Gold Rate Today : ஜெட் வேகத்தில் உயர்ந்த தங்கம் மீண்டும் விலை குறைந்தது.. எவ்வளவு தெரியுமா?

தங்கத்தின் விலை தொடர்ந்து அதிகரித்து வருவது பொதுமக்களிடையே கவலையை ஏற்படுத்தி உள்ளது. இன்றைய தங்கம் மற்றும் வெள்ளி விலையை காணலாம்.

இந்த வருடம் தொடக்கத்தில் இருந்தே தங்கத்தின் விலை தாறுமாறாக அதிகரித்து வருகிறது. சவரனுக்கு 44 ஆயிரத்தை கடந்தது.

இது நகை வாங்குவோரிடையே அதிர்ச்சியை ஏற்படுத்தி இருந்தாலும், நகை விற்பனை மட்டும் குறையவில்லை. கடந்த சில நாட்களாக தங்க விலை ஏறியும், இறங்கியும் வருகிறது.

நேற்றைய நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.560 குறைந்து ரூ.45,200க்கும், கிராமுக்கு ரூ.70 குறைந்து ரூ.5,650க்கும் விற்பனையானது.

இன்றைய (ஏப்ரல் 16) நிலவரப்படி, நேற்றைய தங்கத்தின் விலையே இன்றும் தொடர்கிறது. ஒரு கிலோ வெள்ளியின் விலை ரூ.1,500 குறைந்து ரூ.81,500க்கு விற்பனை செய்யப்படுகிறது.

2023ம் வருடத்தின் அட்சய திருதியை வரும் ஏப்ரல் 23 வருவதால், பொதுமக்கள் தற்போது இருந்தே நகைகளை வாங்க முன்பதிவு செய்து வருகின்றனர். இந்த வருட தங்க விற்பனையும் கடந்த வருடத்தை விட அதிகரிக்கும் என்று எதிர்பார்க்கப்படுகிறது.

இதையும் படிங்க..அவர பெரிய ஆள் ஆக்காதீங்க.. அண்ணாமலை பற்றி என்கிட்ட கேட்காதீங்க - கடுப்பான இபிஎஸ்