- Home
- Business
- எளிய வழியில் பெரிய வெற்றி.! தொழிலில் முன்னேற இந்த ஒரு ட்ரிக் போதும்! Business ரகசியம் இதோ!
எளிய வழியில் பெரிய வெற்றி.! தொழிலில் முன்னேற இந்த ஒரு ட்ரிக் போதும்! Business ரகசியம் இதோ!
பிசினஸ் வெற்றிக்கு மார்க்கெட்டிங், ஃபைனான்ஸ், கனெக்ஷன்கள் போன்ற பல காரணங்கள் இருந்தாலும், அடிப்படையாக அமைவது தரம். வாடிக்கையாளர் செலுத்தும் தொகைக்கு ஏற்ற மதிப்பை வழங்குவதே தரம். தரம் இல்லையென்றால் நம்பிக்கையும் நிலைத்த வளர்ச்சியும் இல்லை.
பிஸ்னஸ் வெற்றிக்கு இதுதான் வழி!
அதிகம் படிக்க வேண்டாம், MBA படிக்க வேண்டாம், பில்லியன் ரூபாய் முதலீட்டும் வேண்டாம்… ஒரு எளிய உண்மை தெரிந்து, அதை தவறாமல் கடைபிடித்தால், எந்த தொழிலையும் வெற்றி செய்யலாம். அந்த ரகசியமான உண்மைதான் – தரம்! பலர் பிசினஸ் வெற்றிக்கு மார்க்கெட்டிங் ஸ்டிராடஜி, லொக்கேஷன், பரந்த ஃபைனான்ஸ், கனெக்ஷன்கள் என ஏராளமான காரணங்களை சொல்லுவார்கள். ஆனால், அந்த அனைத்துக்கும் அடிப்படையாக அமைவது தரம்தான். தரமில்லாமல் பிசினஸில் நம்பிக்கையும் நிலைத்த வளர்ச்சியும் ஏற்படவே முடியாது.
தரம் என்றால் என்ன?
தரம் என்பது வாடிக்கையாளர் செலுத்தும் தொகைக்கு நீங்கள் தரும் உண்மையான மதிப்பு. அதாவது, ரூ.10 செலுத்தினாலும்கூட, அதற்கேற்ற தரம் இருக்க வேண்டும். ரூ.300 செலுத்தினால் அதற்கும். தரம் என்பது மேம்பட்ட கம்பனி அல்லது பணக்காரர்களுக்கான காசு மிக்க சேவை மட்டும் அல்ல. தரம் என்பது – நியாயமான விலைக்கு தரமான சேவையோ, பொருளோ வழங்கும் பசுமை உண்மை!
ஏன் தரம் முக்கியம்?
வாடிக்கையாளர் ஒருமுறை வாங்கலாம், ஆனால் மீண்டும் வருகிறாரா என்பது உங்கள் தரத்தின் சான்று. அவருடைய "வாய்மொழி விளம்பரம்" (word of mouth) தான் உங்களை சந்தையில் உயர்த்தும். தரமற்ற சேவைக்கு வாடிக்கையாளர் வாயில் “மனமாறி விட்டேன்” என்ற வார்த்தையே வரும்.அதனால்தான் “தரம் இல்லாத ஒரு பொருளை, நம்மால் நன்றாக விற்றுவிடலாம். ஆனால் அதை ஒரே முறைதான் விற்க முடியும். இரண்டாவது முறை வாடிக்கையாளர் திரும்ப வரமாட்டார்.”
ஆரம்பத்தில் லாபத்தைத் தேட வேண்டாம்
புதிய பிசினஸில் 2 வருடம் லாபம் எதிர்பார்க்கவே கூடாது. அந்த காலத்தில் உங்கள் சேவையின் தரம், நிலைத்த தன்மை, நம்பிக்கை – இவற்றைக் கட்டியெழுப்ப வேண்டியது தான் முதன்மை. முதல் முதலாக வாடிக்கையாளர் திருப்தியாக இருந்தால், அதுவே உங்கள் வெற்றியின் முதல் அடிப்படை. தரத்தை விட்டுவிட்டு விலையை அதிகமாக வைத்தால், நீங்கள் பிசினஸை மெல்ல சிதைக்க ஆரம்பித்துவிட்டீர்கள் என்றுதான் பொருள்.
கஸ்டமர் எக்ஸ்பீரியன்ஸ் – சும்மா இல்லை
தரமான பொருளுடன், தரமான அனுபவமும் கட்டாயம். ஒரு ஹோட்டலில் சுத்தமான டாய்லெட் இல்லையென்றால், சாப்பாடு சுவையாக இருந்தாலும் மக்கள் திரும்ப வரமாட்டார்கள். இன்டர்நெட் நிறுவனம் மாதம் நான்கு நாட்கள் சர்வீஸ் இல்லாமல் இருந்தால், நெக்ஸ்ட் மந்த் யாரும் பில்லுக்கே பணம் கட்ட மாட்டார்கள். கஸ்டமர் எக்ஸ்பீரியன்ஸ் என்றால் – நாங்கள் வழங்கும் சேவையின் வெளிப்படையான, மனதளவிலான தாக்கம். இது இருந்தால் உங்கள் பிசினஸ் ஓடிக்கும். இல்லையென்றால், மெதுவாக மடிகிறது.
ஒரு எளிய சோதனை – நீங்கள் வாங்குவீர்களா?
நீங்கள் விற்கும் பொருளை, சேவையை, நீங்களே வாடிக்கையாளராக வாங்குகிறீர்களா? அதற்கேற்ப பணம் கொடுக்க தயாரா? இந்த ஒரு கேள்விக்கு “ஆம்” என்றால், உங்கள் தரம் சரியான பாதையில் இருக்கிறது. இல்லை என்றால், திருத்தங்கள் தேவை.
தரம் இல்லாத பிசினஸ் = வழுக்கை விழும் தலைமுடி!
ஒரு தலைமுடி விழுவதற்கான காரணம் – புதிய முடி வளர்ந்துவந்தாலும், பழைய முடி அதிகமாக விழுந்தால் தான். அதுபோல், உங்கள் பிசினஸில் புதிய வாடிக்கையாளர்கள் வந்தாலும், பழையவர்கள் திரும்பவில்லை என்றால் – அது வளர்ச்சி இல்லை. அது வீழ்ச்சி!
ஒரு க்ரிஸ்டல் கிளியர் செய்தி
- “தரம் இல்லன்னா, வளர்ச்சி இல்ல… வளர்ச்சி இல்லன்னா, பிசினஸ் இல்லை!”
- நீங்கள் தரத்தை காப்பாற்றினால், தரம் தான் உங்களை வளர்க்கும்.
- நல்ல விலை + நல்ல தரம் + நல்ல அனுபவம் = நீண்ட நாள் நம்பிக்கையும், தொடர்ச்சியான வளர்ச்சியும்!
- அதிகம் படிக்க வேண்டாம்… எளிமையிலும் சாம்ராஜ்யம் கட்ட முடியும்! தரம்தான் அந்த எளிய வழி!
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
