Gold Rate Today (November 24): நிம்மதி தந்த தங்கம் விலை.! நகை கடைக்கு ஓடிய பெண்கள்.!
வாரத்தின் முதல் வர்த்தக நாளிலேயே தங்கம் மற்றும் வெள்ளி விலை குறைந்துள்ளது. சென்னையில் ஒரு கிராம் ஆபரணத் தங்கம் ₹110 குறைந்துள்ள நிலையில், சர்வதேச முதலீட்டாளர்கள் பங்குச்சந்தையில் முதலீடு செய்வதே இதற்குக் காரணம் என கூறப்படுகிறது.
ஓடுங்க ஓடுங்க நகை கடைக்கு ஓடுங்க
வாரத்தின் முதல் வர்த்க நாளிலேயே தங்கம் விலை குறைந்து இல்லத்தரசிகளை இன்ப அதிர்ச்சி கொடுத்துள்ளது. ஆபரண தங்கம் விலை ஏறிய வேக்தில் குறைந்துள்ளதால் திருமண ஏற்பாடு செய்துள்ளவர்கள் மகிழ்ச்சியுடன் நகை கடைகளில் குவிந்து வருகின்றனர். அதேபோல் வெள்ளி விலையும் குறைந்துள்ளதால் முதலீட்டாளர்களுக்கு 2 லட்டுக்கள்தான்.!
இன்றைய விலை நிலவரம்
சென்னையில் ஆபரணத்தங்கத்தின் விலை கிராமுக்கு 110 ரூபாய் குறைந்து ரூ.11520க்கு விற்பனை செய்யப்படுகிறது. ஒரு சவரன் ஆபரணத்தங்கம் 880 ரூபாய் குறைந்து 92,160 ரூபாயாக உள்ளது. அமெரிக்கா, ஐரோப்பாவை சேர்ந்த சர்வதேச முதலீட்டாளர்கள் பங்குச்சந்தையில் முதலீடு செய்ய தொடங்கியதே இதற்கு காரணமாக தங்க நகை விற்பனையாளர்கள் தெரிவித்துள்ளனர். அதேபோல் வெள்ளியின் விலை கிராம் 171 ரூபாய்க்கு விற்பனையாகிறது. இது நேற்றைய விலையை விட 1 ரூபாய் குறைவாகும். ஒரு கிலோ வெள்ளி ஒரு லட்சத்து 71 ஆயிரம் ரூபாய்க்கு விற்பனை செய்யப்படுகிறது.
இந்திய பெண்களை கடுப்பேற்றும் அமெரிக்கா
அமெரிக்கவின் வரி விதிப்பு, சர்வதேச பொருளாதார நிலவரங்கள் ஆகியவை முதலீட்டாளர்களை பங்குச்சந்தையில் முதலீடு செய்யும் ஆர்வத்தை தூண்டியதால் அவர்கள் உலோகங்களை தவிர்த்து சந்தையில் முதலீடுகளை அதிகரித்து வருகின்றனர். இது வரும் வாரத்திலும தொடரும் என்பதால் தங்கம் விலை மேலும் சரியும் என தங்க நகை வியாபாரிகள் சங்கம் தெரிவித்துள்ளது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
