அரசு ஊழியர்களுக்கு ஷாக் நியூஸ்! சம்பள உயர்வு இல்லை? லேட்டஸ்ட் அப்டேட்!

2025 பட்ஜெட்டில் 8வது ஊதியக் குழு பற்றிய அறிவிப்பு எதுவும் இல்லை. 2026-27 பட்ஜெட்டில் தான் சம்பளம் மற்றும் ஓய்வூதியத் திருத்தங்கள் எதிர்பார்க்கப்படுகின்றன. ஊதியக் குழுவின் அறிக்கை இறுதி செய்யப்பட்டு அங்கீகரிக்கப்பட இன்னும் ஒரு வருடம் ஆகும்.

8வது ஊதியக் குழு

மத்திய நிதியமைச்சர் நிர்மலா சீதாராமன் தனது 2025 மத்திய பட்ஜெட் உரையில் புதிய ஊதியக் குழுவிற்கான வரைபடத்தையும், 1.2 கோடிக்கும் மேற்பட்ட மத்திய ஊழியர்களுக்கான சம்பளம் மற்றும் ஓய்வூதியத்தை திருத்துவதற்கான அவர்களின் பரிந்துரைகளை செயல்படுத்துவதற்கான செலவினத்தையும் அறிவிப்பார் என்று மத்திய அரசு ஊழியர்கள் மற்றும் ஓய்வூதியதாரர்கள் எதிர்பார்த்து காத்திருந்தனர்..

கடந்த மாதம் மோடி அரசு 8வது ஊதியக் குழுவை அறிவித்து, குழு உறுப்பினர்கள் விரைவில் நியமிக்கப்படுவார்கள் என்று கூறியதால் எதிர்பார்ப்புகளும் அதிகமாக இருந்தன. 2 உறுப்பினர்கள் மற்றும் ஒரு தலைவரைக் கொண்ட இந்தக் குழு, அடுத்த ஆண்டு தொடக்கத்தில் தனது பரிந்துரைகளை மத்திய அரசிடம் வழங்கும் என்று எதிர்பார்க்கப்படுகிறது. தற்போதைய 7வது சம்பளக் குழுவின் பதவிக்காலம் டிசம்பர் 31, 2025 அன்று முடிவடைய உள்ளது, இது புதிய சம்பளக் குழுவின் பதவிக்காலம் ஜனவரி 1, 2026 முதல் தொடங்கக்கூடும் என்ற ஊகங்களைத் தூண்டியது..

பட்ஜெட் உரையில் இடம்பெறாத அறிவிப்பு

ஆனால் நிதி அமைச்சரின் பட்ஜெட் உரையில் 8வது சம்பளக் குழு பற்றி எதுவும் குறிப்பிடப்படாததாலும், இந்த பட்ஜெட்டில் அதை செயல்படுத்துவதற்கான பட்ஜெட் ஒதுக்கீடு எதுவும் இல்லாததாலும், 2026-27 பட்ஜெட்டில் மத்திய அரசு ஊழியர்களின் சம்பளம் மற்றும் ஓய்வூதியங்களில் திருத்தம் காரணமாக ஏற்படும் செலவுகளை அரசாங்கம் கணக்கில் எடுத்துக்கொள்ளும் என்பது தெளிவாகிறது.

2025-26 ஆம் ஆண்டுக்கான மத்திய பட்ஜெட்டில் 8வது சம்பளக் குழு தொடர்பான எந்த செலவுகளும் கணக்கில் எடுத்துக்கொள்ளப்படவில்லை, ஏனெனில் ஊதியக் குழுவின் அறிக்கை இறுதி செய்யப்பட்டு அங்கீகரிக்கப்பட குறைந்தபட்சம் ஒரு வருடம் ஆகும் என்று எதிர்பார்க்கப்படுகிறது என்று செலவினச் செயலாளர் மனோஜ் கோவில் தெரிவித்துள்ளார்.

பரிந்துரைகளை கோரும் மத்திய அரசு

கமிஷனின் பணி விதிமுறைகள் குறித்து நிதி அமைச்சகம் பாதுகாப்பு அமைச்சகம், உள்துறை அமைச்சகம் மற்றும் பணியாளர் மற்றும் பயிற்சித் துறையிடம் இருந்து பரிந்துரைகளைக் கோரியுள்ளது, கமிஷன் அதன் பணியைத் தொடங்குவதற்கு முன்பு இதற்கு முறையான ஒப்புதல் தேவைப்படும் என்று தகவல்கள் தெரிவிக்கின்றன..

சம்பள கமிஷன்கள் தங்கள் பரிந்துரைகளை சமர்ப்பிக்க ஒரு வருடத்திற்கும் மேலாகும் என்று கூறப்படுகிறது.. 7வது சம்பள கமிஷன் அதன் அறிக்கையை இறுதி செய்து அரசாங்கத்திடம் சமர்ப்பிக்க 18 மாதங்களுக்கும் மேலாக எடுத்துக் கொண்டது.

8வது சம்பள கமிஷனின் நிதி தாக்கங்கள்

அதிகாரி கூறியதையும், 2025 பட்ஜெட்டில் 8வது சம்பள கமிஷன் பற்றி எந்த குறிப்பும் இல்லாததையும் கருத்தில் கொண்டு, மத்திய அரசு ஊழியர்கள் அடுத்த நிதியாண்டில் புதிய சம்பள கமிஷனின் பரிந்துரைகளை எதிர்பார்க்கலாம் என்று தகவல்கள் தெரிவிக்கின்றன..

8வது சம்பள கமிஷன் அமலாக்கத்தால் மத்திய கருவூலத்தில் ஏற்படும் நிதிச் சுமையின் அளவு குழுவின் பரிந்துரைகளைப் பொறுத்து மாறுபடும். இது ஊழியர்கள் மற்றும் ஓய்வு பெற்றவர்களுக்கு சம்பளம் மற்றும் ஓய்வூதிய திருத்தத்தை தீர்மானிக்க ஒரு ஃபிட்மெண்ட் காரணியைப் பயன்படுத்தும்.

சம்பளம், ஓய்வூதிய திருத்தம்

அரசாங்கம் 1.92 முதல் 2.86 வரை ஃபிட்மென்ட் காரணியை உயர்த்தக்கூடும் என்று எதிர்பார்க்கப்படுகிறது. 2.86 ஃபிட்மென்ட் காரணியைக் கருத்தில் கொண்டால், ஒரு அரசு ஊழியரின் குறைந்தபட்ச அடிப்படை சம்பளம் தற்போதைய குறைந்தபட்ச சம்பளமான ரூ.18,000 இல் இருந்து ரூ.51,480 ஆக உயரும். அதேபோல், ஓய்வூதியமும் ரூ.9,000 இல் இருந்து ரூ.25,740 ஆக உயர்த்தப்படும்