Best Bikes For Office: கம்மி விலை... செம மைலேஜ்! ஆபீஸ் போறவங்களுக்கு இந்த 4 பைக்குகள் தான் பெஸ்ட்!

Best Bikes For Office: தினமும் ஆபிஸ் போறவங்களுக்கு பைக் அத்தியாவசிய ஒன்று. அந்த வகையில் ஆபிஸ் போறவங்களுக்கு ஏற்ற அதிக மைலேஜ் கொடுக்கும், விலையும் பட்ஜெட்டில் இருக்கும் பைக்குகள் குறித்து இந்த செய்தியில் பார்க்கலாம்.

Image Credit : Asianet News

ஆபிஸ் போறவங்களுக்கு ஏற்ற பைக்குகள்

தினமும் ஆபிஸ் போறதுக்கு நல்ல மைலேஜ், குறைஞ்ச மெயின்டனன்ஸ், சொகுசான பயணம் தரும் ஒரு பைக் தேடுறீங்களா? ஹீரோ சூப்பர் ஸ்பிளெண்டர், ஹோண்டா ஷைன் 125, டிவிஎஸ் ரைடர் 125, பஜாஜ் பல்சர் 125-னு இந்தியாவோட பாப்புலர் 125சிசி பைக்குகள் என வரிசைகட்டி நிற்குது. உங்க பட்ஜெட், தேவைக்கு எது செட் ஆகும்னு விலை, ஃபீச்சர்ஸ், மைலேஜ் வெச்சு ஒப்பிட்டுப் பார்க்கலாம்.

Image Credit : our own

ஹீரோ சூப்பர் ஸ்பிளெண்டர் (Hero Super Splendor)

ஹீரோ சூப்பர் ஸ்பிளெண்டர் வேலைக்கு போகும் பலருக்கும் ஒரு ஃபேவரைட் பைக். இதோட முக்கிய காரணம், நம்பகமான 124.7cc இன்ஜினும், சிம்பிளான டிசைனும்தான். இந்த பைக் எந்த ஆடம்பரமும் இல்லாம, வருஷக்கணக்குல உழைக்கும். நிமிர்ந்து உட்காரும் பொசிஷன், சொகுசான சிங்கிள்-பீஸ் சீட் இருக்கிறதால, எவ்வளவு நேரம் டிராஃபிக்ல நின்னாலும் முதுகு வலியோ, தோள்பட்டை வலியோ வராது.

Image Credit : our own

விலையும் ரொம்ப கம்மி

ஆபிஸ் போறவங்களுக்கு இதோட மைலேஜ் ஒரு பெரிய ப்ளஸ். ஹீரோவோட i3S (ஐடல் ஸ்டார்ட்-ஸ்டாப்) டெக்னாலஜி, டிராஃபிக் சிக்னல்ல இன்ஜினை ஆட்டோமேட்டிக்கா ஆஃப் பண்ணிடும். இதனால பெட்ரோல் நல்லா மிச்சமாகும். இதோட மெயின்டனன்ஸ் செலவும், ஸ்பேர் பார்ட்ஸ் விலையும் மார்க்கெட்லயே ரொம்ப கம்மி. சிம்பிளா, ஸ்ட்ராங்கா, வருஷக்கணக்குல ஓடக்கூடிய ஒரு பைக் வேணும்னா, இதுதான் பெஸ்ட் சாய்ஸ். இதோட எக்ஸ்-ஷோரூம் விலை ₹81,068-ல இருந்து தொடங்குது.

Image Credit : Google

ஹோண்டா ஷைன் 125 (Honda Shine 125)

இந்த செக்மென்ட்ல அதிகமா விற்பனையாகுற, ரொம்ப நம்பகமான பைக் இதுதான். இதோட பெரிய சிறப்பம்சமே சைலன்ட் ஸ்டார்ட் மற்றும் இன்ஜினோட ஸ்மூத்னெஸ்தான். காலையில ஆபிஸுக்கு கிளம்பும்போது, எந்த சத்தமும், அதிர்வும் இல்லாம இன்ஜின் ஸ்டார்ட் ஆகும். கடுமையான டிராஃபிக்ல கூட, இதோட கியர் ஷிஃப்ட்டிங், கிளட்ச் எல்லாமே ரொம்ப ஸ்மூத்தா இருக்கும். அதனால ஓட்டுறவங்களுக்கு டயர்டே ஆகாது.

