ஜெட் வேகத்தில் மீண்டும் உயர்ந்த தங்கம் விலை.! 64 ஆயிரத்தை கடந்த ஒரு சவரன்- நகைப்பிரியர்கள் ஷாக்

தங்கத்தின் விலை தொடர்ந்து அதிகரித்து வருகிறது. பங்குச்சந்தை வீழ்ச்சி, சர்வதேச வர்த்தக சூழல் போன்ற காரணங்களால் தங்கம் விலை உயர்ந்து வருவதாக கூறப்படுகிறது. விரைவில் சவரன் 80,000 ரூபாயை எட்டும் என பொருளாதார வல்லுநர்கள் கணித்துள்ளனர்.

ஜெட் வேகத்தில் மீண்டும் உயர்ந்த தங்கம் விலை.! 64 ஆயிரத்தை கடந்த ஒரு சவரன்

தங்கத்தின் மீதான ஈர்ப்பு இந்திய மக்களிடம் அதிகமான அளவு உள்ளது. இதன் காரணமாகவே மற்ற நாடுகளை விட இந்திய மக்கள் அதிகளவு தங்கத்தில் முதலீடு செய்கிறார்கள். திருமண நிகழ்வுகள், விஷேச நாட்களில் தங்களின் மதிப்பை காட்டுவதற்காகவே தங்க நகைகளை அணிவார்கள். மேலும் தங்களின் பெண் குழுந்தைகளின் திருமணம் உள்ளிட்ட எதிர்கால சேமிப்பிற்காகவும் தங்கத்தை வாங்குகிறார்கள்.

ராக்கெட் வேகத்தில் தங்கம் விலை

2025ஆம் ஆண்டு ஜனவரி தொடங்கியதில் இருந்தே தங்கம் விலை ராக்கெட் வேகத்தில் தினம் தினம் புதிய உச்சம் தொட்டு வந்த நிலையில், கடந்த ஒரு வாரமாக ஏற்ற இறக்கத்துடன் காணப்படுகிறது. அதன் படி சவரனுக்கு 1100 ரூபாய் உயர்ந்தால் 800 ரூபாய் குறைவதும், 800 ரூபாய் உயர்ந்தால் 400 ரூபாய் குறைவதுமாக தங்கம் விலை உள்ளது  அதன் படி இந்த தாண்டு தொடங்கியதில் இருந்து 62ஆயிரம் ரூபாயில் இருந்து 64ஆயிரம் என ஒரு சவரன் தங்கம் விலை அதிகரித்துள்ளது. 

தங்கம் விலை உயர்வுக்கு காரணம் என்ன.?

தங்கம் விலையை உயர்வதற்கு பல்வேறு காரணங்கள் கூறப்படுகிறது. குறிப்பாக இந்திய பங்குச்சந்தை கடந்த சில மாதங்களாக வீழ்ச்சியை சந்தித்து வரும் நிலையில், அதன் பாதிப்பு தங்கம் விலையிலும் தாக்கத்தை ஏற்படுத்துவதாகவும்.  அமெரிக்க அதிபர் டிரம்பின் நடவடிக்கையால் சர்வதேச அளவில் வர்த்தக சூழல் போன்றவை தங்கம் விலையை நிர்ணையிப்பதில் முக்கிய பங்கு வகிப்பதாக தெரிவிக்கின்றனர். இந்த நிலையில் தங்கத்தின் விலையானது வரும் நாட்களில் ஒரு சவரன் 80ஆயிரம் ரூபாயை எளிதாக எட்டிவிடும் என பொருளாதார வல்லுநர்கள் கூறுகின்றனர்.

ஏறி இறங்கும் தங்கம் விலை

இந்த நிலையில் இந்த வாரத்தின் முதல் நாளான திங்கட்கிழமை  (பிப்.17ஆம் தேதி) தங்கத்தின் விலை மீண்டும் அதிரடியாக உயர்ந்தது. தங்கத்தின் விலை சவரனுக்கு ரூ.400 உயர்ந்து ரூ.63,520க்கும், கிராமுக்கு ரூ.50 உயர்ந்து ரூ.7,940க்கும் விற்பனை செய்யப்பட்டது. இந்த நிலையில் நேற்று தங்கம் விலை கிராமுக்கு 30 ரூபாய் உயர்ந்து 7,970 ரூபாய்க்கும், சவரனுக்கு 240 ரூபாய் அதிகரித்து 63,760 ரூபாய்க்கு விற்பனை செய்யப்பட்டது.  

இன்றைய தங்கம்விலை

இன்று தங்கத்தின் விலையானது மீண்டும் உயர்ந்துள்ளது. கிராமுக்கு 65 ரூபாய் உயர்ந்து 8ஆயிரத்து 35 ரூபாய்க்கும், சவரனுக்கு 520 ரூபாய் உயர்ந்து 64240 ரூபாய்க்கும் விற்பனை செய்யப்படுகிறது.