கருப்பு - தங்க நிறத்தில் மின்னும் ஸ்பெஷல் RDX எடிஷன்.. டிவிஎஸ் கொடுத்த திடீர் சர்ப்ரைஸ்
கோவாவில் நடந்த மோட்டோசோல் 2025 நிகழ்ச்சியில், டிவிஎஸ் நிறுவனம் தனது அப்பாச்சி பிராண்டின் 20வது ஆண்டை முன்னிட்டு அப்பாச்சி RDX 300 செலிப்ரேஷன் எடிஷனை அறிமுகப்படுத்தியுள்ளது. இதன் விவரங்களை விரிவாக பார்க்கலாம்.
அப்பாச்சி RDX 300
கோவாவில் நடைபெற்று வரும் மோட்டோசோல் 2025 நிகழ்ச்சியில் டிவிஎஸ் நிறுவனம் அப்பாச்சி RDX 300-ன் சிறப்பு செலிப்ரேஷன் எடிஷனை அறிமுகப்படுத்தியது கவனம் ஈர்த்துள்ளது. அப்பாச்சி பிராண்டின் 20வது ஆண்டு நிறைவை நினைவுகூரும் வகையில் இந்த லிமிடெட் எடிஷன் கொண்டு வரப்பட்டுள்ளது. முன்பு RTR வரிசையில் நினைவுப் பதிப்பு வெளியிடப்பட்டதால், RDX-க்கும் இத்தகைய மாடல் வரலாம் என ரசிகர்கள் எதிர்பார்த்தனர். எனினும், விலை குறித்து டிவிஎஸ் இன்னும் அறிவிக்கப்படவில்லை. புதிய எடிஷன் ஸ்டைல் மாற்றங்களையே கொண்டு வருகிறது.
இந்த செலிப்ரேஷன் எடிஷனின் முக்கிய சிறப்பு கருப்பு – ஷாம்பெயின் கோல்டு நிறக் கலவையாகும். கருப்பு பாடி பேனல்களைச் சுற்றி, எரிபொருள் டேங்க், சைட் பேனல்கள் மற்றும் ஃபேரிங் பகுதிகளில் தங்க நிற கிராஃபிக்ஸ் கண்கவர் வகை குறிப்பிடப்பட்டுள்ளது. கூடுதலாக, சிவப்பு நிற சிறிய ஹைலைட்கள் பைக்கின் ஸ்போர்ட்டி லுக்கை இனிமையாக விளக்குகின்றன. அலாய் வீல்களில் டிவிஎஸ் பயன்படுத்திய டூயல்-டோன் ஃபினிஷ் எனும் வடிவமைப்பு கூடுதல் அழகை வழங்குகிறது.
20வது ஆண்டு பதிப்பு
ஒரு பகுதி கருப்பு நிறத்தில்; மற்ற பகுதி தங்க நிறத்தில் உள்ளது. மோட்டார்சைக்கிளின் இன்ஜின், ஃபிரேம், சஸ்பென்ஷன், பிரேக்கிங் போன்ற முக்கிய தொழில்நுட்ப அம்சங்கள் மாற்றமின்றி தொடர்கின்றன. அதே எலக்ட்ரானிக்ஸ் பேக்கேஜ் மற்றும் ரைடர் எய்டுகள் ஆகியவை இதில் பயன்படுத்தப்படும் என்று எதிர்பார்க்கப்படுகிறது. இது ஒரு தொழில்நுட்ப அப்டேட் அல்ல. டிசைன் மற்றும் தோற்ற மாற்றத்தை மட்டுமே கொண்ட ஒரு சிறப்பு பதிப்பு என்பது குறிப்பிடத்தக்கது.
எனவே, நீண்ட தூர பயணத்திற்கான ஆக்சஸரீஸ் சேர்ப்பதோ, இன்ஜினில் மாற்றங்களைச் செய்ததோ போன்ற செயல்களை டிவிஎஸ் தவிர்த்துள்ளது. இந்த பதிப்பு பிராண்டின் 20 ஆண்டு பயணத்தை கொண்டாடும் ஒரு ஸ்டைலிஷ் நினைவுச் பதிப்பே. அதிகாரப்பூர்வ விலை மற்றும் கிடைக்கும் தேதி விரைவில் அறிவிக்கப்படும் என எதிர்பார்க்கப்படுகிறது.
