- Home
- Auto
- பட்ஜெட் விலையில் சொகுசு பயணம்! - 6 லட்சத்திற்கும் குறைவான விலையில் கிடைக்கும் டாப் 5 கார்கள்!
பட்ஜெட் விலையில் சொகுசு பயணம்! - 6 லட்சத்திற்கும் குறைவான விலையில் கிடைக்கும் டாப் 5 கார்கள்!
Top 5 Best Budget Cars Under 6 Lakhs in India 2026: 6 லட்ச ரூபாய்க்கும் குறைவான பட்ஜெட்டில் கார் வாங்கத் திட்டமிடுபவர்களுக்கு, சந்தையில் பல சிறந்த தேர்வுகள் உள்ளன. அந்த கார்கள் பற்றி பார்க்கலாம்.
Top 5 Best Budget Cars Under 6 Lakhs in India 2026
இந்தியாவில் அப்போது எல்லாம் ஒரு வீட்டிற்கு ஒரு கார் இருந்தாலே அதிசயம். அதுவும் இல்லாமல் கார் வைத்து இருந்தால் அந்த வீட்டை சேர்ந்தவர்கள் பணக்காரர்கள் என்றே கருதப்படுவார்கள். நடுத்தர வர்க்கக் குடும்பங்களுக்கு கார் என்பது ஒரு கனவு மட்டுமல்ல, அது ஒரு அத்தியாவசியத் தேவையும் கூட இப்போது மாறிவிட்டது. பட்ஜெட் மற்றும் மைலேஜ் ஆகிய இரண்டையும் கணக்கில் கொண்டு, 6 லட்ச ரூபாய்க்கும் குறைவான எக்ஸ்-ஷோரூம் விலையில் கிடைக்கும் சிறந்த 5 கார்களை இங்கே விரிவாகப் பார்க்கலாம்.
மாருதி சுஸுகி ஆல்டோ
இந்தியாவின் 'பட்ஜெட் ராஜா' என்று அழைக்கப்படும் ஆல்டோ, இன்றும் முதல் முறை கார் வாங்குபவர்களின் விருப்பமான பட்டியலில் இருக்கிறது. இதன் விலை சுமார் ரூ.3.99 லட்சத்தில் தொடங்குகிறது. 1.0 லிட்டர் பெட்ரோல் எஞ்சின் கொண்ட இது, லிட்டருக்கு 24.39 கி.மீ மைலேஜ் வழங்குகிறது. இதன் பராமரிப்புச் செலவு மிகக் குறைவு என்பது கூடுதல் சிறப்பாகும்.
ரெனால்ட் க்விட்
இந்த பட்ஜெட்டில் மிகவும் ஸ்டைலான கார் எதுவென்றால் அது க்விட் தான். இதன் ஆரம்ப விலை சுமார் ரூ.4.70 லட்சமாகும். 8 அங்குல டச் ஸ்கிரீன், ரிவர்ஸ் கேமரா போன்ற சொகுசு கார் வசதிகள் இதில் இடம்பெற்றுள்ளன. இதன் ஸ்போர்ட்டியான லுக் இளைஞர்களை அதிகம் கவர்கிறது.
மாருதி சுஸுகி எஸ்-பிரெஸ்ஸோ
சிறிய பட்ஜெட்டில் ஒரு மினி SUV போன்ற தோற்றத்தை விரும்புவோருக்கு இது சரியான தேர்வு. இதன் தரை இடைவெளி அதிகமாக இருப்பதால், மேடு பள்ளம் நிறைந்த சாலைகளுக்கு இது உகந்தது. சுமார் ரூ.4.26 லட்சத்தில் தொடங்கும் இந்த கார், சிறந்த இடவசதி மற்றும் டிஜிட்டல் இன்ஸ்ட்ரூமென்ட் கிளஸ்டர் போன்ற நவீன வசதிகளுடன் வருகிறது.
டாடா டியாகோ
பாதுகாப்புக்கு முன்னுரிமை அளிப்பவர்கள் தாராளமாக டாடா டியாகோவைத் தேர்வு செய்யலாம். 4 ஸ்டார் பாதுகாப்பு மதிப்பீடு கொண்ட இது, ரூ.5.65 லட்சத்தில் தொடங்குகிறது. இது ஓட்டுவதற்கு மிகவும் உறுதியான உணர்வைத் தருவதோடு, ஹர்மன் மியூசிக் சிஸ்டம் போன்ற உயர்தர வசதிகளையும் கொண்டுள்ளது.
மாருதி சுஸுகி செலிரியோ
சிறந்த மைலேஜ் வேண்டும் என்பவர்களுக்கு செலிரியோ ஒரு வரப்பிரசாதம். இது லிட்டருக்கு 26.68 கி.மீ வரை மைலேஜ் தருவதாக நிறுவனம் கூறுகிறது. இதன் உட்புறம் தாராளமான இடவசதியுடன் வடிவமைக்கப்பட்டுள்ளது. இதன் விலை சுமார் ரூ.5.37 லட்சத்திலிருந்து தொடங்குகிறது.