Family-Friendly Petrol Scooters: 60 கி.மீ மைலேஜ், 125cc பவர், மெட்டல் பாடி... பட்ஜெட் விலையில் பட்டையைக் கிளப்பும் 6 குடும்ப ஸ்கூட்டர்கள்!

Family-Friendly Petrol Scooters: ரூ.1 லட்சத்திற்குள் குடும்பத்திற்கு ஏற்ற சிறந்த 6 பெட்ரோல் ஸ்கூட்டர்கள்! டிவிஎஸ் ஜூபிடர், ஹோண்டா ஆக்டிவா முதல் சுஸுகி ஆக்சஸ் வரை சிறப்பம்சங்கள் மற்றும் விலை விவரங்கள் பற்றி பார்ப்போம்.

Image Credit : X

ரூ.1 லட்சத்திற்குள் 6 சிறந்த பெட்ரோல் ஸ்கூட்டர்கள்!

இந்தியாவில் குடும்ப பயன்பாட்டிற்கான ஸ்கூட்டர் என்பது பலரும் பயன்படுத்தக்கூடிய வகையில் இருக்க வேண்டும். நீண்ட மற்றும் வசதியான இருக்கை, பைகளை வைக்க அகலமான ஃப்ளோர்போர்டு (Floorboard), கரடுமுரடான சாலைகளுக்கு ஏற்ற மென்மையான சஸ்பென்ஷன், எரிபொருள் சிக்கனம் தரும் மென்மையான என்ஜின் மற்றும் அனைவரும் எளிதாகக் கையாளும் குறைந்த எடை ஆகியவை இதில் மிக முக்கியம். அந்த வகையில், ரூ.1 லட்சம் (எக்ஸ்-ஷோரூம்) பட்ஜெட்டுக்குள் சந்தையில் கிடைக்கும் 6 சிறந்த ஸ்கூட்டர்களின் முக்கிய விவரங்கள் பற்றி பார்ப்போம்.

Image Credit : HONDA

1. ஹோண்டா ஆக்டிவா 110 (Honda Activa 110)

தொடக்க விலை ரூ.76,358 (எக்ஸ்-ஷோரூம்) | அடிப்படை மாடல்: Activa STD

இந்தியக் குடும்பங்களின் முதன்மைத் தேர்வாக விளங்கும் ஆக்டிவா, முழு மெட்டல் பாடி மற்றும் நீண்ட ஆயுளுக்குப் பெயர் பெற்றது. 109.51 cc பியூயல்-இன்ஜெக்டட் என்ஜின், 7.88 bhp பவர் மற்றும் 9.05 Nm டார்க் வெளிப்படுத்துகிறது. சத்தமில்லாத சைலண்ட் ஸ்டார்ட்டர் (Silent start) தொழில்நுட்பம் மற்றும் நகரப் பயணங்களுக்கு ஏற்ற மென்மையான வேகம் கொண்டது.

முன்பக்க டெலஸ்கோபிக் ஃபோர்க்குகள், 12 அங்குல முன் சக்கரம், சீட்டைத் திறக்காமல் பெட்ரோல் போடும் வசதி (External fuel lid) மற்றும் கேஸ் சிலிண்டரைக் கூட வைக்கும் வகையிலான அகலமான ஃப்ளோர்போர்டு. முழுமையான மன அமைதி, கடினமான மெட்டல் பாடி மற்றும் மிகச் சிறந்த ரீ-சேல் மதிப்பு (Resale value) விரும்புபவர்களுக்கு ஏற்றது.

Image Credit : TVS

2. டிவிஎஸ் ஜூபிடர் 110 (TVS Jupiter 110)

தொடக்க விலை ரூ.79,725 (எக்ஸ்-ஷோரூம்) | அடிப்படை மாடல்: Drum Alloy

புதிய பிளாட்ஃபார்மில் கட்டமைக்கப்பட்ட ஜூபிடர், நவீன குடும்பங்களின் தேவைகளை நிறைவு செய்கிறது. 113.3 cc என்ஜின், 7.9 bhp பவர் மற்றும் 9.2 Nm டார்க் தருகிறது. இதில் உள்ள 'iGO Assist' மைக்ரோ-ஹைப்ரிட் தொழில்நுட்பம், முந்திச் செல்லும்போது (Overtaking) தற்காலிகமாக 9.8 Nm வரை டார்க்கை உயர்த்துகிறது.

