Hybrid Cars: பெட்ரோல் செலவை பாதியாக குறைக்கும் சூப்பர் கார்கள்! விலையும் கம்மி! முழு லிஸ்ட்!

Hybrid Cars: அதிக மைலேஜ், குறைவான பெட்ரோல் செலவு என அசத்தும் ஹைப்ரிட் கார்கள் இப்போது செம பிரபலம். அப்படிப்பட்ட சில சூப்பர் ஹைப்ரிட் கார்களைப் பற்றி இந்த செய்தியில் பார்க்கலாம்.

Image Credit : Google

ஹைப்ரிட் கார்களின் ஸ்பெஷல் என்ன?

அதிக மைலேஜ், ஸ்மூத்தான டிரைவிங் அனுபவம், குறைவான பெட்ரோல் நுகர்வு போன்ற காரணங்களால், தினமும் அலுவலகம் செல்பவர்கள் மத்தியில் ஹைப்ரிட் கார்கள் வேகமாக பிரபலமடைந்து வருகின்றன. மாருதி, டொயோட்டா, ஹோண்டா போன்ற நிறுவனங்கள் ஒரு லிட்டருக்கு 28 கிலோமீட்டர் வரை மைலேஜ் தரும் ஹைப்ரிட் கார்களை விற்பனை செய்கின்றன. அதிக மைலேஜ் தரும் சில பிரபலமான ஹைப்ரிட் கார்களைப் பற்றி இந்த செய்தியில் பார்க்கலாம்.

Image Credit : Google

மாருதி சுஸுகி கிராண்ட் விட்டாரா

மாருதி சுஸுகி கிராண்ட் விட்டாரா, இந்தியாவின் பிரபலமான ஸ்ட்ராங் ஹைப்ரிட் SUV-களில் ஒன்று. இதன் 1.5 லிட்டர் பெட்ரோல் இன்ஜின் மற்றும் எலக்ட்ரிக் மோட்டார் கூட்டணி, ஒரு லிட்டருக்கு 27.97 கி.மீ என்ற அசத்தலான மைலேஜை தருகிறது. நகர டிராஃபிக்கில், இந்த SUV பெரும்பாலும் எலக்ட்ரிக் மோடில் இயங்குவதால், டிரைவர்களுக்கு கணிசமான பெட்ரோல் மிச்சமாகிறது. இதன் ஸ்ட்ராங் ஹைப்ரிட் வேரியண்ட்டின் எக்ஸ்-ஷோரூம் விலை சுமார் ₹16.63 லட்சத்தில் இருந்து தொடங்குகிறது.

Image Credit : Toyota

டொயோட்டா அர்பன் க்ரூஸர் ஹைரைடர்

மாருதி-டொயோட்டா கூட்டணியில் உருவான மற்றொரு ஹைப்ரிட் SUV தான் டொயோட்டா அர்பன் க்ரூஸர் ஹைரைடர். இதுவும் அதே 1.5 லிட்டர் ஹைப்ரிட் இன்ஜினை கொண்டிருப்பதால், லிட்டருக்கு 27.97 கி.மீ மைலேஜ் தருகிறது. ஸ்டைலான வடிவமைப்பு, உறுதியான கட்டமைப்பு, மற்றும் சொகுசான ஓட்டுநர் அனுபவத்திற்காக இந்த கார் பெயர் பெற்றது. இதன் ஹைப்ரிட் வேரியண்ட்டின் எக்ஸ்-ஷோரூம் விலை சுமார் ₹16.77 லட்சத்தில் இருந்து தொடங்குகிறது.

Image Credit : Toyota

டொயோட்டா இன்னோவா ஹைகிராஸ்

அதிக இடவசதி, சொகுசு மற்றும் மைலேஜ் என அனைத்தையும் விரும்பும் வாடிக்கையாளர்களுக்காக டொயோட்டா இன்னோவா ஹைகிராஸ் வடிவமைக்கப்பட்டுள்ளது. இது ஒரு பெரிய MPV காராக இருந்தாலும், இதன் 2.0 லிட்டர் ஹைப்ரிட் இன்ஜின் ஒரு லிட்டருக்கு 23.24 கி.மீ மைலேஜ் தருகிறது. அலுவலக பயணங்களுக்கு மட்டுமல்ல, குடும்பத்துடன் நீண்ட தூர பயணங்களுக்கும் ஹைகிராஸ் ஒரு சிறந்த தேர்வாகும். இதன் எக்ஸ்-ஷோரூம் விலை சுமார் ₹26.76 லட்சத்தில் இருந்து தொடங்குகிறது.

Image Credit : Google

ஹோண்டா சிட்டி e:HEV

SUV-களை விட செடான் கார்களை விரும்புபவர்களுக்கான ஒரு பிரீமியம் ஹைப்ரிட் ஆப்ஷன் இது. ஹோண்டா சிட்டி e:HEV செடான், ஒரு லிட்டருக்கு 27.1 கி.மீ மைலேஜ் தருகிறது. இதில் ஹோண்டா சென்சிங் ADAS பாதுகாப்பு அம்சங்களும் உள்ளன. இது அதன் செக்மென்டில் உள்ள பாதுகாப்பான ஹைப்ரிட் செடான்களில் ஒன்றாக திகழ்கிறது. இதன் எக்ஸ்-ஷோரூம் விலை சுமார் ₹19.99 லட்சத்தில் இருந்து தொடங்குகிறது.