டீசல் கார் வாங்க திட்டமா? ரூ.15 லட்சத்திற்குள் கிடைக்கும் டாப் 5 ஆட்டோமேட்டிக் எஸ்யூவி மாடல்!

Top 5 Automatic SUV Car Under 15 Lakhs in India 2026 Tamil: ரூ.15 லட்சம் பட்ஜெட்டில் சிறந்த ஆட்டோமேட்டிக் டீசல் எஸ்யூவி தேடுகிறீர்களா? டாடா நெக்ஸான், கியா சோனட் மற்றும் மஹிந்திரா XUV 3XO போன்ற டாப் மாடல்களின் விலை மற்றும் மைலேஜ் விபரங்கள் இதோ

Image Credit : X

கியா சோனெட்

குறைந்த எரிபொருள் செலவில் நீண்ட தூரம் பயணிக்க விரும்புவோருக்கு டீசல் ஆட்டோமேட்டிக் எஸ்யூவிகள் சிறந்த தேர்வாகும். நீங்கள் ஒரு டீசல் ஆட்டோமேட்டிக் கார் வாங்கத் திட்டமிட்டிருந்தால், ரூ. 15 லட்சம் பட்ஜெட் இருந்தாலே போதும். 

கியா சோனெட் கார் 4 மீட்டருக்கும் குறைவான நீளம் கொண்ட ஒரு பிரபலமான எஸ்யூவி. இதில் 1.5 லிட்டர் டீசல் இன்ஜின் உள்ளது. இது 6-ஸ்பீடு ஆட்டோமேட்டிக் கியர்பாக்ஸுடன் வருகிறது. இந்தக் காரில் பெரிய டச்ஸ்கிரீன், வசதியான இருக்கைகள் மற்றும் ஸ்மார்ட் அம்சங்கள் உள்ளன. இதன் ஆரம்ப எக்ஸ்-ஷோரூம் விலை ரூ. 9.78 லட்சம் ஆகும். இது அந்தந்த மாநிலங்கள் மற்றும் நகரங்களைப் பொறுத்து மாறுபடும்.

Image Credit : Google

ஹூண்டாய் வென்யூ

இந்தப் பட்டியலில் உள்ள இரண்டாவது டீசல் ஆட்டோமேட்டிக் கார் ஹூண்டாய் வென்யூ ஆகும். இந்தக் கார் 1.5-லிட்டர் டீசல், ஆட்டோமேட்டிக் மாடலில் வருகிறது. வென்யூ, வாடிக்கையாளர்களுக்கு நவீன வடிவமைப்பு, மேம்படுத்தப்பட்ட உட்புறம், பெரிய திரை, ADAS மற்றும் பாதுகாப்பு போன்ற சிறந்த அம்சங்களை வழங்குகிறது. இந்தக் காரின் விலை ரூ. 11.81 லட்சத்தில் இருந்து தொடங்குகிறது.

Image Credit : Google

டாடா நெக்ஸான்

அடுத்த தேர்வு டாடா நெக்ஸான். இது இந்தியாவில் மிகவும் பிரபலமான எஸ்யூவி-களில் ஒன்றாகும். டீசல் + ஏஎம்டி ஆப்ஷனுடன் வரும் நெக்ஸானில், உறுதியான பாடி, விசாலமான கேபின், 360-டிகிரி கேமரா மற்றும் பாதுகாப்பான ஓட்டுதல் போன்ற அம்சங்கள் உள்ளன. இந்த காரின் விலை ரூ. 10.54 லட்சத்தில் இருந்து தொடங்குகிறது. வாகனங்களின் விலைகள் அந்தந்த மாநிலங்களைப் பொறுத்து மாறுபடும்.

Image Credit : X

மஹிந்திரா XUV 3XO

மஹிந்திரா XUV 3XO உங்களுக்கு ஒரு சிறந்த தேர்வாகும். இது சக்தி வாய்ந்த 1.5 லிட்டர் டீசல் இன்ஜின் மற்றும் AMT ஆட்டோமேட்டிக் கியர்பாக்ஸுடன் வருகிறது. இந்த எஸ்யூவி அதன் விசாலமான கேபின் மற்றும் அம்சங்களுக்காகப் பிரபலமானது. இதன் விலை ரூ. 10.85 லட்சத்தில் இருந்து தொடங்குகிறது.

Image Credit : GaadiWaadi

கியா செல்டோஸ்

இது தவிர, நீங்கள் ஒரு பிரீமியம் அனுபவத்தை விரும்பினால், கியா செல்டோஸும் ஒரு நல்ல தேர்வாகும். இதில் டீசல் மற்றும் ஆட்டோமேட்டிக் ஆப்ஷனும் உள்ளது. இது பார்ப்பதற்கு மிகவும் ஸ்டைலாக இருப்பது மட்டுமல்லாமல், பிரீமியம் அம்சங்களுடனும் வருகிறது.