- Home
- Business
- கடைசி நேர டென்ஷன் இனி இல்லை.. ரயில் டிக்கெட் போர்டிங் ஸ்டேஷனை மாற்றுவது எப்படி? இதோ எளிய வழி!
கடைசி நேர டென்ஷன் இனி இல்லை.. ரயில் டிக்கெட் போர்டிங் ஸ்டேஷனை மாற்றுவது எப்படி? இதோ எளிய வழி!
ரயில் டிக்கெட் முன்பதிவு செய்த பிறகு போர்டிங் ஸ்டேஷனை மாற்றுவது எப்படி? என்பது குறித்து இந்த செய்தியில் விரிவாக பார்க்கலாம்.
ரயில் டிக்கெட் போர்டிங் ஸ்டேஷனை எளிதாக மாற்றலாம்
இந்திய ரயில்வேயில் பயணம் செய்வது பலருக்கும் பிடித்தமான ஒன்று. முன்பதிவு செய்த பிறகு, திடீர் வேலை காரணமாக நாம் திட்டமிட்ட ரயில் நிலையத்திற்கு செல்ல முடியாமல் போகலாம். உதாரணமாக, எழும்பூரில் ரயில் ஏற வேண்டிய நீங்கள், கடைசி நேரத்தில் தாம்பரத்தில் தான் இருக்கிறீர்கள் என்றால் கவலைப்பட வேண்டாம். நீங்கள் ஏறும் இடத்தை ஆன்லைனிலேயே சுலபமாக மாற்றிக் கொள்ளலாம்.
போர்டிங் ஸ்டேஷனை மாற்றுவது எப்படி?
நீங்கள் IRCTC இணையதளம் அல்லது ஆப் மூலம் டிக்கெட் புக் செய்திருந்தால் கீழ்க்காணும் வழிகள் மூலம் போர்டிங் ஸ்டேஷன் மாற்றலாம்.
1. முதலில் irctc.co.in இணையதளத்திற்குச் சென்று உங்கள் யூசர் ஐடி மற்றும் பாஸ்வேர்ட் மூலம் உள்நுழையவும்.
2. மெனுவில் உள்ள 'My Account' பகுதிக்குச் சென்று, 'My Transactions' என்பதைத் தேர்ந்தெடுக்கவும்.
3. அங்கு 'Booked Ticket History' என்பதை கிளிக் செய்து, நீங்கள் மாற்ற விரும்பும் டிக்கெட்டைத் தேர்வு செய்யவும்.
4. டிக்கெட் விவரங்களுக்குக் கீழே உள்ள 'Change Boarding Point' என்ற ஆப்ஷனை கிளிக் செய்யவும்.
5. இப்போது உங்கள் பயணப் பாதையில் உள்ள பிற ரயில் நிலையங்களின் பட்டியல் திரையில் தோன்றும். நீங்கள் எந்த நிலையத்தில் ஏற விரும்புகிறீர்களோ, அதைத் தேர்ந்தெடுத்து 'OK' கொடுக்கவும்.
5. மாற்றம் செய்யப்பட்டவுடன், உங்கள் பதிவு செய்யப்பட்ட மொபைல் எண்ணிற்கு உறுதிப்படுத்தப்பட்ட குறுஞ்செய்தி (SMS) வரும்.
ஒருமுறை மட்டுமே மாற்ற முடியும்
நீங்கள் புக் செய்த ரயில் புறப்படுவதற்கு சார்ட் போடுவதற்கு முன்பு வரை போர்டிங் ஸ்டேஷனை மாற்றிக் கொள்ளலாம். இதற்கு முன்பு ரயில் புறப்படுவதற்கு 24 நேரத்துக்கு முன்பு வரை மட்டுமே போர்டிங் ஸ்டேஷனை மாற்றும் வசதி இருந்தது குறிப்பிடத்தக்கது.
போர்டிங் ஸ்டேஷனை ஒருமுறை மட்டுமே மாற்ற முடியும். நீங்கள் போர்டிங் பாயிண்டை ஒரு முறை மாற்றினால், மீண்டும் பழைய ஸ்டேஷனில் ஏற முடியாது. நீங்கள் போர்டிங் பாயிண்டை மாற்றிவிட்டால், பழைய ஸ்டேஷனில் இருந்து பயணம் செய்ய உங்களுக்கு உரிமை இருக்காது என்பது குறிப்பிடத்தக்கது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
