Gold Rate Today (August 14): நகை கடைக்கு போறீங்களா.?! இதுதான் இன்றைய விலை.!
சென்னையில் ஆபரணத் தங்கத்தின் விலை மூன்று நாட்களாகக் குறைந்து வந்த நிலையில், இன்றும் விலை மாற்றமில்லாமல் நேற்றைய விலையிலேயே நீடிக்கிறது. வெள்ளி விலை சற்று அதிகரித்துள்ளது.
தங்கம் விலையில் ஏற்றம் இல்லை
சென்னையில் ஆபரணத்தங்கத்தின் விலையில் மாற்றம் காணப்படவில்லை. மூன்று நாட்களாக தங்கம் விலை குறைந்து வந்த நிலையில், இன்றும் தங்கம் விலை உயராமல் நேற்றைய விலையிலேயே நீடிப்பது முதலீட்டாளர்களுக்கு இன்ப அதிர்ச்சி கொடுத்துள்ளது. இதனால் திருமண ஏற்பாடு செய்துள்ளவர்களும் மகிழ்ச்சியுடன் நகை கடைக்கு சென்று வருகின்றனர். இருந்த போதிலும் வெள்ளி விலை அதிகரித்துள்ளது.
இன்றைய விலை நிலவரம்.!
சென்னையில் ஆபரணத்தங்கத்தின் விலை மாற்றம் இல்லாமல் 1 கிராம் ரூ,9290க்கு விற்பனை செய்யப்படுகிறது. ஒரு சவரன் ஆபரணத்தங்கம் 74,320 ரூபாயாக உள்ளது. சர்வதேச முதலீட்டாளர்கள் பங்கச்சந்தையில் முதலீடு செய்ய தொடங்கியதே இதற்கு காரணமாக தங்க நகை விற்பனையாளர்கள் தெரிவித்துள்ளனர். இருந்த போதிலு்ம வெள்ளியின் விலை கிராம் 127 ரூபாய்க்கு விற்பனையாகிறது. இது நேற்றைய விலையை விட ரூ.1 அதிகமாகும். ஒரு கிலோ வெள்ளி ஒரு லட்சத்து 27 ஆயிரம் ரூபாய்க்கு விற்பனை செய்யப்படுகிறது.
காரணம் தெரிஞ்சுக்கோங்க.!
அமெரிக்கவின் வரி விதிப்பு, சர்வதேச பொருளாதார நிலவரங்கள் ஆகியவை முதலீட்டாளர்களை பங்குச்சந்தையில் முதலீடு செய்யும் ஆர்வத்தை தூண்டியதால் அவர்கள் உலோகங்களை தவிர்த்து சந்தையில் முதலீடுகளை அதிகரித்து வருகின்றனர். இது வரும் வாரத்திலும தொடரும் என்பதால் தங்கம் விலை மேலும் சரியும் என தங்க நகை வியாபாரிகள் சங்கம் தெரிவித்துள்ளது.