பெட்ரோல் டேங்க் அடிபாகத்தில் (Floorboard) வைக்கப்பட்டு, பெட்ரோல் மூடி முன்பக்கம் (Front apron) கொடுக்கப்பட்டுள்ளது. இதனால் வண்டியை விட்டு இறங்காமல் பெட்ரோல் நிரப்பலாம். சீட்டுக்கு அடியில் இரண்டு ஹெல்மெட்கள் வைக்கும் அளவிற்கு மிகப்பெரிய 33 லிட்டர் பூட் ஸ்பேஸ் (Boot space) உள்ளது. அதிக ஸ்டோரேஜ் வசதி, முன்பக்க பெட்ரோல் நிரப்பும் அமைப்பு மற்றும் குறைந்த பராமரிப்புச் செலவை எதிர்பார்க்கும் குடும்பங்களுக்கு ஏற்றது.

Image Credit : Google

3. ஹீரோ டெஸ்டினி 125 (Hero Destini 125)

தொடக்க விலை ரூ.80,138 (எக்ஸ்-ஷோரூம்) | அடிப்படை மாடல்: Destini 125 VX

ஹீரோ மோட்டோகார்ப் இந்த ஸ்கூட்டரை நியோ-ரெட்ரோ (Neo-retro) தோற்றம், காப்பர் ஃபினிஷிங் மற்றும் புரொஜெக்டர் எல்இடி விளக்குகளுடன் முழுமையாக மாற்றியமைத்துள்ளது. 124.6 cc என்ஜின், 9 bhp பவர் மற்றும் 10.4 Nm டார்க்கை அளிக்கிறது. டிராஃபிக்கில் எரிபொருளைச் சேமிக்க 'i3S' ஐடில் ஸ்டார்ட்-ஸ்டாப் தொழில்நுட்பம் உள்ளது.

இந்த வகுப்பிலேயே மிக நீளமான 785 மி.மீ இருக்கை, நிலைத்தன்மைக்காக இருபுறமும் 12 அங்குல அலாய் வீல்கள் மற்றும் மொபைல் சார்ஜிங் போர்ட். குடும்பத்தோடு அமர்ந்து செல்ல விசாலமான இருக்கை, நவீன டிசைன், சிறந்த 125cc செயல்திறனை விரும்புபவர்களுக்கு ஏற்றது.

Image Credit : TVS

4. டிவிஎஸ் ஜூபிடர் 125 (TVS Jupiter 125)

தொடக்க விலை ரூ.82,100 (எக்ஸ்-ஷோரூம்) | அடிப்படை மாடல்: Drum Alloy

ஜூபிடர் 110-ஐ விட வலிமையான, அதிக எடையைத் தாங்கும் பெரிய கட்டமைப்புடன் இது வருகிறது. 124.8 cc என்ஜின், 8.04 bhp பவர் மற்றும் 10.5 Nm டார்க்கை வழங்குகிறது. மேம்பாலங்களில் கூடுதல் எடையுடன் ஏறும்போதும் சிரமமின்றி சீராக இயங்கும் ஆற்றல் கொண்டது.

முன்பக்க பெட்ரோல் மூடி, 33 லிட்டர் பூட் ஸ்பேஸ் கொடுக்கப்பட்டுள்ளது. பெட்ரோல் டேங்க் கீழே இருப்பதால் புவியீர்ப்பு மையம் (Center of gravity) குறைவாக அமைந்து, வளைவுகளிலும் பிரேக் பிடிக்கும்போதும் அசைவின்றி நிலையாகச் செல்லும். 3 நிலைகளில் மாற்றியமைக்கக்கூடிய பின்புற சஸ்பென்ஷன் உள்ளது. அதிக லக்கேஜ் மற்றும் எடை ஏற்றிச் செல்பவர்கள், சிறந்த பூட் ஸ்பேஸ் மற்றும் வண்டியின் நிலைத்தன்மைக்கு முக்கியத்துவம் கொடுப்பவர்களுக்கு ஏற்றது.

