அதிக பூட் ஸ்பேஸ் உடன் வரும் டாப் 5 CNG கார்கள்... விலையும் ரொம்ப கம்மி..!
CNG கார் வாங்கினால் டிக்கியில் இடமே இருக்காது என்ற ஒரு குறை இருந்தது. ஆனால், இப்போது வந்துள்ள டூயல்-சிலிண்டர் டெக்னாலஜி இந்த பிரச்சனையை சரி செய்துவிட்டது.
Top 5 CNG Cars With High Boot Space
சிஎன்ஜி கார்கள் என்றாலே நல்ல மைலேஜ் தரும் என்பது நமக்குத் தெரியும். ஆனால், அதில் ஒரு பெரிய பிரச்சனை பூட் ஸ்பேஸ் தான். CNG சிலிண்டரை வைத்த பிறகு, டிக்கியில் சுத்தமாக இடமே இருக்காது. இதனால், குடும்பத்துடன் பயணம் செய்பவர்கள் லக்கேஜ் வைக்க மிகவும் சிரமப்பட்டனர்.
ஆனால், இப்போது மார்க்கெட்டுக்கு வந்துள்ள டூயல்-சிலிண்டர் டெக்னாலஜி கார்கள் இந்த நிலையை மாற்றிவிட்டன. இந்த கார்களில் CNG சிலிண்டர் இருந்தாலும், லக்கேஜ் வைப்பதற்கு கணிசமான இடம் மிச்சமிருக்கிறது. இதனால், நல்ல மைலேஜுடன் சேர்த்து, அதிக பூட் ஸ்பேஸும் கிடைக்கிறது. 10 லட்ச ரூபாய்க்கும் குறைவான விலையில், இந்த டூயல்-சிலிண்டர் டெக்னாலஜியுடன் வரும் 5 கார்களைப் பற்றி இங்கே பார்க்கலாம்.
டாடா டியாகோ iCNG
இந்த டூயல்-சிலிண்டர் டெக்னாலஜியை முதல்முதலில் அறிமுகப்படுத்தியது டியாகோ தான். சிட்டிக்குள் ஓட்டுவதற்கு மிகவும் சுலபமாகவும், கச்சிதமாகவும் இருப்பதால், முதல் முறையாக கார் வாங்குபவர்களுக்கு இது ஒரு நல்ல சாய்ஸ். இதன் விலை சுமார் 5.49 லட்ச ரூபாயிலிருந்து தொடங்குகிறது. இது ஒரு ஹேட்ச்பேக் காராக இருந்தாலும், இதன் டிக்கி தட்டையாக (flat) இருப்பதால், பொருட்களை வைக்க மிகவும் வசதியாக இருக்கிறது.
டாடா பஞ்ச் iCNG
உங்களுக்கு ஒரு SUV போன்ற லுக் வேண்டும் என்றால், பஞ்ச் iCNG ஒரு நல்ல ஆப்ஷன். அதிக கிரவுண்ட் கிளியரன்ஸ், டூயல்-சிலிண்டர் இன்ஜின், நல்ல இடவசதி என பல ப்ளஸ் பாயிண்ட்ஸ் இதில் உள்ளன. இதன் விலை சுமார் 6.70 லட்ச ரூபாயிலிருந்து தொடங்குகிறது. சிட்டி டிரைவ், கரடுமுரடான சாலைகள் என இரண்டுக்குமே இது செட் ஆகும்.
டாடா டிகோர் iCNG
இந்த லிஸ்ட்டிலேயே மிகவும் பிராக்டிக்கலான கார் என்றால் அது டாடா டிகோர் தான். காரணம், இது ஒரு செடான் கார். டூயல்-சிலிண்டர் இன்ஜினுடன் வருவதால், மிகவும் விசாலமான டிக்கி ஸ்பேஸ் இதில் கிடைக்கிறது. இதன் விலை சுமார் 7.68 லட்சம் (எக்ஸ்-ஷோரூம்) ரூபாயிலிருந்து தொடங்குகிறது. அடிக்கடி லக்கேஜுடன் பயணம் செய்பவர்களுக்கும், ஒரு ஃபேமிலி கார் தேடுபவர்களுக்கும் இது ஒரு சூப்பர் சாய்ஸ்.
டாடா அல்ட்ராஸ் iCNG
இந்த லிஸ்ட்டிலேயே மிகவும் பிரீமியம் ஹேட்ச்பேக் என்றால் அது அல்ட்ராஸ் தான். டூயல்-சிலிண்டர் இன்ஜின் இருப்பதால், இதிலும் தாராளமான டிக்கி ஸ்பேஸ் கிடைக்கிறது. பார்க்கவும் மிகவும் ஸ்டைலாக இருக்கிறது. இதன் விலை சுமார் 7.22 லட்ச ரூபாயிலிருந்து தொடங்குகிறது. நல்ல கேபின் இடவசதி, சொகுசான பயண அனுபவம் என இதில் கூடுதல் சிறப்பம்சங்கள் உள்ளன.
ஹூண்டாய் எக்ஸ்டர் HY-CNG டியோ
ஹூண்டாய் நிறுவனத்தின் இந்த காரிலும் டூயல்-சிலிண்டர் இன்ஜின் உள்ளது. இதில் கூடுதல் சிறப்பம்சங்களும், பிராக்டிக்கலான டிக்கி ஸ்பேஸும் கிடைக்கிறது. இதன் விலை சுமார் 6.95 லட்ச ரூபாயிலிருந்து தொடங்குகிறது.
