Traffic Challan: வாகன ஓட்டிகளுக்கு முக்கிய அறிவிப்பு.. பழைய வாகன அபராதத்தை குறைந்த தொகையில் கட்டலாம்.. எப்போ?

Traffic Challan: உங்கள் வாகனத்திற்கு நீண்ட நாட்களாக போக்குவரத்து அபராதம் நிலுவையில் உள்ளதா? அதை எப்படி முடிப்பது என்று தெரியாமல் காத்திருக்கிறீர்களா? அதற்கான அறிவிப்பு வெளியாகி உள்ளது.

Image Credit : Google

நிலுவை வாகன அபராதம்

நீண்ட நாட்களாக செலுத்தப்படாமல் இருக்கும் வாகன போக்குவரத்து அபராதங்களுக்கு தீர்வு காண விரும்புபவர்களுக்கு செப்டம்பர் 12, 2026 முக்கியமான நாளாக இருக்கிறது. 2026-ம் ஆண்டுக்கான தேசிய லோக் அதாலத் அட்டவணையில் செப்டம்பர் 12 தேதி குறிப்பிடப்பட்டுள்ளது. நாடு முழுவதும் சட்டப்பணிகள் ஆணையங்களின் ஏற்பாட்டில் லோக் அதாலத் நடைபெறும் நிலையில், தகுதியான நிலுவை வழக்குகளை சமரசத்தின் மூலம் முடிக்க வாய்ப்பு உள்ளது.

Image Credit : our own

லோக் அதாலத் வாகன அபராதம்

லோக் அதாலத்தின் முக்கிய நோக்கம், நீதிமன்றத்தில் நிலுவையில் உள்ள வழக்குகள் அல்லது நீதிமன்றத்தை அணுகுவதற்கு முன்பான தகுதியான தகராறுகளை சமரச அடிப்படையில் தீர்ப்பதாகும். சட்டப்படி சமரசம் செய்யக்கூடிய குற்றங்கள் மட்டுமே இங்கு பரிசீலிக்கப்படுகின்றன. எனவே, உங்கள் வாகனத்திற்கு அபராதம் இருப்பதால் தானாகவே தள்ளுபடி கிடைக்கும் என்று நினைக்கக்கூடாது. வழக்கின் தன்மை மற்றும் அது சமரசத்திற்கு தகுதியானதா என்பதை சம்பந்தப்பட்ட அதிகாரிகள் முடிவு செய்வார்கள்.

Image Credit : our own

வாகன அபராதம் தீர்வு

லோக் அதாலத்தில் ஒரு வழக்கு இரு தரப்பினரின் சம்மதம் மற்றும் சமரசத்தின் அடிப்படையில் தீர்க்கப்படுகிறது. சமரசம் ஏற்பட்டால், லோக் அதாலத் வழங்கும் தீர்வு இறுதியானதும் இரு தரப்பினருக்கும் கட்டுப்படுத்தக்கூடியதாக இருக்கும். பொதுவாக அந்தத் தீர்வுக்கு எதிராக வழக்கமான மேல்முறையீடு செய்யும் நடைமுறை இல்லை என்று தேசிய சட்டப்பணிகள் ஆணையம் விளக்குகிறது. இருப்பினும், சமரசத்திற்கு தகுதியற்ற குற்றங்கள் லோக் அதலால் தீர்க்கப்பட முடியாது.

Image Credit : our own

லோக் அதாலத் தேதி

நிலுவையில் உள்ள அபராதம் தொடர்பாக நடவடிக்கை எடுக்க விரும்புவோர், முதலில் தங்களது வழக்கின் நிலையை சரிபார்ப்பது நல்லது. வாகனப் பதிவு விவரம், ஓட்டுநர் உரிமம் உள்ளிட்ட தொடர்புடைய ஆவணங்களைத் தயாராக வைத்திருப்பதும் பயனுள்ளதாக இருக்கும். ஆனால் எந்தெந்தங்கள் தேவை, எந்த நீதிமன்றம் அல்லது சட்டப்பணிகள் ஆணையத்தை அணுக வேண்டும் என்பது ஆவணத்தின் தன்மையைப் பொறுத்து மாறக்கூடும். எனவே, செப்டம்பர் 12-ம் தேதிக்கு முன்பாக உள்ளூர் மாவட்ட சட்டப்பணிகள் ஆணையத்தின் அறிவிப்பை சரிபார்ப்பது பாதுகாப்பான நடைமுறையாகும்.

Image Credit : Gemini AI

அபராதம் எவ்வளவு குறையும்?

முக்கியமாக, “அபராதம் பாதியாக குறையும்” அல்லது “அனைத்து அபராதங்களும் தள்ளுபடி” என்று பொதுவாக கூற முடியாது. லோக் அதாலத் என்பது கட்டாயமாக அபராதத் தள்ளுபடி வழங்கும் திட்டம் அல்ல; தகுதியான வழக்குகளை சமரசத்தின் மூலம் முடிக்கும் சட்ட நடைமுறையாகும். தமிழ்நாட்டிலும் செப்டம்பர் 12, 2026 தேசிய லோக் அதாலத் நடைபெற உள்ளதாக தமிழ்நாடு மாநில சட்டப்பணிகள் ஆணையக்குழு அதிகாரப்பூர்வமாகத் தெரிவித்துள்ளது. எனவே, நீண்ட நாட்களாக நிலுவையில் உள்ள வாகன அபராதம் இருந்தால், அதிகாரப்பூர்வ அறிவிப்பை சரிபார்த்து உரிய நடைமுறையைப் பின்பற்றுவது நல்லது.