ரூ.1000ல் இருந்து ரூ.9000 ஆக உயரலாம் EPFO மாத ஓய்வூதியம்!

இபிஎப்ஓவில் (EPFO) மாத ஓய்வூதியம் ₹1000ல் இருந்து ₹9000 ஆக உயர்த்த வேண்டும் என்று மத்திய தொழிலாளர் சங்கங்கள் கோரிக்கை விடுத்துள்ளன. மத்திய அரசு ஊழியர்களின் சம்பள கட்டமைப்பை விரைவில் திருத்தியமைக்கவும், எட்டாவது சம்பளக் குழுவை அமைக்கவும் நிதியமைச்சகத்துடன் திங்கட்கிழமை பட்ஜெட்டுக்கு முந்தைய கூட்டம் நடத்தப்பட்டது.

தற்போதைய விலைவாசி உயர்வில், ₹1000 EPFO ஓய்வூதியம் ஏற்றுக்கொள்ள முடியாதது. ஓய்வூதிய உயர்வு கோரிக்கை தற்போது எழுந்துள்ளது. சமையல் எரிவாயு விலை ₹829 ஆக இருக்கும்போது, ₹1000 EPFO ஓய்வூதியத்தை உடனடியாக உயர்த்த வேண்டும் என்று நிர்மலா சீதாராமன் உடனான கூட்டத்தில் கோரிக்கை விடுக்கப்பட்டது.

அரசு ஊழியர்களுக்கு அனைத்து சலுகைகளும் கிடைக்கும் அதே நேரத்தில், தனியார் துறை ஊழியர்களுக்கு எந்த நிதி உதவியும் இல்லை, இதனால் அவர்கள் விலைவாசி உயர்வை சமாளிக்க முடியவில்லை. இதனால் கடனில் சிக்கித் தவிக்கின்றனர். இந்த ஆண்டு மத்திய அரசு EPFOவில் அடிப்படை சம்பள உயர்வை அங்கீகரித்தால், தனியார் துறை ஊழியர்களின் ஓய்வூதியம் சற்று உயரும் என்று எதிர்பார்க்கப்படுகிறது.

இதுகுறித்து RSS இன் தொழிலாளர் அமைப்பின் வடக்கு மண்டல செயலாளர் பவன் குமார் கூறியதாவது,முதலில் EPF இல் குறைந்தபட்ச தொகையை உயர்த்த வேண்டும், பின்னர் அதனுடன் அகவிலைப்படி சேர்க்கப்படும். இந்த விலைவாசி உயர்வில், குறைந்த தொகையில் குடும்பம் நடத்துவது கடினம். குறிப்பாக தனியார் துறையில் பணிபுரிபவர்களின் நிலை மிகவும் பரிதாபகரமானது. இந்த சூழ்நிலையில், பட்ஜெட்டில் இந்த விஷயங்களைக் கருத்தில் கொள்ள வேண்டும் என்று அவர் வலியுறுத்தினார்.

யுபிஐ, கேஸ் முதல் பிஎஃப் வரை; ஜனவரி முதல் புதிய மாற்றங்கள் - முழு விபரம்