- Home
- Business
- ரூ.50 லட்சம் காப்பீடு: 18 முதல் 65 வயது வரை; எல்.ஐ.சி ஆன்லைன் டேர்ம் இன்சூரன்ஸ் பிளான்!
ரூ.50 லட்சம் காப்பீடு: 18 முதல் 65 வயது வரை; எல்.ஐ.சி ஆன்லைன் டேர்ம் இன்சூரன்ஸ் பிளான்!
எல்.ஐ.சி நிறுவனம் தனது வாடிக்கையாளர்களின் குடும்பத்திற்கு நிதிப் பாதுகாப்பு அளிக்கும் வகையில் 'LIC நியூ டெக்-டேர்ம்' எனும் ஆன்லைன் ஆயுள் காப்பீட்டுத் திட்டத்தை வழங்கி வருகிறது.
எல்.ஐ.சி டேர்ம் இன்சூரன்ஸ் பிளான்
குடும்பத்திற்குப் பாதுகாப்பான நிதிப் பாதுகாப்பை வழங்க விரும்பும் நபர்களுக்காக எல்.ஐ.சி (LIC) நிறுவனம் 'நியூ டெக்-டேர்ம்' (New Tech-Term) இன்சூரன்ஸ் திட்டத்தை வழங்கி வருகிறது. இந்தத் திட்டம் குறித்த முழுமையான விவரங்கள் மற்றும் சலுகைகள் பற்றி பார்ப்போம்.
இந்தத் திட்டம் பங்குச்சந்தையுடன் தொடர்புடையது அல்ல; இதனால் பங்குச்சந்தையின் லாப நஷ்டங்கள் இதில் எந்த ஒரு தாக்கத்தையும் ஏற்படுத்தாது. அதே சமயத்தில், இதில் போனஸ் அல்லது முதிர்வுத் தொகையான ரிட்டன்கள் எதுவும் வழங்கப்படாது. இருப்பினும், பாலிசி காலத்தில் காப்பீடு செய்தவர் எதிர்பாராத விதமாக மரணமடையும் நேர்வில், அவரது வாரிசுதாரர்களுக்கு உறுதியளிக்கப்பட்ட காப்பீட்டுத் தொகை (Sum Assured) முழுமையாக வழங்கப்படும்.
தகுதிகள் & சிறப்பம்சங்கள்
வயது வரம்பு - குறைந்தபட்சம் 18 வயது முதல் அதிகபட்சம் 65 வயது வரை உள்ளவர்கள் இந்தத் திட்டத்தில் சேரலாம்.
பாலிசி காலம் - பாலிசி காலத்தை 10 ஆண்டுகள் முதல் 40 ஆண்டுகள் வரை தங்களின் விருப்பத்திற்கேற்பத் தேர்வு செய்து கொள்ளலாம்.
அதிகபட்ச வயது வரம்பு - பாலிசி எடுத்தவர்களுக்கு அதிகபட்சமாக 80 வயது வரை காப்பீட்டுப் பாதுகாப்பு கிடைக்கும்.
ஆன்லைன் முறை - இந்த எல்.ஐ.சி டெக்-டேர்ம் திட்டம் ஆன்லைன் மூலமாக மட்டுமே பெற முடியும். எல்.ஐ.சியின் அதிகாரப்பூர்வ இணையதளம் மூலம் மட்டுமே இதை விண்ணப்பிக்க முடியும். இது ஆன்லைன் திட்டம் என்பதால் இதற்குக் middlemen அல்லது ஏஜென்ட் கமிஷன் எதையும் செலுத்தத் தேவையில்லை.
சிறப்புத் தள்ளுபடியும் சலுகைகளும்
இந்தத் திட்டம் பெண்களுக்கும், புகைபிடிக்காத பழக்கம் இல்லாதவர்களுக்கும் பல்வேறு சிறப்பான தள்ளுபடிகளையும் சலுகைகளையும் வழங்குகிறது:
புகைபிடிக்காதவர்களுக்கான சலுகை - புகைபிடிக்காத நபர்களுக்கு முறையான மருத்துவப் பரிசோதனைகள் மேற்கொள்ளப்பட்டு, பாலிசி பிரிமியம் தொகையில் இருந்து 30% வரை தள்ளுபடி வழங்கப்படுகிறது.
பெண்களுக்கான சலுகை - பெண்களுக்கு ஆண்களை விடக் குறைவான பிரிமியம் தொகையில், அதே சமமான காப்பீட்டுத் தொகையை எல்.ஐ.சி வழங்குகிறது.
அதிகத் தொகைக்கான தள்ளுபடி - காப்பீட்டுத் தொகையை 50 லட்சத்திற்கும் மேல் உயர்த்தும் பட்சத்தில், உங்களுக்கான பிரிமியம் விகிதம் மேலும் குறையும். இந்தத் திட்டத்தின் கீழ் காப்பீட்டுத் தொகை குறைந்தபட்சம் 50 லட்சமாக இருக்க வேண்டும்.
விண்ணப்பிக்கத் தேவையான ஆவணங்கள்
அடையாளச் சான்று - பான் கார்டு (PAN Card), வாக்காளர் அடையாள அட்டை (Voter ID) போன்ற அடையாளச் சான்றிதழ்கள்.
முகவரிச் சான்று - மின்சாரக் கட்டண ரசீது போன்ற முகவரிச் சான்றுகள்.
வருமானச் சான்று - பாலிசி எடுப்பவர்களின் கடந்த 3 முதல் 6 மாத கால சம்பளச் சான்று (Salary Slip) அவசியம். சுயதொழில் செய்பவர்களாக இருப்பின் கடந்த 3 ஆண்டுகளுக்கான வருமான வரி கணக்கு ஆவணம் (ITR) சமர்ப்பிக்கப்பட வேண்டும்.
மருத்துவச் சான்று - உரிய மருத்துவப் பரிசோதனை அறிக்கையையும் சமர்ப்பிக்க வேண்டியது அவசியம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
