LPG Cylinder Price Cut: கேஸ் சிலிண்டர் பயன்படுத்துவோருக்கு சூப்பர் குட் நியூஸ்! ரூ.183.50 விலை குறைப்பு அமல்.. முழு விபரம்

LPG Cylinder Price Cut: ஜூலை 1 முதல் கேஸ் சிலிண்டர் விலையில் முக்கிய மாற்றம் அமலுக்கு வந்துள்ளது. ஆனால் இந்த சலுகை அனைவருக்கும் கிடைக்குமா என்பது பலரிடமும் கேள்வியாக உள்ளது. முழு விவரத்தை தெரிந்துகொள்ளுங்கள்.

Image Credit : Gemini AI

ஜூலை 1 முதல் புதிய விலை அமல்

ஒவ்வொரு மாத தொடக்கத்திலும் எரிபொருள் மற்றும் எல்பிஜி சிலிண்டர் விலை மாற்றங்களை பொதுமக்கள் ஆவலுடன் எதிர்பார்ப்பது வழக்கம். இந்த நிலையில், ஜூலை 1 முதல் மத்திய அரசு எடுத்துள்ள புதிய முடிவு பலரின் கவனத்தை ஈர்த்துள்ளது. சிலிண்டர் விலையில் ரூ.183.50 வரை குறைப்பு அறிவிக்கப்பட்டுள்ளது. இதனால் யாருக்கு நேரடி பலன் கிடைக்கும் என்ற கேள்வி தற்போது அதிகம் பேசப்படுகிறது.

Image Credit : X

எந்த சிலிண்டருக்கு விலை குறைப்பு?

அறிவிப்பின்படி, 19 கிலோ எடை கொண்ட கமர்ஷியல் எல்பிஜி சிலிண்டரின் விலை ரூ.183.50 குறைக்கப்பட்டுள்ளது. இதன் மூலம் டெல்லியில் ரூ.3,113.50 ஆக இருந்த விலை தற்போது ரூ.2,930 ஆக குறைந்துள்ளது. சென்னை உள்ளிட்ட பிற நகரங்களிலும் இதே அளவிலான குறைப்பு அமலுக்கு வந்துள்ளது. இதனால் ஹோட்டல்கள், உணவகங்கள், டீக்கடைகள் மற்றும் சிறு வணிக நிறுவனங்களின் செலவுச் சுமை ஓரளவு குறையும் என எதிர்பார்க்கப்படுகிறது.

Image Credit : Getty

வீட்டு எல்பிஜி சிலிண்டர் விலை மாறுமா?

பலரும் எதிர்பார்த்த 14.2 கிலோ வீட்டு எல்பிஜி சிலிண்டர் விலையில் இந்த மாதமும் எந்த மாற்றமும் செய்யப்படவில்லை. மார்ச் மற்றும் ஜூன் மாதங்களில் விலை உயர்த்தப்பட்ட நிலையில், தற்போது டெல்லியில் வீட்டு சிலிண்டர் ரூ.942-க்கும், சென்னையில் ரூ.957.50-க்கும் தொடர்கிறது. விலை உயர்வு இல்லாததே இந்த மாதத்தில் குடும்பங்களுக்கு கிடைத்த சிறிய நிம்மதியாக பார்க்கப்படுகிறது.

Image Credit : Getty

சென்னையில் இன்றைய எல்பிஜி விலை

ஜூலை 1 விலை திருத்தத்திற்குப் பிறகு, சென்னையில் 19 கிலோ கமர்ஷியல் எல்பிஜி சிலிண்டர் சுமார் ரூ.3,099.50 ஆக குறைந்துள்ளது. அதே நேரத்தில் 14.2 கிலோ வீட்டு எல்பிஜி சிலிண்டர் ரூ.957.50 என்ற விலையிலேயே விற்பனை செய்யப்படுகிறது. இந்த மாற்றம் வணிக நிறுவனங்களுக்கு நேரடி நன்மையை அளிக்கும் என சந்தை வட்டாரங்கள் தெரிவிக்கின்றன. கணக்குப்படி, ஜூன் மாத விலையில் ரூ.183.50 குறைவு அமலாகியுள்ளது.

Image Credit : Getty

யாருக்கு அதிக பலன்?

இந்த விலை குறைப்பால் வீட்டு எல்பிஜி பயன்படுத்துவோருக்கு உடனடி நன்மை இல்லை என்றாலும், கமர்ஷியல் சிலிண்டரை பயன்படுத்தும் உணவகங்கள் மற்றும் சிறு தொழில் நிறுவனங்களுக்கு செலவு குறையும் வாய்ப்பு உருவாகியுள்ளது. இதன் தாக்கம் உணவுப் பொருட்களின் விலையிலும் எதிர்காலத்தில் ஓரளவு பிரதிபலிக்கலாம் என்ற எதிர்பார்ப்பும் நிலவுகிறது. தற்போதைக்கு, வீட்டு சிலிண்டர் விலை நிலையாக தொடர்வதே பொதுமக்களுக்கு கிடைத்த முக்கிய நிம்மதியாக கருதப்படுகிறது.