Gold Rate Today: போற போக்க பார்த்தா நகையே வாங்க முடியாது போல.. புதிய உச்சத்தில் தங்கம் விலை..

தங்கத்தின் விலை தொடர்ந்து  உயர்ந்து வருவது பொதுமக்கள் மத்தியில் பெரும் அதிர்ச்சியை ஏற்படுத்தி உள்ளது.

தங்கம் பெண்களுக்கு மிகவும் பிடித்தமான ஒன்றாகும். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் வகிக்கிறது. மேலும் தமிழ்நாட்டு பெண்களின் தங்க நகைகள் மீதான மோகம் மிகவும் அதிகம் என்பது அனைவரும் அறிந்த ஒன்றே. இந்நிலையில், கடந்த சில நாட்களாக தங்கம் நிலை ஜெட் வேகதத்தில் உயர்ந்து வருகிறது. 

நேற்றைய நிலவரப்படி, சவரனுக்கு ரூ.280 உயர்ந்து ரூ.44,360க்கு விற்பனையானது.  மேலும் தங்கம் கிராமுக்கு 20 உயர்ந்து 5,545க்கு விற்பனையானது.

இன்றைய (மார்ச் 30) நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.160 உயர்ந்து ரூ. 44,520 ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.20 உயர்ந்து ரூ.5,565 ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 6,038 ஆக விற்பனையாகிறது. 24 கேரட் தங்கம் சவரன் ரூ. 48,304ஆக விற்பனையாகிறது.

வெள்ளி ஒரு கிராமுக்கு 20 காசுகள் உயர்ந்து ரூ.76.20க்கு விற்பனை செய்யப்படுகிறது. மேலும் ஒரு கிலோ வெள்ளி 76,200க்கும் விற்பனை செய்யப்படுகிறது.