Copper: தங்கம், வெள்ளி பழைய கதை.! எகிறும் தாமிரம் விலை.! நீங்களும் கோடீஸ்வரராக இதோ ஒரு சூப்பர் சான்ஸ்!

2026-ல் தங்கம், வெள்ளியை விட தாமிர முதலீடு அதிக லாபம் தரும் என நிபுணர்கள் கணித்துள்ளனர். மின்சார வாகனங்கள் மற்றும் பசுமை ஆற்றல் துறைகளின் வளர்ச்சியால் தாமிரத்தின் தேவை அதிகரித்து, அதன் விலை புதிய உச்சங்களைத் தொடும் என எதிர்பார்க்கப்படுகிறது. 

Image Credit : Gemini

அள்ளிக்கொடுக்குமா சிவப்பு தங்கம்.!

தங்கம் மற்றும் வெள்ளி மீதான மோகம் இந்தியர்களிடம் எப்போதும் அதிகம். ஆனால், 2026-ம் ஆண்டின் முதலீட்டுச் சந்தையை உற்று நோக்கினால், தங்கம் மற்றும் வெள்ளியை விட தாமிரம்' அசுர வேகத்தில் வளர்ந்து வருவதைக் காண முடிகிறது. நிபுணர்கள் இப்போது தாமிரத்தை புதிய தங்கம் அல்லது சிவப்புத் தங்கம் என்றே அழைக்கத் தொடங்கிவிட்டனர்.

Image Credit : Gemini

தங்கம், வெள்ளியைத் தாமிரம் ஓரங்கட்டுவது ஏன்?

தங்கம் ஒரு பாதுகாப்பான முதலீடாக இருந்தாலும், தாமிரம் என்பது இன்றைய நவீன உலகிற்குத் தேவையான தொழில்துறை உலோகம். மின்சார வாகனங்கள், டேட்டா சென்டர்கள், மற்றும் சூரிய ஒளி மின்சாரம் போன்ற வளர்ந்து வரும் துறைகளில் தாமிரத்தின் பயன்பாடு தவிர்க்க முடியாதது. உதாரணமாக, ஒரு சாதாரண காரை விட மின்சாரக் காரில் சுமார் 4 முதல் 5 மடங்கு அதிக தாமிரம் தேவைப்படுகிறது. இந்தத் தேவை அதிகரிப்பால், 2026-ல் தாமிரத்தின் விலை புதிய உச்சங்களைத் தொடும் என்று கணிக்கப்பட்டுள்ளது.

Image Credit : Gemini

விலை எகிறப் போகும் மேஜிக் எண்கள்.!

சமீபத்திய சந்தை நிலவரப்படி, லண்டன் மெட்டல் எக்ஸ்சேஞ்சில் (LME) தாமிரத்தின் விலை ஒரு மெட்ரிக் டன் $12,000 முதல் $14,000 வரை உயரும் என எதிர்பார்க்கப்படுகிறது. இந்தியச் சந்தையில் (MCX), ஒரு கிலோ தாமிரம் ரூ.1,300 முதல் ரூ.1,440 வரை செல்ல வாய்ப்புள்ளதாக நிபுணர்கள் கணித்துள்ளனர். 2025-ல் 60% வரை லாபம் கொடுத்த இந்த உலோகம், 2026-ல் அதை விட அதிக லாபத்தைத் தரக் காத்திருக்கிறது.

Image Credit : Gemini

நீங்களும் கோடீஸ்வரர் ஆக இதோ சில வழிகள்!

தாமிரத்தில் முதலீடு செய்ய நினைப்பவர்கள் கீழ்க்காணும் ஸ்மார்ட் வழிகளைப் பின்பற்றலாம்.

பங்குச் சந்தை (Stocks)

தாமிர உற்பத்தியில் முன்னணியில் இருக்கும் Hindustan Copper போன்ற பொதுத்துறை நிறுவனங்களின் பங்குகளில் முதலீடு செய்யலாம். 2026 நிதியாண்டில் இந்த நிறுவனத்தின் லாபம் 80% வரை அதிகரிக்கும் என எதிர்பார்க்கப்படுகிறது.

கமாடிட்டி வர்த்தகம் (MCX)

நீங்கள் ஒரு அனுபவம் வாய்ந்த வர்த்தகர் என்றால், MCX சந்தையில் தாமிரத்தின் ஃபியூச்சர்ஸ் (Futures) ஒப்பந்தங்கள் மூலம் லாபம் பார்க்கலாம்.

மியூச்சுவல் ஃபண்டுகள்

தாமிரம் மற்றும் பிற உலோகங்களில் முதலீடு செய்யும் 'Commodity Mutual Funds' அல்லது 'ETFs' மூலம் சிறிய தொகையிலிருந்தே உங்கள் முதலீட்டைத் தொடங்கலாம்.

Image Credit : X

முதலீட்டாளர்கள் கவனிக்க வேண்டிய செக் போஸ்ட்

தாமிரம் அதிக லாபம் தரும் அதே வேளையில், இது சர்வதேச சந்தைச் சூழலுக்கு ஏற்ப வேகமாக மாறும் தன்மை கொண்டது. எனவே, உங்கள் முதலீட்டுத் தொகையில் ஒரு பகுதியை மட்டும் (10-15%) இதில் ஒதுக்குவது புத்திசாலித்தனம். குறிப்பாக நீண்ட கால அடிப்படையில் (3-5 ஆண்டுகள்) முதலீடு செய்பவர்களுக்குத் தாமிரம் ஒரு ஜாக்பாட்டாக அமைய வாய்ப்புள்ளது.

Image Credit : Gemini

இதை தெரிந்துகொல்ள வேண்டியது அவசியம்.!

தங்கம், வெள்ளி விலை உயர்ந்தாலும், அதன் தேவை நிலையானது. ஆனால் தாமிரத்தின் தேவை எதிர்காலத் தொழில்நுட்பத்தைச் சார்ந்து இருப்பதால், இது ஒரு 'Multi-bagger' வாய்ப்பாகப் பார்க்கப்படுகிறது.