Gold Rate Today (November 27): தங்கம் விலை சரிவு! எப்போது வாங்கலாம்? நிபுணர்கள் கூறும் ரகசியம்

சென்னையில் 3 நாட்களுக்குப் பிறகு தங்கம் விலை குறைந்துள்ளது, ஆனால் வெள்ளி விலை உயர்ந்துள்ளது. சர்வதேச முதலீட்டாளர்கள் பங்குச்சந்தைக்குத் திரும்புவதே இதற்குக் காரணம் என வியாபாரிகள் கூறுகின்றனர். 

Image Credit : stockPhoto

தங்கம் விலை எப்போ குறையும் தெரியுமா?

கடந்த 3 நாட்களாக அதிகரித்து வந்த தங்கம் விலையில் இன்று சரிவு காணப்படுகிறது. இருந்த போதிலும் வெள்ளி விலை உயர்ந்துள்ளது. சர்வதேச நிலவரங்களில் பெரிய பொருளாதார மாற்றம் ஏற்பட்டால் மட்டுமே தங்கம் விலை மேலும் சரிவுடையும் என்று தங்க நகை வியாபாரிகள் சங்கம் தெரிவித்துள்ளது.

Image Credit : Getty/freepik AI

தங்கம் விலை சரிவு, வெள்ளி விலை உயர்வு

சென்னையில் ஆபரணத்தங்கத்தின் விலை கிராமுக்கு 30 ரூபாய் குறைந்து ரூ.11770க்கு விற்பனை செய்யப்படுகிறது. ஒரு சவரன் ஆபரணத்தங்கம் 240 ரூபாய் குறைந்து 94,160 ரூபாயாக உள்ளது. அமெரிக்கா, ஐரோப்பா மற்றும் சீனாவை சேர்ந்த சர்வதேச முதலீட்டாளர்கள் பங்குச்சந்தையில் முதலீடு செய்ய தொடங்கியதே இதற்கு காரணமாக தங்க நகை விற்பனையாளர்கள் தெரிவித்துள்ளனர். 

அதேபோல் வெள்ளியின் விலை கிராம் 180 ரூபாய்க்கு விற்பனையாகிறது. இது நேற்றைய விலையை விட 4 ரூபாய் அதிகமாகும். ஒரு கிலோ வெள்ளி ஒரு லட்சத்து 80 ஆயிரம் ரூபாய்க்கு விற்பனை செய்யப்படுகிறது.

மார்கழி மாதம் தேவை குறையும் என்பதால் அப்போது விலை குறையும் என்றும், அதுவரை காத்திருந்து தங்கத்தை வாங்கலாம் எனவும் முதலீட்டாளர்களுக்கு தங்க நகை வியாபாரிகள் சங்கம் அறிவுரை வழங்கியுள்ளது. வெள்ளியும் பாதுகாப்பான முதலீடு என்பதால் வெள்ளியையும் வாங்கி பயன் அடையளாம் என தங்கம் மற்றும் வைர நகை வியாபாரிகள் தெரிவித்துள்ளனர்.