Image Credit : Google

ஒரு லிட்டருக்கு 65 கிலோமீட்டர் மைலேஜ்

இந்த பைக் பார்க்க ரொம்ப டீசன்டாகவும், ஒரு ப்ரொஃபஷனல் லுக்கிலும் இருக்கும். அதனால எல்லா வயசுல இருக்குற வேலைக்கு போறவங்களுக்கும் இது செட் ஆகும். இதோட 124cc eSP இன்ஜின் பவர்ஃபுல் மட்டும் இல்ல, ஒரு லிட்டருக்கு சுமார் 60-ல இருந்து 65 கிலோமீட்டர் வரைக்கும் சூப்பரான மைலேஜ் கொடுக்கும். மார்க்கெட்ல இதோட ரீசேல் வேல்யூவும் ரொம்ப அதிகம். ஆபிஸ் போறதுக்கு எந்த தொந்தரவும் இல்லாத, ஒரு பிரீமியம், அமைதியான பயண அனுபவம் வேணும்னு நினைக்கிறவங்களுக்கு ஷைனை விட சிறந்த ஆப்ஷன் இல்லை. இதோட ஆரம்ப எக்ஸ்-ஷோரூம் விலை ₹81,502.

Image Credit : TVS

டிவிஎஸ் ரைடர் 125 (TVS Rider 125)

நீங்கல் ஒரு யங்ஸ்டரா இருந்தா, இல்ல உங்க ஆபிஸ் பைக் ஸ்போர்ட்டி லுக்கோட லேட்டஸ்ட் ஃபீச்சர்ஸ்ல இருக்கணும்னு நினைச்சா, டிவிஎஸ் ரைடர் 125 உங்களுக்கு சரியான சாய்ஸ். இதோட மாடர்ன் டிசைன், ரோபோட்டிக் LED ஹெட்லைட், மஸ்குலர் ஃபியூயல் டேங்க் எல்லாம் கூட்டத்துல தனியா காட்டும். இதோட இன்ஜின் ரொம்ப அட்வான்ஸ்டு. வேகமா பிக்கப் ஆகும், அதனால ஆபிஸ் அவசரத்துல டிராஃபிக்கை ஈஸியா சமாளிச்சுட்டு போகலாம்.

Image Credit : TVS

எக்ஸ்-ஷோரூம் விலை ₹82,810

ஃபீச்சர்ஸ் விஷயத்துல இந்த பைக் ஒரு கேட்ஜெட்டுக்கு குறைஞ்சது இல்ல. இதுல ஈக்கோ, பவர்னு ரெண்டு ரைடிங் மோட்ஸ் இருக்கு. டிராஃபிக்க்கு ஏத்த மாதிரி மாத்திக்கலாம். ப்ளூடூத் கனெக்டிவிட்டி, டிஜிட்டல் கன்சோல், டர்ன்-பை-டர்ன் நேவிகேஷன்னு பல ஃபீச்சர்ஸ் ஆபிஸ் பயணத்தை ரொம்ப ஈஸி ஆக்கிடும். சொகுசான மோனோஷாக் சஸ்பென்ஷன், மேடு பள்ளமான ரோட்ல கூட ஸ்மூத்தான, நிலையான பயணத்தை கொடுக்கும். இதோட ஆரம்ப எக்ஸ்-ஷோரூம் விலை ₹82,810.

Image Credit : social media

பஜாஜ் பல்சர் 125 (Bajaj Pulsar 125)

குறைஞ்ச பட்ஜெட்ல ஒரு பெரிய ஸ்போர்ட்ஸ் பைக்கோட ஃபீலை அனுபவிக்கணும்னு நினைக்கிறவங்களுக்கு இதுதான் சரியான பைக். இதோட சேஸிஸ், மஸ்குலர் பாடி எல்லாம் இதோட அண்ணன் பல்சர் 150 போலவே இருக்கும். அதனால ரோட்ல ஒரு கெத்தான லுக் கொடுக்கும். ஆபிஸ் போகும்போது, இந்த பைக் ஒரு ஸ்ட்ராங்கான, உறுதியான உணர்வைக் கொடுக்கும். ஹைவேஸ்ல வேகமா போகும்போதும் முழு கண்ட்ரோல் உங்க கையில இருக்கும்.

Image Credit : stockPhoto

அதிக பவர் இன்ஜின்

இந்த லிஸ்ட்லேயே அதிக பவர் (11.8 PS) கொடுக்கிறது இதோட 124.4 cc இன்ஜின்தான். அதனால ஓட்டுறதுக்கு ரொம்ப ஜாலியா இருக்கும். இதோட கிளிப்-ஆன் ஹேண்டில்பார், ஸ்பிலிட் சீட் வேரியன்ட் எல்லாம் ஒரு ஸ்போர்ட்டி லுக்கைக் கொடுக்குது. எடை அதிகமா இருக்கிறதால, மத்த மூணு பைக்குகளையும் விட மைலேஜ் கொஞ்சம் கம்மியா இருக்கலாம். ஆனா, உங்களுக்கு லுக், ஸ்டைல், பவர்தான் முக்கியம்னா, பல்சர் 125 உங்க ஆபிஸ் பயணத்தை த்ரில்லிங்கா மாத்திடும். இதோட விலை ₹92,111 (எக்ஸ்-ஷோரூம்) இருந்து தொடங்குது.