- Home
- Business
- ஒருமுறை சார்ஜில் 169 கிமீ போகலாம்.. பேமிலிஸ் கொண்டாடும் யமஹா எலக்ட்ரிக் ஸ்கூட்டர் விலை எவ்வளவு?
ஒருமுறை சார்ஜில் 169 கிமீ போகலாம்.. பேமிலிஸ் கொண்டாடும் யமஹா எலக்ட்ரிக் ஸ்கூட்டர் விலை எவ்வளவு?
யமஹா மோட்டார் இந்தியா தனது முதல் எலக்ட்ரிக் ஸ்கூட்டரான EC-06-ஐ அறிமுகப்படுத்தியுள்ளது. இந்த ஸ்கூட்டர் ஒருமுறை சார்ஜில் 169 கிமீ ரேஞ்ச், 79 கிமீ வேகம் மற்றும் ஸ்மார்ட்போன் இணைப்பு போன்ற நவீன அம்சங்களுடன் வருகிறது.
யமஹா EC-06 எலக்ட்ரிக் ஸ்கூட்டர்
யமஹா மோட்டார் இந்தியா, இந்திய சந்தைக்காக முதல் எலக்ட்ரிக் ஸ்கூட்டரை அதிகாரப்பூர்வமாக அறிமுகப்படுத்தி விலையையும் அறிவித்துள்ளது. EC-06 என்ற இந்த மாடல், 2025 நவம்பரில் வெளியிடப்பட்ட நிலையில், தற்போது ரூ.1.68 லட்சம் (எக்ஸ்-ஷோரூம்) விலையில் விற்பனைக்கு வருகிறது. யமஹாவின் ‘ப்ளூ ஸ்கொயர்’ டீலர்ஷிப்கள் மூலம் இந்த ஸ்கூட்டர் விற்கப்படும். தொடக்கமாக சென்னை, பெங்களூரு, மும்பை, புனே போன்ற நகரங்களில் விற்பனை ஆரம்பமாகி, பின்னர் பிற மெட்ரோ மற்றும் டயர்-1 நகரங்களுக்கு விரிவுபடுத்தப்படும் என தெரிவிக்கப்பட்டுள்ளது.
யமஹா ஸ்கூட்டர்
இந்த EC-06, பெங்களூருவை மையமாகக் கொண்ட ரிவர் மொபிலிட்டியின் இண்டிக் எலக்ட்ரிக் ஸ்கூட்டர் பிளாட்ஃபாரத்தை உருவாக்கியது. ஆனால், யமஹா தனது அடையாளத்தை வெளிப்படுத்தும் வகையில் தனித்துவமான வடிவமைப்பு மாற்றங்களைச் செய்துள்ளது. கூர்மையான பாடி லைன்கள், ஸ்டேக்டு ஹெட்லைட்களுடன் கூடிய முன்பகுதி வடிவமைப்பு ஆகியவை இந்த ஸ்கூட்டருக்கு தனி லுக் கொடுக்கின்றன. ‘புளூயிஷ் ஒயிட்’ நிறத்தில் மட்டும் இந்த மாடல் கிடைக்கிறது. செயல்திறன் விஷயத்தில், EC-06 ஸ்கூட்டரில் IPMSM வகை எலக்ட்ரிக் மோட்டார் மற்றும் 4kWh பேட்டரி பேக் வழங்கப்பட்டுள்ளது.
யமஹா EV ஸ்கூட்டர்
இது அதிகபட்சமாக 6.7 kW பவர் மற்றும் 26 Nm டார்க் உற்பத்தி செய்கிறது. மணிக்கு 79 கிமீ வரை வேகமெடுக்கும் திறன் கொண்ட இந்த ஸ்கூட்டர், ஒருமுறை சார்ஜில் 169 கிமீ வரை ஓடும் என யமஹா தெரிவிக்கிறது. சாதாரண வீட்டு மின்சார அவுட்லெட் மூலம் சார்ஜ் செய்யக்கூடிய இந்த ஸ்கூட்டரை முழுமையாக சார்ஜ் செய்ய சுமார் 8 மணி நேரம் ஆகும். பேட்டரிக்கு 3 ஆண்டுகள் அல்லது 30,000 கிமீ வாரண்டியும் வழங்கப்படுகிறது. மழை மற்றும் தூசு போன்ற சூழல்களைக் கருத்தில் கொண்டு, மோட்டார் மற்றும் பேட்டரி IP67 பாதுகாப்பு தரநிலையையும், மற்ற எலக்ட்ரானிக் பகுதிகள் IP65 பாதுகாப்பையும் பெற்றுள்ளன.
யமஹா EC-06 ஸ்கூட்டர் அம்சங்கள்
பயன்பாட்டு வசதிகளில், ஈக்கோ, ஸ்டாண்டர்டு, பவர் என மூன்று ரைடிங் மோடுகளுடன், குறுகிய இடங்களில் உதவும் ரிவர்ஸ் மோடும் உள்ளது. முன் டெலஸ்கோபிக் ஃபோர்க்குகள், பின்புற காயில் ஸ்பிரிங் சஸ்பென்ஷன், CBS உடன் டிஸ்க் பிரேக்குகள் பாதுகாப்பை உறுதி செய்கின்றன. வண்ண LCD டிஸ்ப்ளே, ஸ்மார்ட்போன் கனெக்டிவிட்டி மற்றும் 24.5 லிட்டர் சீட்-கீழ் ஸ்டோரேஜ் போன்ற அம்சங்கள், நகர்ப்புற பயனர்களுக்கு EC-06-ஐ ஒரு முழுமையான எலக்ட்ரிக் ஸ்கூட்டராக மாற்றப்படுகின்றன.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