Image Credit : Google

5. சுஸுகி ஆக்சஸ் 125 (Suzuki Access 125)

தொடக்க விலை ரூ.82,486 (எக்ஸ்-ஷோரூம்) | அடிப்படை மாடல்: Standard Drum Brake

இந்தியாவில் அதிகம் விற்பனையாகும் 125cc ஸ்கூட்டர்களில் ஒன்றான இது, தனது சுறுசுறுப்பான செயல்திறனுக்குப் பெயர் பெற்றது. 124 cc SEP என்ஜின், 8.31 bhp பவர் மற்றும் 10.2 Nm டார்க்கை வெளிப்படுத்துகிறது. வெறும் 107 கிலோ எடையே இருப்பதால், டிராஃபிக்கில் வேகமாக முந்திச் செல்லவும், 70-80 கி.மீ வேகத்தில் சீராக பயணிக்கவும் ஏற்றது.

24.4 லிட்டர் ஸ்டோரேஜ், வெளிப்புற பெட்ரோல் மூடி, பாட்டில்கள் வைக்க முன்பக்க பாக்கெட் மற்றும் குறைந்த எடை காரணமாக முதியவர்கள் மற்றும் பெண்கள் எளிதாக இயக்கும் வசதி. இலகுவான எடை, சுறுசுறுப்பான பிக்-அப் மற்றும் அதிக நம்பகத்தன்மை கொண்ட என்ஜினைத் தேடுபவர்களுக்கு ஏற்றது.

Image Credit : our own

6. ஹோண்டா ஆக்டிவா 125 (Honda Activa 125)

தொடக்க விலை ரூ.91,679 (எக்ஸ்-ஷோரூம்) | அடிப்படை மாடல்: Activa 125 DLX

ஆக்டிவா 110-ன் அதே நம்பகத்தன்மையுடன், அதிக பிரிமியம் தோற்றம் மற்றும் நெடுஞ்சாலை வேகத்தை இது தருகிறது. 123.92 cc என்ஜின், 8.31 bhp பவர் மற்றும் 10.5 Nm டார்க்கை அதிர்வுகளின்றி அமைதியாக வழங்குகிறது. இதில் ஐடிலிங் ஸ்டாப் சிஸ்டம் (Idling Stop System) உள்ளது.

பிரீமியம் குரோம் வேலைப்பாடுகள் கொண்ட உறுதியான மெட்டல் பாடி, ஹோண்டாவின் பிரத்யேக காம்பி-பிரேக் சிஸ்டம் (CBS) மற்றும் டிஜிட்டல் மீட்டர். இதன் சீட்டுக்கடியில் 18 லிட்டர் இடவசதி உள்ளது. ஆக்டிவாவின் நீடித்த உழைப்புடன், கம்பீரமான தோற்றம் மற்றும் பிரிமியம் வசதிகளை விரும்பும் குடும்பங்களுக்கு ஏற்றது.

Image Credit : X

110 cc அல்லது 125 cc: எதைத் தேர்வு செய்வது?

110 cc தேர்வு செய்ய வேண்டிய சூழல்:

தினசரிப் பயணம் பெரும்பாலும் 50 கி.மீ வேகத்திற்குள், நகர்ப்புற டிராஃபிக்கிற்குள் மட்டுமே அமைந்தால் மற்றும் அதிக மைலேஜ் (சுமார் 55-60 kmpl), குறைந்த விலையை விரும்பினால் ஆக்டிவா 110 அல்லது ஜூபிடர் 110 சிறந்த தேர்வு.

125 cc தேர்வு செய்ய வேண்டிய சூழல்:

அடிக்கடி மற்றொரு நபருடன் பயணிப்பவர் என்றாலோ, அதிக சுமை ஏற்றுபவர் என்றாலோ அல்லது பைபாஸ்/ரிங் ரோடுகளில் 70-80 கி.மீ வேகத்தில் செல்ல வேண்டும் என்றாலோ அதிக டார்க் கொண்ட 125 cc ஸ்கூட்டர்களைத் (ஆக்சஸ், டெஸ்டினி, ஜூபிடர் 125, ஆக்டிவா 125) தேர்வு செய்யலாம்.