ரூ.5,000 கடன்.. பேங்க் ஆப் பரோடாவின் புதிய திட்டம்.. பெண்களுக்கு சூப்பர் நியூஸ்
பேங்க் ஆப் பரோடா ரூ.5,000 வரை உடனடி ஓவர்டிராஃப்ட் கடன் வழங்கும் புதிய திட்டத்தை அறிமுகப்படுத்தியுள்ளது. இந்த டிஜிட்டல் கடன் வசதியை வங்கி கிளைக்கு செல்லாமல், நேரடியாக யுபிஐ செயலி மூலம் பயன்படுத்தலாம்.
வங்கிக்கு போகாமலே கடன்
டிஜிட்டல் இந்தியா வளர்ச்சியுடன், வங்கி சேவைகள் இப்போது எளிமையாக வருகின்றன. இந்த நிலையில், பெண்களுக்கு சிறிய அளவிலான கடன் வசதியை வழங்கும் புதிய முயற்சியை பேங்க் ஆப் பரோடா அறிமுகப்படுத்தியுள்ளது. யுபிஐ மூலம் ரூ.5,000 வரை ஓவர்டிராஃப்ட் பெறும் இந்த வசதி, குறிப்பாக சுயஉதவி குழு (SHG) பெண்களுக்காக உருவாக்கப்பட்டுள்ளது.
ஜன் தன் கணக்கு பெண்களுக்கு புதிய சலுகை
இந்த திட்டத்தின் மூலம், தகுதியான பெண்கள் வங்கி கணக்கின் அடிப்படையில் உடனடி கடன் பெற முடியும். இதற்கு வங்கி கிளைக்கு சென்று விண்ணப்பிக்க வேண்டிய அவசியமில்லை. நேரடியாக யுபிஐ செயலியின் மூலம் பணத்தை பயன்படுத்த முடியும் என்பதால், இது மிகவும் வசதியாக உள்ளது. சிறிய செலவுகள் அல்லது அவசர தேவைகளுக்கு இந்த வசதி உதவும்.
பிரதம மந்திரி ஜன் தன் திட்டம்
இந்த சேவை, பிரதம மந்திரி ஜன் தன் திட்டம் (PMJDY) கணக்கு வைத்திருக்கும் பெண்களுக்கு கூடுதல் பயனளிக்கும். முன்பே கணக்கில் இணைக்கப்பட்ட கடன் வரம்பை யுபிஐ வழியாக பயன்படுத்தலாம். இதனால் பணத்தை எடுக்க அல்லது பரிமாற நீண்ட நேரம் காத்திருக்க வேண்டிய அவசியம் இல்லை.
உடனடி கடன் தொகை
இந்த புதிய முயற்சி, என்பிசிஐ உருவாக்கிய ‘Credit Line on யுபிஐ’ தளத்தைப் பயன்படுத்துகிறது. இதற்கு இந்திய ரிசர்வ் வங்கி (ஆர்பிஐ) அனுமதி வழங்கியுள்ளது. இந்த முறையில், வங்கிகள் முன்கூட்டியே ஒரு கடன் வரம்பை யுபிஐ-யுடன் இணைக்கின்றன. அதன்பின், தேவையான போது உடனடியாக கடன் தொகையை பயன்படுத்த முடியும்.
பெண்கள் கடன் திட்டம்
கிராமப்புற பெண்களுக்கு இந்த திட்டம் மிகப் பெரிய உதவியாக இருக்கும். வங்கியில் கடன் பெறும் சிக்கல்கள் இப்போது குறையும். முழுமையாக டிஜிட்டல் முறையில் நடைபெறும் இந்த சேவை, பெண்களின் நிதி சுயநிறைவை மேம்படுத்தும் முக்கியமான படியாக பார்க்கப்படுகிறது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
