Gold Price Today Sep 16: காலையிலேயே மயக்கம் போட வைத்த தங்கம் விலை.! தங்கம் விலை மீண்டும் உச்சம்.!

தங்கம் விலை கிராமுக்கு ரூ.70 உயர்ந்து ரூ.10,280 ஆகவும் சவரனுக்கு ரூ.560 உயர்ந்து ரூ.82,240 ஆகவும் விற்பனை செய்யப்படுகிறது. வெள்ளி விலையும் கிராமுக்கு ரூ.1 உயர்ந்து ரூ.144 ஆக உள்ளது. திருமண சீசனில் இந்த விலை உயர்வு நுகர்வோருக்கு சிரமத்தை ஏற்படுத்தும்.

Image Credit : Pexels

தங்கம் விலை நிலவரம்.!

கடந்த சில வாரங்களாக தங்கத்தின் விலை ஏற்றத் தாழ்வுகளை சந்தித்த நிலையில், இன்றைய உயர்வு நகை சந்தையில் புதிய அச்சத்தை உருவாக்கியுள்ளது. திருமண விழாக்கள் மற்றும் நகை வாங்கும் சீசன் காரணமாக வாடிக்கையாளர்கள் அதிகம் வருகை தரும் இந்நேரத்தில் தங்க விலை உயர்வது, பொதுமக்களுக்கு சற்று சிரமத்தை ஏற்படுத்தக்கூடும் என்று வியாபாரிகள் தெரிவித்துள்ளனர்.

சென்னையில் ஆபணரத்தங்கம் விலை கிராமுக்கு 70 ரூபாய் உயர்ந்து 10 ஆயிரத்து 280 ரூபாயாக உள்ளது. சவரனுக்கு 560 ரூபாய் உயர்ந்து 82,240 ரூபாய்க்கு விற்பனை செய்யப்படுகிறது. அதேபோல் வெள்ளி விலை கிராமுக்கு 1 ரூபாய் அதிகரித்து 144 ரூபாயாக உள்ளது. 1 கிலோ பார்வெள்ளி ஒரு லட்சத்து 44 ஆயிரம் ரூபாயாக உள்ளது. வெள்ளி விலையில் ஏற்பட்ட இந்த உயர்வு பெரும்பாலும் தொழில்துறை தேவை மற்றும் சர்வதேச சந்தை மாற்றங்களின் தாக்கமாக கருதப்படுகிறது. தங்கம் போலவே வெள்ளியும் முதலீட்டில் முக்கிய பங்கு வகிப்பதால், முதலீட்டாளர்கள் இந்த விலை உயர்வை கவனத்துடன் நோக்கி வருகின்றனர்.

Image Credit : Social Media

சர்வதேச காரணங்கள் இதுதான்.!

சர்வதேச சந்தையில் அமெரிக்க டாலர் மதிப்பில் ஏற்படும் மாற்றங்கள், உலகளாவிய அரசியல் மற்றும் பொருளாதார சூழ்நிலை ஆகியவை தங்கம், வெள்ளி விலைகளில் பெரும் தாக்கத்தை ஏற்படுத்துகின்றன. குறிப்பாக, பங்குச் சந்தை நிலைமை மற்றும் சர்வதேச முதலீட்டு ஓட்டங்கள் மாறும் போது, தங்கம் மற்றும் வெள்ளி விலை உடனடியாக மாற்றம் அடைவது இயல்பானது. இந்தியாவில், குறிப்பாக தமிழ்நாட்டில் திருமண காலங்களில் தங்கம் வாங்கும் அளவு அதிகமாக இருப்பதால், விலை உயர்வு குடும்பங்களின் பொருளாதாரத்திற்கு கூடுதல் சுமையாக இருக்கும்.

இந்நிலையில், பலர் தங்கத்தில் முதலீடு செய்வதற்கு முன்பு விலை குறையும் நேரத்தைக் காத்திருப்பதே நல்லது என நிபுணர்கள் கூறுகின்றனர். அதேசமயம், வெள்ளி விலை சற்றே குறைவானதால் சிறிய அளவில் முதலீடு செய்வதற்கான வாய்ப்பு இருப்பதாகவும் கருதப்படுகிறது. மொத்தத்தில், சென்னையில் இன்று தங்கம் மற்றும் வெள்ளி விலை உயர்வு நகை சந்தை மற்றும் பொதுமக்களின் பொருளாதாரத்தில் தாக்கத்தை ஏற்படுத்தியுள்ளது.