- Home
- Business
- Aadhaar Biometric Lock: இந்தியர்கள் கவனத்திற்கு.. ஒரே நிமிடத்தில் ஆதார் பயோமெட்ரிக் லாக்.. மோசடியில் இருந்து தப்பிக்க!
Aadhaar Biometric Lock: இந்தியர்கள் கவனத்திற்கு.. ஒரே நிமிடத்தில் ஆதார் பயோமெட்ரிக் லாக்.. மோசடியில் இருந்து தப்பிக்க!
Aadhaar Biometric Lock: ஆதார் கார்டு இன்று வங்கி சேவைகள் முதல் அரசு நலத்திட்டங்கள் வரை பல முக்கிய பணிகளுக்கு அடிப்படை ஆவணமாக பயன்படுத்தப்படுகிறது. இந்த நிலையில் பயோமெட்ரிக் லாக் மற்றும் அன்லாக் வசதியை வழங்கியுள்ளது.
கைரேகை, கருவிழி திருட்டுக்கு குட்பை
இப்போது ஆதார் கார்டுதான் நாட்டின் மிக முக்கியமான அடையாள அட்டை. வங்கிச் சேவை, புதிய சிம் கார்டு, அரசுத் திட்டங்கள் எனப் பலவற்றுக்கும் இது பயன்படுகிறது. இந்தச் சூழலில், உங்கள் கைரேகை அல்லது கருவிழியை யாராவது தவறாகப் பயன்படுத்தினால், அது பெரிய சிக்கலை உருவாக்கும். இந்த ஆபத்தைக் குறைக்க, UIDAI புதிய ஆதார் செயலியில் ஒரு பயோமெட்ரிக் வசதியை அறிமுகப்படுத்தியுள்ளது. இதன் மூலம், பயனர்கள் தங்கள் ஆதார் பயோமெட்ரிக் டேட்டாவை லாக் மற்றும் அன்லாக் செய்ய முடியும்.
ஆதார் தவறாகப் பயன்படுத்தப்படுதல்
இனி யாரும் உங்கள் ஆதாரை தவறாகப் பயன்படுத்த முடியாது. ஆதார் பயோமெட்ரிக் லாக்/அன்லாக் வசதி, பயனர்களின் பயோமெட்ரிக் டேட்டாவுக்குப் பாதுகாப்பை வழங்குகிறது. தங்கள் ஆதாரின் பாதுகாப்பைப் பற்றி எச்சரிக்கையாக இருப்பவர்களுக்கு இந்த வசதி மிகவும் பயனுள்ளதாக இருக்கும். வங்கிச் சேவை, அரசுத் திட்டங்கள், அடையாள சரிபார்ப்பு அல்லது பிற சேவைகளுக்கு ஆதார் அட்டையைப் பயன்படுத்துபவர்கள், இந்த வசதியைப் பயன்படுத்தி தங்கள் தனிப்பட்ட தகவல்களைப் பாதுகாக்கலாம்.
ஆதார் பயோமெட்ரிக் லாக்
MeitY-ன் தகவல்படி, ஆதார் பயோமெட்ரிக் லாக்/அன்லாக் வசதியை இதுவரை 19.1 மில்லியன் மக்கள் பயன்படுத்தியுள்ளனர். பயோமெட்ரிக் லாக் வசதிக்கு பல நன்மைகள் உள்ளன. உங்கள் அனுமதியின்றி யாரும் உங்கள் கைரேகை அல்லது கருவிழியைப் பயன்படுத்த முடியாது என்பதுதான் மிகப்பெரிய நன்மை. இது மோசடி அபாயத்தைக் குறைத்து, உங்கள் பாதுகாப்பை உறுதி செய்கிறது.
ஒரு வந்தே பாரத் ரயில் செய்ய எத்தனை கோடி செலவாகும் தெரியுமா? கேட்டா ஷாக் ஆகிடுவீங்க.!
கைரேகை மற்றும் கருவிழி லாக்
யாராவது உங்கள் ஆதார் எண்ணை எடுத்தாலும், அதை எளிதாகப் பயன்படுத்த முடியாது. புதிய ஆதார் செயலியைப் பயன்படுத்தி உங்கள் கைரேகை மற்றும் கருவிழியை எப்படி லாக் செய்வது எனப் பார்க்கலாம். படி 1: உங்கள் போனில் புதிய ஆதார் செயலியைத் திறக்கவும். பிறகு உங்கள் ஆதார் மூலம் லாகின் செய்து, அடையாள சரிபார்ப்பை முடிக்கவும். படி 2: ஹோம் ஸ்கிரீனில், 'Biometric Lock' அல்லது 'Biometric Settings' ஆப்ஷனைத் தேர்ந்தெடுக்கவும். 'Fingerprint and Iris Lock'-ஐ தட்டி, விதிகளைப் பின்பற்றி உங்கள் அடையாளத்தைச் சரிபார்க்கவும். உறுதிசெய்த பிறகு, உங்கள் கைரேகை மற்றும் கருவிழி லாக் செய்யப்பட்டுவிடும்.
தேவைப்பட்டால் அன்லாக் செய்வது எப்படி?
உங்களுக்கு ஆதார் பயோமெட்ரிக்ஸ் தேவைப்பட்டால், ஆதார் செயலியைத் திறந்து 'Unlock Biometric' ஆப்ஷனைத் தேர்ந்தெடுக்கவும். உங்கள் அடையாளம் சரிபார்க்கப்பட்டதும், உங்கள் பயோமெட்ரிக்ஸ் அன்லாக் செய்யப்படும். இந்த வேலை முடிந்ததும், மீண்டும் உங்கள் பயோமெட்ரிக்கை லாக் செய்து கொள்ளலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
