Tata Tiago: மொத்தமா மாறிடுச்சு! புது டியாகோவில் என்னென்ன ஸ்பெஷல்?
Tata Tiago: டாடா டியாகோ ஃபேஸ்லிஃப்ட், புதிய பிரீமியம் உட்புற வடிவமைப்புடன் வரவுள்ளது. வயர்லெஸ் சார்ஜர், புதிய கியர் செலக்டர் போன்ற தொழில்நுட்ப அம்சங்களுடன், வெளிப்புற தோற்றத்திலும் குறிப்பிடத்தக்க மாற்றங்களைப் பெற்றுள்ளது.
டியாகோ ஃபேஸ்லிஃப்ட்
இந்திய ஹாட்ச்பேக் சந்தையில் தனக்கென ஒரு இடத்தை உருவாக்கிய டாடா டியாகோ, தற்போது புதிய தோற்றத்தில் மீண்டும் வரத் தயாராகிறது. டியாகோ மற்றும் டியாகோ மின்சார மாடல்களின் புதிய வடிவமைப்பைக் குறிக்கும் டீசர்களை தொடர்ந்து வெளியிடும் டாடா மோட்டார்ஸ், இப்போது பெட்ரோல் மாடலின் உட்புறத்தை வெளிச்சத்துக்கு கொண்டு வந்துள்ளது. இந்த புதிய காட்சி, டியாகோ வெறும் முகமாற்றம் பெற்ற கார் அல்ல, அனுபவத்தில் கூட பெரிய மாற்றத்தை நோக்கி செல்கிறது.
வயர்லெஸ் சார்ஜர் கார்
புதிய டியாகோவின் கேபினில் முதலில் கவனத்தை ஈர்ப்பது அதன் டேஷ்போர்டு வடிவமைப்புதான். அகலமாக நீளும் லேயர்டு அமைப்பு மற்றும் மென்மையான உட்புறப் பொருட்கள் காருக்கு உயர்தர தோற்றத்தை வழங்குகின்றன. கேபின் முழுவதும் துணி அலங்காரங்கள் சேர்க்கப்பட்டிருப்பதால், இது முந்தைய மாடலை விட அதிக பிரீமியம் உணர்வைத் தருகிறது. மேலும், பெரிய கார்களில் காணப்படும் ஹாண்ட் ரெஸ்ட் வசதியும் இதில் இடம்பெற்றுள்ளது.
டியாகோ கேபின்
தொழில்நுட்ப அம்சங்களிலும் டியாகோ பின்தங்கவில்லை. தகவல் மற்றும் பொழுதுபோக்கு திரைக்கு அருகில் தனி டிஜிட்டல் கருவி அமைப்பு சேர்க்கப்பட்டுள்ளது. குளிர்சாதன கட்டுப்பாடுகளுக்கான இயல்பான பொத்தான்கள் தொடர்வது, ஓட்டுநர்களுக்கு எளிதான பயன்பாடு வழங்கும் முடிவாக பார்க்கப்படுகிறது. இதே நேரத்தில், மைய பகுதி முழுவதும் மறுவடிவமைப்பு செய்யப்பட்டிருப்பது டீசரில் தெளிவாக தெரிகிறது.
ஹாட்ச்பேக் கார்
குறிப்பாக ஆட்டோமேட்டிக் மாடலில் பாரம்பரிய கியர் லிவருக்குப் பதிலாக சுழலும் இயக்கத் தேர்வில் இடம்பெறுவது முக்கிய மாற்றமாகும். இதனுடன், கைப்பேசிக்கான வயர்லெஸ் சார்ஜிங் வசதி, அதிவேக சார்ஜிங் இணைப்புகள் மற்றும் பின்புற பயணிகளுக்கும் தனி சார்ஜிங் வசதி வழங்கப்படுவது இந்த ஹாட்ச்பேக்கை நவீன தேவைகளுக்கு ஏற்றதாக மாற்றப்படுகிறது.
360 கேமரா கார்
வெளிப்புற தோற்றத்திலும் டியாகோ புதிய அடையாளத்தை பெறுகிறது. புதுப்பிக்கப்பட்ட கிரில், எல்.ஐ.டி விளக்குகள், புதிய சக்கர வடிவமைப்பு மற்றும் இணைந்த பின்விளக்குகள் காரின் தோற்றத்தை மேலும் பிரம்மாண்டமாக காட்டுகிறது. பாதுகாப்புக்காக ஆறு ஏர்பேக்குகள் வழங்கப்படலாம் என எதிர்பார்க்கப்படுகிறது. விலையும் தற்போதைய நிலைக்கு அருகில் இருந்தால், புதிய டியாகோ மீண்டும் ஹாட்ச்பேக் சந்தையில் கவனத்தை ஈர்க்கக்கூடிய மாடலாக மாறும்.
