ஆண்டுக்கு ஒரே பாஸ்டேக் பாஸ்.. 1 வருடம் அல்லது 200 பயணங்கள்.. பெறுவது எப்படி? முழு விபரம்

மத்திய சாலை போக்குவரத்து அமைச்சகம் 2024 ஆகஸ்ட் 15 அன்று புதிய பாஸ்டேக் வருடாந்திர பாஸை அறிமுகப்படுத்தியுள்ளது. இந்த பாஸை ராஜ்மார்க் யாத்ரா ஆப் அல்லது NHAI இணையதளம் மூலம் ஆன்லைனில் எளிதாகப் பெறலாம்.

Image Credit : Google

பாஸ்டேக் வருடாந்திர பாஸ்

இந்திய சுதந்திர தினமான 2024 ஆகஸ்ட் 15 அன்று, மத்திய சாலை போக்குவரத்து அமைச்சகம் புதிய பாஸ்டேக் வருடாந்திர பாஸ் (FASTag Annual Pass)-ஐ அறிமுகப்படுத்தியது. தேசிய நெடுஞ்சாலைகள் மற்றும் NHAI எக்ஸ்பிரஸ்வேக்களில் பயணம் செய்யும் தனியார் வாகன உரிமையாளர்கள் ஒவ்வொரு தடவையும் டோல் கட்ட வேண்டும் அவசியமில்லை என்பதற்காக இந்த பாஸ் உருவாக்கப்பட்டது. இது நாட்டின் எங்கு சென்றாலும் வேகமான, சிக்கலற்ற பயணம் செய்ய உதவுகிறது.

Image Credit : Google

200 பயணங்கள் அல்லது 1 வருடம்

FASTag ஆண்டு பாஸ் ரூ.3,000 என்ற குறைந்த விலையில் கிடைக்கிறது. இந்த பாஸ் அதிகபட்சம் 200 பயணங்களுக்கு அல்லது 1 ஆண்டிற்கு செல்லும். எது முதலில் முடிவடைகிறதோ அதன் வரை செல்லுபடியாகும். தொடர்ந்து டோல் கட்டணத்தை செலுத்தும் சிரமத்தை தவிர்க்க, அடிக்கடி நீண்ட தூரம் பயணிக்கும் கார், ஜீப், வேன் போன்ற தனியார் வாகன ஓட்டுநர்களுக்கு இது மிகவும் அதிகம் பயனுள்ளதாக இருக்கும். அமைச்சகத்தின் விதிப்படி, இந்த ஆண்டு பாஸ் வணிக வாகனங்களுக்கு கிடைக்காது.

Image Credit : Google

பாஸ்டேக் ஆண்டு பாஸ் எங்கிருந்து பெறலாம்?

இந்த ஆண்டு பாஸைப் பெறுவது மிகவும் எளிது. ராஜ்மார்க் யாத்ரா ஆப், NHAI அதிகாரப்பூர்வ இணையதளம், சாலை போக்குவரத்து அமைச்சகத்தின் இணையதளம் (MoRTH) ஆகிய தளங்களில் பாஸை வாங்கவும், செயல்படுத்தவும், புதுப்பிக்கவும் முடியும். மொத்த செயல்முறையும் ஆன்லைனில் இருப்பதால், எந்த ஆவணங்களையும் நேரில் சமர்ப்பிக்க வேண்டிய அவசியமில்லை.

Image Credit : Google

நெடுஞ்சாலை பயண பாஸ்

பாஸ்டேக் ஆண்டு பாஸை அறிவிக்கும் போது, ​​மத்திய அமைச்சர் நிதின் கட்கரி, “இந்த பாஸ், தனியார் வாகனம் ஓட்டுநர்களுக்கு நாடு முழுவதும் ஸ்மூத், குளறுபடிகளற்ற பயணம் தரும்” என்று கூறினார். நீண்ட தூரம் பயணிக்கும் குடும்பங்கள், அலுவலகப் பயணம் செய்பவர்களுக்கு டோல் பூட்டில் நின்று நேரத்தை வீணாக்காமல் பயணம் செய்வது முக்கியம் தீர்வாக இது அமைந்துள்ளது.