ஹால்மார்க் இல்லாத தங்க நகைகளை விற்கலாமா? மீறி விற்றால் சிறை தண்டனையா? விதிகள் என்ன சொல்கிறது?

தங்க நகைகள் வாங்கும் போது ஹால்மார்க் முத்திரை கட்டாயமாக்கப்பட்டுள்ளது. பழைய நகைகளை விற்பனை செய்ய BIS அங்கீகாரம் பெற்ற மையத்தில் ஹால்மார்க் செய்து கொள்ளலாம். ஹால்மார்க் இல்லாத நகைகளை விற்கலாமா? இதுதொடர்பான புதிய விதிமுறைகள் குறித்து தெரிந்து கொள்ள தொடர்ந்து படியுங்கள்.

Hallmarking Of Gold Jewellery

இந்திய அரசாங்கம் தங்க நகைகள் மற்றும் கலைப்பொருட்களின் விற்பனையை நிர்வகிக்கும் விதிமுறைகளை விரிவாக வெளியிட்டுள்ளது. அதன்படி அனைத்து தங்க நகைகள் மற்றும் கலைப்பொருட்கள் தனித்த அடையாளத்தையும் உறுதியளிக்கப்பட்ட தூய்மையையும் உறுதிப்படுத்தும் ஹால்மார்க் தனித்துவ அடையாள (HUID) எண்ணைக் கொண்டிருக்க வேண்டும்.  கூடுதலாக, இந்த Bureau of Indian Standards (BIS) லோகோ மற்றும் தூய்மை அடையாளத்தைக் காட்ட வேண்டும்.

Gold Rate

இந்த விதிகள் ஆனது தங்க நகைகள் மற்றும் கலைப்பொருட்களில் வெளிப்படைத்தன்மை, நம்பகத்தன்மை மற்றும் நுகர்வோர் நம்பிக்கையை மேம்படுத்துவதை நோக்கமாகக் கொண்டுள்ளது. புதிய தங்க நகைகள் வாங்குவது இப்போது வெளிப்படையானதாகவும் பாதுகாப்பாகவும் மாறிவிட்டது. இருப்பினும், நீங்கள் பழைய, ஹால்மார்க் இல்லாத தங்க நகைகளை வைத்திருந்தால், அதை முதலில் ஹால்மார்க் செய்யாமல் புதிய டிசைன்களுக்கு விற்கவோ மாற்றவோ முடியாது.

Hallmark

ஹால்மார்க் இல்லாத தங்க நகைகளைக் கொண்ட நுகர்வோர், அதை விற்பதற்கு அல்லது மாற்றுவதற்கு முன், அதை ஹால்மார்க் செய்திருக்க வேண்டும் என்று BIS கூறுகிறது. நுகர்வோருக்கு இரண்டு ஆப்ஷன்கள் உள்ளன. அவர்கள் தங்களுடைய ஹால்மார்க் இல்லாத நகைகளை BIS பதிவுசெய்யப்பட்ட நகைக்கடை விற்பனையாளரிடம் கொடுக்கலாம். அவர் ஒரு ஆர்டிகிளுக்கு ரூபாய் 45 என்ற பெயரளவு கட்டணத்துடன் அதை BIS மதிப்பீடு மற்றும் ஹால்மார்க்கிங் மையத்திற்கு எடுத்துச் செல்வார்.

BIS

மாற்றாக, நுகர்வோர் தங்களுடைய நகைகளை எந்த BIS-அங்கீகரிக்கப்பட்ட மதிப்பீடு மற்றும் ஹால்மார்க்கிங் மையத்திலும், நிர்ணயிக்கப்பட்ட பெயரளவிலான கட்டணத்தைச் செலுத்தி சோதனை செய்யலாம். இரண்டு ஆப்ஷன்களும் நகைகளின் தூய்மையின் சான்றிதழை உறுதி செய்கின்றன, மேலும் எந்த தங்க நகைக்கடைக்காரருக்கும் பழைய ஹால்மார்க் இல்லாத தங்க நகைகளை விற்பதற்கான ஆதாரமாக சோதனை அறிக்கை செயல்படுகிறது என்று கூறலாம்.

