Gold Price: புதிய உச்சம்.. 4 மணிநேரத்தில் மீண்டும் எகிறிய தங்கம்! சவரனுக்கு ரூ.4,120ஐ அதிகரிப்பு! விலை உயர்வுக்கு என்ன காரணம்?

2026-ல் தங்கம் மற்றும் வெள்ளி விலை தொடர்ந்து உயர்ந்து வரலாறு காணாத புதிய உச்சத்தை எட்டியுள்ளது. ஒரே நாளில் சவரனுக்கு ரூ.4,120 வரை உயர்ந்து, ஒரு சவரன் ரூ.1,15,320-க்கு விற்பனை செய்யப்படுவதால் பொதுமக்கள் அதிர்ச்சியில் உள்ளனர். 

Image Credit : tanishq.co.in

கடந்த 2025ம் ஆண்டு தங்கம் தொடர்ந்து உயர்ந்து வந்த நிலையில் 2026 புதிய ஆண்டிலாவது தங்கம் விலை குறையும் எதிர்பார்க்கப்பட்ட மக்களுக்கு ஏமாற்றமே மிஞ்சியுள்ளது. அதாவது தங்கம் விலை கடந்த சில நாட்களாகவே கிடுகிடுவென உயர்ந்து வரலாறு காணாத வகையில் புதிய உச்சத்தை எட்டியுள்ளது. அதுவும் கடந்த இரண்டு நாட்களாக சவரனுக்கு 3000 முதல் 4000 வரை உயர்ந்து வருகிறது. தங்கம் விலை போற போக்கை பார்த்தால் இனி வரும் நாட்களில் தங்கம், வெள்ளி வாங்க முடியாத சூழல் ஏற்பட்டு விடுமோ என்ற அச்சத்தில் பொதுமக்கள் இருந்து வருகின்றனர்.

Image Credit : Pixabay

இதனால் தங்கம் வாங்க திட்டமிட்டிருந்த பலரும் ஏமாற்றம் அடைந்துள்ளனர். தங்கம் மட்டும் இல்லாமல் வெள்ளியின் விலையும் புதிய உச்சத்தை எட்டியுள்ளது. தங்கம் விலையை பொறுத்தவரையில், நேற்று முன்தினம் ஒரு கிராம் ரூ.13,450-க்கும், ஒரு சவரன் ரூ.107,600 விற்பனை செய்யப்பட்டது. நேற்று காலை கிராமுக்கு ரூ.160-ம், சவரனுக்கு ரூ.1,280-ம் உயர்ந்தது. பிற்பகலில் மேலும் கிராமுக்கு ரூ.290-ம், சவரனுக்கு ரூ.2,320-ம் அதிகரித்தது. நேற்று ஒரே நாளில் மட்டும் தங்கம் கிராமுக்கு ரூ.450ம், சவரனுக்கு ரூ.3,600 உயர்ந்து பேரதிர்ச்சியை கொடுத்தது. கடந்த ஒரு வாரத்தில் மட்டும் தங்கம் விலை கிராமுக்கு ரூ.730-ம், சவரனுக்கு ரூ.5,840-ம் அதிகரித்தது.

Image Credit : Asianet News

இந்நிலையில் இன்று காலையில் தங்கம் விலை கிடுகிடுவென உயர்ந்தது. அதாவது தங்கம் கிராமிற்கு ரூ.350 உயர்ந்து ரூ.14,250க்கும், சவரன் ரூ.2800 உயர்ந்து ரூ.1,14,000ஆக விற்பனை செய்யப்பட்ட நிலையில் மீண்டும் அதாவது ஒரே நாளில் இரண்டாவது முறையாக உயர்ந்துள்ளது. சென்னையில் ஒரு கிராம் தங்கம் ரூ.165 அதிகரித்து ஒரு கிராம் ரூ. 14,415க்கும், சவரனுக்கு ரூ.1,320 உயர்ந்து ஒரு சவரன் ரூ. 115,320க்கும் விற்பனை செய்யப்படுகிறது. காலை, மாலை என இரண்டு வேளையும் சேர்த்து ஒரே நாளில் ரூ.4,120 உயர்ந்தது குறிப்பிடத்தக்கது.

Image Credit : Getty

வெள்ளி விலையும் காலையில் எந்த மாற்றமும் இல்லாத நிலையில் தற்போது அதிரடியாக உயர்ந்துள்ளது. கிராமுக்கு ரூ.5 உயர்ந்து ஒரு கிராம் ரூ.345க்கும், கிலோவுக்கு ரூ.5,000 உயர்ந்து ஒரு கிலோ ரூ.3,45,000க்கும் விற்பனை செய்யப்படுகிறது. தங்கம் விலை உயர்வுக்கு சர்வதேச நாடுகளில் நிலவும் அரசியல் பதற்றம் காரணமாக விலை கடுமையாக அதிகரித்து வருகிறது. அதாவது அமெரிக்க அதிபர் டிரம்ப் க்ரீன்லாந்து நாட்டின் மீது புதிய வரி விதித்திருப்பதே இதற்கு முக்கிய காரணம் என கூறப்படுகிறது.