Fortuner Rivals: ஃபார்ச்சூனர் ஆட்டத்துக்கு முடிவு கட்ட வரும் 2 புதிய SUV-கள்!
JSW MG மோட்டார்ஸின் 'மஜெஸ்டர்' மற்றும் செரி இன்டர்நேஷனலின் 'ஜெட்டூர் T2' ஆகிய இரண்டு கார்களும் 2026-ல் அறிமுகமாகின்றன. ட்வின்-டர்போ டீசல் மற்றும் ப்ளக்-இன் ஹைப்ரிட் இன்ஜின் ஆப்ஷன்களுடன் இந்த SUV-கள் வருகின்றன.
Fortuner rivals in India
2009-ல் அறிமுகமானதிலிருந்து, பிரீமியம் 3-வரிசை SUV செக்மென்ட்டில் டொயோட்டா ஃபார்ச்சூனர் தான் ராஜா. அதன் கம்பீரமான தோற்றம், ஆஃப்-ரோடு திறன், பவர்ஃபுல் இன்ஜின், டொயோட்டா பிராண்ட் மீதான நம்பிக்கை, மற்றும் அதிக ரீசேல் வேல்யூ போன்றவை ஃபார்ச்சூனரின் வெற்றிக்கு முக்கிய காரணங்கள். 2009-லிருந்து பிரீமியம் SUV மார்க்கெட்டில் கெத்து காட்டி வரும் டொயோட்டா ஃபார்ச்சூனருக்கு போட்டியாக இரண்டு புதிய மாடல்கள் வரவுள்ளன. அந்த கார்கள் என்னென்ன? அவற்றில் உள்ள சிறப்பம்சங்கள் என்னென்ன? அதன் விலை எவ்வளவு? என்பதைப் பற்றி இந்த தொகுப்பில் பார்க்கலாம்.
ஃபார்ச்சூனருக்கு போட்டியாக வரும் 2 எஸ்.யூ,.விக்கள் என்னென்ன?
ஃபார்ச்சூனருக்கு சவால் விடும் வகையில், JSW MG மோட்டார்ஸ் மற்றும் செரி இன்டர்நேஷனல் ஆகிய நிறுவனங்கள் 2026-ல் இரண்டு புதிய SUV-களைக் களமிறக்கத் திட்டமிட்டுள்ளன. அவை மஜெஸ்டர் மற்றும் ஜெட்டூர் T2. ட்வின்-டர்போ டீசல் இன்ஜினுடன் வரும் MG மஜெஸ்டர் ஏப்ரல் 20-ம் தேதி விற்பனைக்கு வரும். அதே சமயம், ப்ளக்-இன் ஹைப்ரிட் பவர்டிரெய்ன் கொண்ட ஜெட்டூர் T2, 2026 செப்டம்பர் மாதம் அறிமுகமாகும். இவற்றின் அதிகாரப்பூர்வ விலைகள் அந்தந்த அறிமுக தேதிகளில் அறிவிக்கப்படும். இருந்தாலும், மஜெஸ்டரின் எக்ஸ்-ஷோரூம் விலை சுமார் ரூ.40 லட்சம் முதல் ரூ.45 லட்சம் வரையிலும், ஜெட்டூர் T2-ன் விலை சுமார் ரூ.38 லட்சம் முதல் ரூ.40 லட்சம் வரையிலும் இருக்கலாம் என எதிர்பார்க்கப்படுகிறது. இந்த இரண்டு புதிய SUV-களின் முக்கிய அம்சங்களைப் பற்றி விரிவாகப் பார்க்கலாம்.
எம்ஜி மஜெஸ்டர் (MG Majester)
MG மஜெஸ்டர் காரின் டெலிவரிகள் 2026ம் ஆண்டு மே மாதம் தொடங்கும். இதற்கான புக்கிங் ஏற்கெனவே தொடங்கிவிட்டது. இந்த SUV, 6 மற்றும் 7 சீட்டர் ஆப்ஷன்களுடன் நான்கு வேரியன்ட்களில் வருகிறது. இதில் 2.0L ட்வின்-டர்போ சார்ஜ்டு டீசல் இன்ஜின் மட்டுமே கொடுக்கப்பட்டுள்ளது. இந்த இன்ஜின், 8-ஸ்பீடு டார்க் கன்வெர்ட்டர் ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது. இந்த செட்டப் அதிகபட்சமாக 215bhp பவரையும், 478Nm டார்க்கையும் வெளிப்படுத்தும். மேலும், 'M-Hub' என்ற டெரெய்ன் மேனேஜ்மென்ட் சாஃப்ட்வேருடன் ஆன்-டிமாண்ட் ஃபோர் வீல் டிரைவ் (4WD) சிஸ்டமும் இதில் உள்ளது.
ஜெட்டூர் T2 (Jetour T2)
ஜெட்டூர் T2 காரின் ப்ளக்-இன் ஹைப்ரிட் பவர்டிரெய்னில் 1.5L டைரக்ட்-இன்ஜெக்ஷன் டர்போ பெட்ரோல் இன்ஜின், இரண்டு எலக்ட்ரிக் மோட்டார்கள் மற்றும் 26.7kWh பேட்டரி பேக் ஆகியவை உள்ளன. முழுவதுமாக EV மோடில் இயக்கும்போது, எலக்ட்ரிக் மோட்டார்கள் சக்கரங்களை சுழற்றுகின்றன. இதன் ஒருங்கிணைந்த பவர் மற்றும் டார்க் அவுட்புட் முறையே 381bhp மற்றும் 610Nm ஆகும். இந்த SUV-யில் 3-ஸ்பீடு டெடிகேட்டட் ஹைப்ரிட் டிரான்ஸ்மிஷன் பொருத்தப்பட்டுள்ளது. இது வழக்கமான e-CVT யூனிட்டை விட சிறந்த செயல்திறனை வழங்கும் என நிறுவனம் கூறுகிறது. குளோபல்-ஸ்பெக் T2 மாடல், 139 கி.மீ NEDC எலக்ட்ரிக் ரேஞ்சையும், 1,000 கி.மீ-க்கும் அதிகமான ஒருங்கிணைந்த டிரைவிங் ரேஞ்சையும் வழங்குகிறது. இந்த கார் இவ்வருடம் செப்டம்பர் மாதம் லாஞ்ச் ஆக உள்ளது.
