Gold Rate Today (August 13): மூன்றாவது நாளாக தங்கம் விலை சரிவு.! நகை கடைக்கு படையெடுத்த இல்லத்தரசிகள்.!

சென்னையில் ஆபரணத் தங்கத்தின் விலை தொடர்ந்து மூன்றாவது நாளாகக் குறைந்து, கிராமுக்கு ரூ.9290 ஆகவும், சவரனுக்கு ரூ.74,320 ஆகவும் விற்பனையாகிறது. சர்வதேச முதலீட்டாளர்கள் பங்குச்சந்தையில் முதலீடு செய்வதால் தங்கத்தின் விலை குறைந்துள்ளதாக கூறப்படுகிறது.

Image Credit : AI Meta

தங்கத்தை காதலிக்கா பெண்களா இல்லை.!

சென்னையில் ஆபரணத்தங்கத்தின் விலை மூன்றாவது நாளாக குறைந்து முதலீட்டாளர்களுக்கு இன்ப அதிர்ச்சி கொடுத்துள்ளது. ஆபரண தங்கம் விலை குறைந்துள்ளதால் திருமண ஏற்பாடு செய்துள்ளவர்களும் மகிழ்ச்சியுடன் நகை கடைக்கு சென்று வருகின்றனர். இருந்த போதிலும் வெள்ளி விலையில் மாற்றம் காணப்படவில்லை.

Image Credit : AI Meta

தொடர்ந்து சரிவில் தங்கம்

சென்னையில் ஆபரணத்தங்கத்தின் விலை கிராமுக்கு 5 ரூபாய் குறைந்து ரூ,9290க்கு விற்பனை செய்யப்படுகிறது. ஒரு சவரன் ஆபரணத்தங்கம் 40 ரூபாய் குறைந்து 74,320 ரூபாயாக உள்ளது. சர்வதேச முதலீட்டாளர்கள் பங்கச்சந்தையில் முதலீடு செய்ய தொடங்கியதே இதற்கு காரணமாக தங்க நகை விற்பனையாளர்கள் தெரிவித்துள்ளனர். அதேபோல் வெள்ளியின் விலை கிராம் 126 ரூபாய்க்கு விற்பனையாகிறது. ஒரு கிலோ வெள்ளி ஒரு லட்சத்து 26 ஆயிரம் ரூபாய்க்கு விற்பனை செய்யப்படுகிறது.

Image Credit : AI Meta

நாளைக்கு தங்கம் விலை குறையுமா.?!

அமெரிக்கவின் வரி விதிப்பு, சர்வதேச பொருளாதார நிலவரங்கள் ஆகியவை முதலீட்டாளர்களை பங்குச்சந்தையில் முதலீடு செய்யும் ஆர்வத்தை தூண்டியதால் அவர்கள் உலோகங்களை தவிர்த்து சந்தையில் முதலீடுகளை அதிகரித்து வருகின்றனர். இது வரும் வாரத்திலும தொடரும் என்பதால் தங்கம் விலை மேலும் சரியும் என தங்க நகை வியாபாரிகள் சங்கம் தெரிவித்துள்ளது.