Hallmark Gold Jewels

பழைய/முந்தைய ஹால்மார்க் அடையாளங்களுடன் ஏற்கனவே ஹால்மார்க் செய்யப்பட்ட தங்க நகைகள் இன்னும் ஹால்மார்க் செய்யப்பட்டதாகவே கருதப்படுகின்றது. மேலும் HUID எண்ணுடன் மீண்டும் ஹால்மார்க் செய்யத் தேவையில்லை என்பதைக் கவனத்தில் கொள்ள வேண்டும். இத்தகைய ஹால்மார்க் செய்யப்பட்ட நகைகளை எளிதாக விற்கலாம் அல்லது புதிய டிசைன்களுக்கு மாற்றிக் கொள்ளலாம்.

HUID Number

40 லட்சம் வரை விற்றுமுதல் உள்ள நகைகள், 2 கிராமுக்கு குறைவான எடையுள்ள தங்கப் பொருட்கள், குறிப்பிட்ட வெளிநாட்டு வாங்குபவரின் தேவைகளைப் பூர்த்தி செய்யும் ஏற்றுமதிக்கு உட்பட்ட பொருட்கள், சர்வதேச மற்றும் அரசாங்கத்தால் அங்கீகரிக்கப்பட்ட கண்காட்சிகளுக்கான நகைகள் உட்பட, கட்டாய தங்க ஹால்மார்க்கிங் விதியிலிருந்து சில விதிவிலக்குகள் உள்ளன.

Gold

மருத்துவம், பல், கால்நடை, அறிவியல் அல்லது தொழில்துறை நோக்கங்களுக்கான ஆர்டிகிள் மற்றும் கூடுதலாக, சில சிறப்பு நகைகள் மற்றும் தங்க பொன் வடிவங்களுக்கும் விலக்கு அளிக்கப்பட்டுள்ளது. HUID உடன் தொடர்புடைய விளக்கத்துடன் நகைகள் பொருந்தவில்லை என்றால் புதிய தங்க ஹால்மார்க்கிங் விதிகள் நுகர்வோர் பாதுகாப்பை வழங்குகிறது.

HUID

BIS விதிகள், 2018 இன் விதி 49 இன் படி, விற்கப்பட்ட பொருளின் எடை மற்றும் சோதனைக் கட்டணங்களின் அடிப்படையில், தூய்மையில் உள்ள வேறுபாட்டின் இரு மடங்கு இழப்பீட்டைப் பெற நுகர்வோருக்கு உரிமை உண்டு.  BIS சட்டம், 2016 இன் பிரிவு 29 இன் கீழ், விலக்கு அளிக்கப்பட்ட வகைகளைத் தவிர்த்து, HUID இல்லாமல் தங்க நகைகளை விற்கும் நகைக்கடைக்காரர்களுக்கு நகை விலையை விட ஐந்து மடங்கு அல்லது ஓராண்டு சிறைத்தண்டனை அல்லது இரண்டும் உட்பட அபராதங்கள் காத்திருக்கின்றன.

Gold Jewellery

இந்தியா முழுவதும் ஜூன் 16, 2021 முதல் கட்டாய தங்க ஹால்மார்க்கிங் நடைமுறையின் படிப்படியாக செயல்படுத்தப்பட்டது. தங்க ஹால்மார்க்கிங் விதிமுறைகள் உலகம் முழுவதும் வேறுபடுகின்றன. துபாய், யுகே, ஹங்கேரி, ஸ்வீடன், பின்லாந்து மற்றும் ரஷ்யா போன்ற நாடுகளுக்கு ஒரு ஹால்மார்க் தேவைப்படுகிறது. இந்தியாவின் HUID அமைப்பு தங்க நகைகளில் உலகளாவிய தரத்தை கடைபிடிப்பதை நோக்கமாகக் கொண்டுள்ளது என்பது குறிப்பிடத்தக்கது.