மாத இறுதியில் பணம் இல்லையா? இந்த 3 பழக்கங்கள் போதும்! லைஃப் மாறிடும்!
மாத இறுதியில் ஏற்படும் நிதி நெருக்கடிக்கு காரணம் சரியான பண மேலாண்மை இல்லாததே. முதலில் சேமித்துவிட்டு பிறகு செலவு செய்வது, தெளிவான பட்ஜெட் தயாரிப்பது போன்ற பழக்கங்கள் நிதிச் சுமையைக் குறைத்து நிம்மதியைத் தரும்.
பண மேலாண்மை
பலருக்கும் மாத இறுதி வந்தாலே ஒரே கவலை தான். "பணம் எங்கே போனது?" என்ற கேள்வி மனதில் எழும். இதற்கு முக்கிய காரணம் குறைந்த வருமானம் அல்ல; சரியான பண மேலாண்மை இல்லாமை தான். சம்பளம் அல்லது வருமானம் கிடைக்கும் நேரத்திலேயே சிறிய திட்டமிடலுடன் செயல்பட்டால், மாதம் நிதி நெருக்கடியின்றி நிம்மதியாக செலவுகளை சமாளிக்க முடியும். நிதி தொடக்க நிபுணர்கள் கூறுவது போல, மாதத்தின் சில அடிப்படை நிதி பழக்கங்களை கடைப்பிடித்தால் சேமிப்பு அதிகரிக்கும்.
மாதாந்திர பட்ஜெட்
முதலில் செய்ய வேண்டிய முக்கிய விஷயம் சேமிப்புக்கு முன்னுரிமை கொடுப்பது. “செலவு போக மீதி இருந்தால் சேமிக்கலாம்” என்ற எண்ணத்தை மாற்றி, “முதலில் சேமிப்பு, பிறகு செலவு” என்ற விதியை பின்பற்ற வேண்டும். சம்பளம் வந்தவுடன் ஒரு குறிப்பிட்ட தொகையை SIP, RD அல்லது சேமிப்புக் கணக்கில் தானாகவே டிரான்ஸ்பர் ஆக அமைக்கவும். இதனால் சேமிப்பு தொடர்ந்து வளர்வதோடு, எதிர்கால அவசர தேவைகளுக்கும் துணையாக இருக்கும்.
சேமிப்பு பழக்கம்
அடுத்ததாக, மாதாந்திர செலவுகளுக்கான தெளிவான பட்ஜெட் தயாரிக்க வேண்டும். வீட்டு வாடகை, மின்சாரம், தண்ணீர், மளிகை, போக்குவரத்து, கல்வி போன்ற அத்தியாவசிய செலவுகளை முதலில் பட்டியலிடுங்கள். பின்னர் தேவையற்ற அல்லது தவிர்க்கக்கூடிய செலவுகளை குறைக்க முயலுங்கள். பட்ஜெட் இருப்பதால் பணம் எங்கு செலவாகிறது என்பதை தெளிவாக அறிய முடியும்.
சம்பள மேலாண்மை
மூன்றாவது முக்கிய பழக்கம், கடன் மற்றும் பில்களை சரியான நேரத்தில் செலுத்துவது. EMI, கிரெடிட் கார்டு பில், மொபைல் மற்றும் இன்டர்நெட் கட்டணங்களை மாத தொடக்கத்திலேயே செலுத்திவிட்டால் மன அழுத்தம் குறையும். தாமதக் கட்டணம் மற்றும் கூடுதல் வட்டி தவிர்க்கப்படுவதுடன், உங்கள் கிரெடிட் ஸ்கோரும் நல்ல நிலையில் இருக்கும்.
கிரெடிட் ஸ்கோர்
இந்த மூன்று பழக்கங்களையும் தொடர்ந்து கடைப்பிடித்தால், பணத்தை கட்டுப்படுத்துவது எளிதாகிவிடும். மாத இறுதியில் திடீர் பணத் தட்டுப்பாடு ஏற்படாது. சிறிய ஒழுக்கமும், திட்டமிடலும் இருந்தால், நிதி சுமை குறைந்து வாழ்க்கை நிம்மதியாக மாறும். இன்றே உங்கள் நிதிப் பழக்கங்களை மாற்றத் தொடங்குங்கள். பணம் உங்கள் வாழ்க்கையை கட்டுப்படுத்தாமல், நீங்கள் பணத்தை கட்டுப்படுத்தும் நிலைக்கு வரலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
