்பட்ட பல்கலைக்கழகத்தில் எந்தப் பட்டமும் பெற்றிருக்க வேண்டும். தேர்ந்தெடுக்கப்படும் விண்ணப்பதாரர்களுக்கு மாதம் ரூ.44,900 முதல் ரூ.1,42,400 வரை சிறப்பான ஊதியம் வழங்கப்படும். விண்ணப்பதாரர்களின் வயது 18 முதல் 27 வயதுக்குள் இருக்க வேண்டும். பட்டியல் சாதி (SC/ST) மற்றும் பழங்குடியினர் (ST) பிரிவினருக்கு 5 ஆண்டுகளும், இதர பிற்படுத்தப்பட்ட வகுப்பினருக்கு (OBC) 3 ஆண்டுகளும் வயது வரம்பில் தளர்வு உண்டு.

Image Credit : social media

விண்ணப்பக் கட்டணம் மற்றும் தேர்வு நடைமுறை

விண்ணப்பக் கட்டணம் பெண்கள், பட்டியல் சாதி, பழங்குடியினர், முன்னாள் ராணுவத்தினர் மற்றும் மாற்றுத்திறனாளிகளுக்கு ரூ.550/- ஆகும். மற்ற அனைத்துப் பிரிவினருக்கும் ரூ.650/- ஆகும். இந்தப் பணியிடங்களுக்கான தேர்வு மூன்று கட்டங்களாக நடைபெறும். முதல் கட்டமாகப் புறநிலை வகை எழுத்துத் தேர்வும் (Tier-I: Written Exam - Objective type), அதனைத் தொடர்ந்து விளக்க வகை எழுத்துத் தேர்வும் (Tier-II: Written Exam - Descriptive type), இறுதியாக நேர்காணலும் (Tier-III: Interview) நடத்தப்படும்.

Image Credit : Getty

விண்ணப்பிக்கும் முறை

விருப்பமும் தகுதியும் உள்ள விண்ணப்பதாரர்கள் www.mha.gov.in என்ற அதிகாரப்பூர்வ இணையதளம் மூலம் ஆன்லைனில் விண்ணப்பிக்கலாம். விண்ணப்பிப்பதற்கு முன், அதிகாரப்பூர்வ அறிவிப்பில் குறிப்பிடப்பட்டுள்ள அனைத்து தகுதிகளையும் சரிபார்த்து உறுதிப்படுத்திக் கொள்ளவும்.